تيانشان تورى   ›   بىلگەنگە مارجان   ›   دەنساۋلىق

ءتىس اقاۋسىزدىعىن قورعاۋدىڭ تاماشا ءادىسى

1. ءتىس قايراۋ: ءتىستىڭ ماڭايىنداعى قۇرىلىمداردىڭ اقاۋسىزدىعىن جاقسارتادى، بۇل دەنە شىنىقتىرعانعا ۇقسايدى، ونىڭ ۇستىنە اۋىز قۋىسىنداعى سىلەكەي سۇيىقتىعىن كوبەيتىپ، ءتىس بەتىن تازارتادى. ءتىس قايراۋدىڭ ءادىسى قاراپايىم، ياعني اۋىزدى جۇمىپ، ءتىستى قايرايسىڭ، ءار كۇنى 100 رەت قايراۋدى ادەتكە اينالدىرۋ كەرەك.
2. ءتىس شۇقىلاۋ: كەيبىر ازىق - تۇلىكتەر باكتەريا داعىنا اينالىپ، ءتىس شوتكىلەگەندە وڭاي - وسپاققا كەتە قويمايدى، مۇندايدا، ەڭ جاقسىسى، ءتىس ءبولىمىنىڭ ارناۋلى سۇڭگىسىمەن قىستىرىلىپ قالعان ازىق - تۇلىكتەردى شۇقىپ شىعارىپ، باكتەريا داعىن تازالاۋ كەرەك. كەيبىرەۋلەر ءتىس شۇقىعىش پايدالانۋعا كوندىككەن، الايدا ارتىقشا كۇشتەۋگە بولمايدى، ويتپەگەندە، ءتىستىڭ قىزىل يەگىن جارالايدى، ءتىپتى، ءتىس ۇياسى سۇيەگىنە زيان سالادى.
3. اۋىزدى شايمەن شايقاۋ: تاماقتان كەيىن نەمەسە ءتىس شۇقىعاننان كەيىن جىلى سۋمەن اۋىزدى شايقاۋ ارقىلى اۋىز قۋىسىندا قالىپ قالعان ازىق - تۇلىكتەردىڭ قالدىعىن شايىپ تاستاۋعا بولادى. ەلىمىزدىڭ بايىرعى زامانىندا اۋىزدى شايمەن شايقاۋدى دارىپتەگەن، بۇل تاماشا ءادىس، ويتكەنى شايدىڭ قۇرامىندا فتور بولادى، بۇل ءتىستىڭ ءشىرۋىنىڭ الدىن الادى، شايدىڭ قۇرمىندا تاعى مالما بولعاندىقتان، ءتىس ءتۇبى قابىنۋىنىڭ الدىن الۋعا پايدالى.
4. اۋىزدى شايعان كەزدە ازىراق تۇز قوسۋ: ءتىس شاياتىن سۋعا از مولشەردە تۇز قوسۋ، تۇزدىڭ ءدامى ازىراق شىقسا بولعانى، مۇنداي تۇزدى سۋمەن شايۋ قىزىل يەكتىڭ قابىنۋىنان ساقتانۋدا بەلگىلى ونىمگە يە. اۋىزدى شاياتىن سۋعا %0.2حلور گەكسيدين نەمەسە %0.2فتورلى ەرىتىندى سياقتى دارىلەردى قوسسا، ءتىس شىرۋىنەن ءبىرشاما ءونىمدى ساقتانۋعا بولادى.
5. شايناۋ ماشىعى: شايناۋ ماشىعى شايناۋ بۇلشىق ەتتەرىن تولىق جاتتىقتىرادى. ءبىز ادەتتە قاتتى، وڭدەلمەگەن تالشىقتى ازىق - تۇلىكتەردى كوبىرەك تۇتىنىپ، ءارقانداي ۋاقىتتا ازىقتاردى شايناپ تۇرۋىمىز، ءبىر جولاتا جۇتپاۋىمىز كەرەك. وسىلاي ىستەگەندە شايناۋ بۇلشىق ەتتەرىن، ءتىس ۇياسى سۇيەگىن جانە جاق سۇيەكتى شىنىقتىرادى. ءتىستىڭ ماڭايىنداعى قۇرىلىمداردىڭ اقاۋسىزدىعىن قورعايدى.
6. قىزىل يەكتى ۇيقالاۋ: ءتىستىڭ ماڭىنداعى قۇرىلىمداردىڭ قان اينالىسىن جاقسارتىپ، ءتىس قۇرىلىمدارىنىڭ زات الماسۋىن تەزدەتىپ، ءتىستىڭ اۋرۋعا قارسىلىق قۋاتىن ارتتىرادى. قىزىل يەكتى ۇيقالاۋدى اۋىز قۋىسىنىڭ ىشىندە دە، سىرتىندا دا جۇرگىزۋگە بولادى. اۋىز قۋىسىندا جۇرگىزگەندە، ەڭ جاقسىسى، تاڭەرتەڭ - كەش ءتىستى شوتكىلەگەننەن كەيىن ىستەگەن ءجون. قولدى تازالاپ جۋىپ سۇق ساۋساقتى اۋىز قۋىسىنا كىرگىزىپ، ءتىستىڭ ەرىن جاعىنداعى جانە ءتىل جاقتاعى قىزىل يەكتى باسۋ، ودان سوڭ الدىدان ارتقا قاراي اينالدىرىپ ۇيقالاۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى