حاي جۇي تۇرعىندارعا، پارتيا مۇشەلەرىنە، ساۋداگەرلەر ۋاكىلدەرىنە پارتيا 19-قۇرىلتايىنىڭ رۋحىن ۇگىتتەۋدە
پارتيا 19-قۇرىلتايىنىڭ ۋاكىلى حاي جۇي قىزىل ءتۇستى كاستيومىن كيىپ، پارتيا 19-قۇرىلتاي ۋاكىلى كۋالىگىن الىپ، شينجياڭ ءۇرىمجى تيانشان رايونى حيجياشان تارماق رايونى باسقارۋ كوميتەتى ارداۋان سولتۇستىك الەۋمەتتىك اۋماعىنىڭ جيىن زالىنا كەلگەندە، دۋ قول شاپالاق ءۇنى ەستىلدى.
28-قاراشادا، ءۇرىمجى قالالىق ادام كۇش بايلىعى جانە قوعامدىق قامتاماسىزداندىرۋ مەكەمەسىنىڭ ارداۋان سولتۇستىك الەۋمەتتىك اۋماعىنداعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تۇسكەن قىزمەت اترەتى «قۇرىلتاي ۋاكىلى نەگىزگى ساتىعا كەلىپ، شۇعىلالى جاڭا ءداۋىردى ءسوز ەتەدى» اتتى پارتيا 19-قۇرىلتايىنىڭ رۋحىن ۇگىتتەۋ قيمىلىن ورىستەتتى. حاي جۇي كوپشىلىككە كوپتەگەن قۋانىشتى حابارلاردى الا كەلدى.
بۇل قىزىل كاستيومدى قۇرىلتاي اشىلعاندا كيگەن ەدىم. قىزىل ءتۇس جاقسىلىقتىڭ بەلگىسى. پارتيا 19-قۇرىلتايى سالتاناتتى اشىلدى. مەن كوپشىلىككە كوپتەگەن قۋانىشتى حابارلاردى اكەلدىم، سوندىقتان، قىزىل كاستيومىمدى كيىپ كەلدىم ...،-دەپ باستادى حاي جۇي ءسوزىن، دۋ قول شاپالاق تاعى دا كوتەرىلدى.
حاي جۇي 19-قۇرىلتاي كەزىندە تۇسكەن ءبىر پارشا سۋرەتىن جانە قۇرىلتاي اشىلعان كەزدەگى بايانداما كىتاپشاسىن الىپ شىعىپ، بىلاي دەدى: بۇگىن نەگىزىنەن مەن كوپشىلىكپەن اڭگىمەلەسپەكشىمىن.
حاي جۇي قولىنداعى ءبىر پارشا اقپارات قۇرالدار جۋرنالىندا باسىلعان ونىڭ باسقا ۋاكىلدەرمەن بىرگە تۇسكەن سۋرەتىن الىپ شىقتى، ول كەزدە ولار پارتيا 19-قۇرىلتاي بايانداماسىندا ايتىلعان ۇلتتار ىنتىماعى مازمۇنى جايىندا تالقى جۇرگىزىپ جاتىپتى.
«پارتيا 19-قۇرىلتاي بايانداماسىندا مىنالار اتاپ كورسەتىلدى، ۇلتتار ارا اۋىس-كۇيىس بايلانىستى كۇشەيتىپ، ۇلتتاردىڭ اناردىڭ دانىندەي تىعىز ۇيىسۋىن ىلگەرىلەتۋ كەرەك ... كوپشىلىكتىڭ بارلىعى: قازىر وسى شينجياڭدا ەتەك الىپ جاتقان ‹ۇلتتار ىنتىماعىنىڭ بەرەكەلى شاڭىراعى› قيمىلى وسى ءسوزدىڭ ناقتىلى بەينەلەنۋى، بايانداما ىشىندەگى وسى ءبىر اۋىز ءسوز كوپشىلىكتىڭ جۇرەگىنە جول الدى،-دەدى حاي جۇي.
حاي جۇي ءوزىنىڭ جانىندا الىپ جۇرەتىن پارتيا 19-قۇرىلتاي بايانداما كىتاپشاسىن اشتى، بۇل كىتاپشانىڭ سىرتى از قاتپارلانىپ قالىپتى، ءىشى ءتۇرلى ءتۇستى قالاممەن سىزىلىپ، بەلگى قويىلىپتى.
حاي جۇي شۇيشيگوۋ قالاشىعى فاڭجياجۋاڭ قىستاعى كوميتەتىنىڭ مەڭگەرۋشىسى قىزمەتىن اتقارىپ جاتقان كەزدەگى اڭگىمەسىمەن بىرلەستىرىپ، كوپشىلىككە وقۋ-اعارتۋ، كاسىپتەنۋ، قوعامدىق قامتاماسىزداندىرۋ قاتارلى مازمۇندار جايىندا تۇسىنىك جاسادى.
70 جاستاعى الەۋمەتتىك اۋماقتاعى قارت پارتيا مۇشەسى يە گۇيداڭ وسىلاردى ءبىر جاعىنان ەستىپ، ءبىر جاعىنان ەستەلىككە الىپ وتىردى. ول: حاي جۇيدىڭ ايتقاندارىنىڭ بارلىعى ءبىزدىڭ جانىمىزداعى ىستەر. ونىڭ ايتقاندارىنان پارتيا 19-قۇرىلتايىنىڭ مازمۇندارىن ءتىپتى دە ىشكەرىلەي ءتۇسىندىم.
