ەرمۇرات قابىل ۇلى حابارلايدى. پارتيا 19-قۇرىلتايى جەڭىسپەن اشىلعاننان كەيىن، تۇتاس اۋدانىمىزدا پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتى قىزۋ ورلەۋگە كوتەرىلدى . سونىمەن قاتار، نەگىزگى ساتىدا تياناقتاندىرىپ، پارتيانىڭ حالىق تۇرمىسىنا قاتىستى سارا ساياساتتارىن، ءىرى ينجەنەريالارىن حالىق بۇقاراسىنا شىنايى ۇگىتتەپ جەتكىزدى.
جۋىقتا، ءدوربىلجىن اۋدانى ەمىل مال فەرماسىنىڭ قىزمەتكەرلەرى جانە وسى فەرماداعى شينمۋ مال جانە قۇس باعىمشىلىق كووپەراتيۆىندەگى جۇمىسشىلار بىرلىكتە اۋىلداستارىن ەرتىپ، قارامايلى ــ شاۋەشەك تەمىرجولىنىڭ (ءدوربىلجىن بولەگىندەگى) قۇرىلسشىلارىنا (جۇڭگو تەمىر جول 1 – مەكەمەسىنىڭ) پارتيا 19 – قۇرىلتاي رۋحىن ۇيرەنۋ ماتەريالدارىن جەتكىزدى ءارى قۇرىلتاي رۋحىن بىرلىكتە ۇيرەندى. سونىمەن قاتار، اۋىلداستار وزدەرى وندىرگەن جەرگىلىكتى ەرەكشە ونىمدەردى ۇسىندى.
قارامايلى – شاۋەشەك تەمىرجولىنىڭ جالپى ۇزىندىعى 173 كيلومەتر بولىپ، بۇنىڭ ءدوربىلجىن بولەگىندەگى ۇزىندىعى 91.7 كيلومەتر. قازىر ءتورت ورىندا قۇرىلىس جۇرگىزىلۋدە. تەمىر جولدى جوندەۋ قۇرىلىسى باستالعاننان بەرى جۇڭگو تەمىر جول 1 – مەكەمەسى جەرگىلىكتى قىستاق تۇرعىندارىنان 200 ارتىق جۇمىشى قابىلداپ، اۋىل جاستارىنىڭ كاسىپتەنۋىنە جول اشىپ، اۋىلداستاردىڭ القاۋىنا يە بولدى.
قىس كىرىسىمەن تەمىر جول جوندەۋ قۇرىلىسىن جالعاستى جۇرگىزۋگە كەلمەگەندىكتەن، ءبىر ءبولىم تەمىر جول جۇمىسشىلارى اۋىلدارىنا قايتۋعا دايىندالدى. بۇنى ەستگەن قىستاق تۇرعىندارى وزدەرى ۇيىمداسىپ جانە جەرگىلىكتى اۋىل ونىمدەرىن جەتكىزىپ، شاعىن كونسەرت نومىرلەرىن قويدى ءارى وزدەرى كەستەلەگەن ۇلتتىق ۇلگىدەگى باس كيىم سياقتى ونىمدەرىن ۇسىنىپ، ۇزاق ۋاقىت جاپالى ەڭبەك ەتىپ جاتقان جۇمىسشىلارعا اۋىلداستاردىڭ شىنايى العىسن جەتكىزدى.
شينمۋ مال جانە قۇس باعىمشىلىق كووپەراتيۆىنىڭ جاۋاپتسى شۇي جۇڭۋي: «بۇگىن ءبىز پارتيا 19- قۇرىلتايىنىڭ رۋحىن وسىنداعى تەمىر جول جوندەپ جاتقان جۇمىسشىلارىمەن بىرلىكتە ۇيرەندىك. قۇرىلتايدا ورتاعا قويىلعان ەگىنشى ـ مالشى بۇقاراسى ءۇشىن يگى ساياساتتار ءبىزدى شابىتتاندىرى. مەن جەكە كاسىپكەرىمىن، قازىرگە دەيىن مەملەكەتتىڭ ءتۇرلى كاسىپ جاراتقاندارعا قاراتقان ساياساتتارىنان يگىلىكتەنىپ كەلەمىن. كووپەراتيۆىمىزدىڭ كولەمى كەڭەيىپ، دامىپ كەلەدى. مىنە اۋىلىمىزدىڭ جانىنان تەمىر جول سالىنىپ، حالىقتىڭ جول قاتىناسىنا وراسان زور وزگەرىس اكەلگەلى تۇر. بارلىعى دا پارتيانىڭ پارمەندى ساياساتىنىڭ ارقاسى، بۇگىن دە وسىندا جاپا ماشاقاتپەن جۇمىس ىستەپ جاتقان جۇمىسشىلارعا شىنايى العىسمىزدى ايتۋعا كەلدىك. تەمىر جول ىسكە قوسىلعاننان كەيىن ءوزىمىزدىڭ وندىرگەن ەرەكشە ونىمدەرىمىزدى سىرتقا شىعارۋعا ەرەكشە قولايلىلىق اكەلمەكشى، ەكونوميكالىق كىرىسمىزدىڭ ءتىپتى دە ارتا تۇسەتىندىگىنە سەنىم كامىل»،- دەدى قۋانىشتى تۇردە.
ءتىلشىنىڭ قىزمەت ورنى: ءدوربىلجىن اۋداندىق پارتكوم ۇگىت ءبولىمى
