تيانشان تورى
تيانشان تورى   ›   ۇيرەنۋ   ›   شولۋ

ادامزاتتىڭ العا باسۋ ءىسى ءۇشىن ۇزدىكسىز كۇرەسەيىك

  − باس شۋجي شي جينپيڭنىڭ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە سويلەگەن ارقاۋ ءسوزى تۋرالى (3)

  جۇڭگو حالقىنىڭ باقىتىن كوزدەۋ ءارى ادامزاتتىڭ العا باسۋ ءىسى ءۇشىن كۇرەسۋ. بۇل جۇڭگو كوممۋنيستىك پارتياسىنىڭ وزىنە جۇكتەگەن قاسيەتتى بورىشى، ماركسيزمدىك ساياسي پارتيانىڭ مۇراتىن جانە سالتاناتىن ايگىلەگەن.

  دۇنيە ءجۇزىنىڭ بەيبىتشىلىگىنە، تىنىشتىعىنا بۇرىنعىداي ۇلەس قوسۋ؛ دۇنيە ءجۇزىنىڭ بىرگە دامۋىنا بۇرىنعىداي ۇلەس قوسۋ؛ دۇنيە ءجۇزى وركەنيەتىنىڭ اۋىس - كۇيىسىنە، ءوزارا ۇلگى الۋىنا بۇرىنعىداي ۇلەس قوسۋ كەرەك. جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە سويلەنگەن ارقاۋ سوزدە، باس شۋجي شي جينپيڭ «3 بۇرىنعىداي» ارقىلى الەم حالقىنا جۇڭگو كوممۋنيستىك پارتياسىنىڭ ادامزاتتىڭ العا باسۋ ءىسى ءۇشىن ۇزدىكسىز كۇرەسەتىن باتىل بەكىمى مەن بەرىك سەنىمىن سالتاناتپەن جاريالادى. كەسەتىمدى ءسوز، باتىل ەرىك - جىگەر ارقىلى جۇڭگو كوممۋنيستىك پارتياسىنىڭ ءداۋىر جاۋاپكەرلىگىن كەڭ الەمدىك كوز ايامەن، تەرەڭ حالىقتىق سۇيىسپەنشىلىكپەن جانە قايتپاس باتىلدىقپەن ارقالايتىندىعىن جاندى بەينەلەدى.

  جۇڭگو كوممۋنيستىك پارتياسى − دۇنيە جۇزىندەگى ەڭ ۇلكەن ساياسي پارتيا. باس شۋجي شي جينپيڭ «ۇلكەن بولعان ەكەن، ۇلكەندىگىن ايگىلەۋ كەرەك» دەگەندى قايتالاي باسا دارىپتەدى. ءىرى ەل، ءىرى پارتيا نەسىمەن ايگىلەنەدى؟ وندا ۇلكەن ماقسات، ۇلكەن قالىپ، ۇلكەن ءورىس، ۇلكەن جاۋاپكەرلىك بولۋ كەرەك. مۇنى ءبىر تۇيىنگە جيناقتار بولساق، باس شۋجي شي جينپيڭنىڭ ارقاۋ سوزىندە جاريالاعانىنداي: «جۇڭگو كوممۋنيستىك پارتياسىنىڭ ماقساتى − جۇڭحۋا ۇلتىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ، ادامزاتتىڭ بەيبىتشىلىگى مەن دامۋىن كوزدەۋ». پارتيامىز قۇرىلعاننان بەرى وسىنى بورىش ەتىپ، وسى ءۇشىن قۇلشىنىپ، تاريح بەتىنە وشپەستەي جازىلاتىن تالاي - تالاي ادامزات مۇعجيزاسىن جاراتتى، دۇنيە جۇزىندەگى ساياسي پارتيالاردىڭ ساياسي تاريحىنداعى جونگە سالۋ حيكىمەتتەرىن ورىندادى. پارتيا 18 - قۇرىلتايىنان بەرى ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن العا قويعاننان تارتىپ، «ءبىر بەلدەۋ، ءبىر جول» قۇرىلىسىن ىلگەرىلەتۋگە، ونان جۇڭگونىڭ دامۋىن ىلگەرىلەتۋ ارقىلى دۇنيە جۇزىنە ءتىپتى دە كوپ وراي جاراتۋعا، وزىندىك امالياتتى تەرەڭدەتۋ ارقىلى ادامزات قوعامىنىڭ دامۋ زاڭدىلىعى ءارى دۇنيە جۇزىندەگى ءارقايسى ەلمەن تەڭ يگىلىكتەنۋ جونىندە ىزدەنىس جاساۋعا دەيىن، جۇڭگو كوممۋنيستىك پارتياسى شەتەلدىڭ ۇلگىسىن «يمپورت ەتپەدى»، شەتەلگە جۇڭگونىڭ ۇلگىسىن دە «ەكسپورت» ەتپەدى، باسقا مەملەكەتتەن جۇڭگونىڭ ءادىسىن «كوشىرىپ الۋدى» تالاپ ەتپەدى، دۇنيە ءجۇزىنىڭ بەيبىتشىلىگى مەن دامۋى ءۇشىن جۇڭگونىڭ اقىل - پاراساتى مەن جۇڭگونىڭ كۇش - قۋاتىن ارناۋعا باستان - اياق تاباندى بولىپ، ادامزاتتىڭ العا باسۋ ءىسى ءۇشىن جاڭا ناتيجەلەردى ۇزدىكسىز جاراتتى.

