تاۋلە قۇماش ۇلى، لي حۇي حابارلايدى. شاعانتوعاي اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى بارلىق قاتىناس ساقشى كۇشتەرىن ۇيىمداستىرىپ، شاعىن تۇرپاتتى كولىك جۇرگىزەتىن شوفەرلارعا قاتىناس زاڭ-ەرەجەلەرىنە سانالى بويسۇنىپ قاتىناس زاڭى بويىنشا حاۋىپسىزدىكتى باستى ورىنعا قويىپ مادەنيەتتى شوفەر بولۋدى ۇگىتتەدى.
قاتىناس ساقشىلار كەرمە تۋ ءىلۋ، ۇگىت تاقتا شىعارۋ، ۇگىت قاعاز، ۇگىت كىتاپشا تاراتۋ ، كەرمە تۋعا قول قويۋ سياقتى كوپ ءتۇرلى فورمالارمەن الداعى كەلە جاتقان 2-جەلتوقسان قاتىناس حاۋىپسىزدىك كۇنىن اتاپ ءوتتى.
ءبىر تاكسي شوفەرى تىلشگە: كولىكتى ابايلاپ جۇرگىزىپ، حاۋىپسىزدىكتى كۇشەيتىپ، قاتىناس زاڭىنا سانالى بويسۇنىپ، مادەنيەتتى شوفەر بولامىن،- دەدى.
قاتىناس ساقشىلارى اۋدان قالاشىعىنداعى ۇگىت قىزمەتتەرىن اقىرلاستىرعاننان سوڭ، نەگىزگى كوشە بويلارىنىڭ جول اۋىزدارىنا تۇرىپ حاۋىپسىزدىكتى كۇشەيتۋ ۇگىتىن جۇرگىزسە، ەندى ءبىر جاعىنان اۋىل، فەرما، قىستاقتارعا ءتۇسىپ ءار ۇلت حالقىنا «قاتىناس ساقشىلارىنا سەلبەسىپ، حاۋىپسىزدىكتى كۇشەيتەيىك» تاقىرىبىندا ۇگىت جۇرگىزدى.
ءتىلشىنىڭ قىزمەت ورنى: تارباعاتاي ايماعى شاعانتوعاي اۋداندىق مادەنيەت - دەنەتاربيە، راديو - كينو - تەلەۆيزيا مەكەمەسى