  تۇتاس ادامزاتتىڭ 100 جىلدان استام ۋاقىتتان بەرگى ورتاق تىلەگى − بەيبىتشىلىك جانە دامۋ. جۇڭگو كوممۋنيستىك پارتياسى «بەيبىت ەل بولۋ»، «كۇللى الەمنىڭ جاراسىمدىلىعىن جۇزەگە اسىرۋ» سىندى مادەنيەت رۋحىن ارقالاپ، بەيبىتشىلىكتىڭ قادىر - قىمباتىن، دامۋدىڭ قۇنىن تەرەڭ ۇعىنىپ، بەيبىت دامۋ جولىنان قاي - قاشان دا اۋىتقىماي، ءبىر - بىرىنە تيىمدىلىك جەتكىزەتىن، ورتاق يگىلىككە كەنەلەتىن اشىق ستراتەگيانى اتقارىپ كەلدى. تاريح جۇڭگو دامىپ، زورايعان سايىن، دۇنيە ءجۇزىنىڭ بەيبىتىشىلىگى مەن دامۋىن جەبەيتىن مىزعىماس كۇشكە اينالا تۇسەتىندىگىن دالەلدەدى. باس شۋجي شي جينپيڭ جۇڭگو كوممۋنيستىك پارتياسىنىڭ دۇنيە ءجۇزىنىڭ بەيبىتشىلىگىنە بۇرىنعىداي ۇلەس قوساتىندىعىن، دۇنيە ءجۇزىنىڭ بىرگە دامۋىنا بۇرىنعىداي ۇلەس قوساتىندىعىن جاريالادى، مۇندا دۇنيە ءجۇزىنىڭ بەيبىتشىلىگى مەن دامۋىن جەبەۋ سەنىمى جانە بەكىمى ايگىلەندى. باس شۋجي شي جينپيڭ دۇنيە جۇزىندەگى ءارقايسى ساياسي پارتيالاردىڭ بىزبەن بىرگە «دۇنيە ءجۇزىنىڭ بەيبىتىشىلىگىن ورناتۋشى، الەمدىك دامۋعا ۇلەس قوسۋشى، حالىقارالىق ءتارتىپتىڭ قورعاۋشىسى بولۋىن»، «دۇنيە جۇزىنە ءتىپتى دە كوپ ىنتىماقتاسۋ ورايىن جاراتىپ، دۇنيە جۇزىندەگى ءارقايسى ەلدىڭ بىرگە دامۋىن، گۇلدەنىپ - كوركەيۋىن ىلگەرىلەتۋگە قۇلشىنۋىن» ۇندەدى، مۇنداعى تىلەگى دۇنيە ءجۇزىنىڭ بەيبىتشىلىگى مەن دامۋىن قورعاۋ كۇشتەرىن ۇزدىكسىز زورايتىپ، بەيبىتشىلىك جالاۋىنىڭ ۇرپاقتان - ۇرپاققا جالعاسۋىنا، دامۋ قوزعاۋشى كۇشىنىڭ ۇزدىكسىز جالعاسۋىنا مۇمكىندىك جاساۋ ەدى.

  وركەنيەتتىڭ گۇلدەنۋى، ادامزاتتىڭ العا باسۋى ورتاقتىققا ۇمتىلىپ، پارىقتاردى ساقتاۋدان، ەسىك اشۋدان، باۋىرمالدىلىقتان ايرىلا المايدى، وركەنيەت اۋىس - كۇيىسىنەن، ءبىرى - بىرىنەن ۇيرەنۋدەن، ءوزارا ۇلگى الۋدان ايرىلا المايدى. جۇڭگو كوممۋنيستىك پارتياسى ەجەلدەن الەمدىك كوز ايا ورناتىپ، دۇنيە جۇزىندەگى ءار ەل حالقى جاراتقان وركەنيەت جەتىستىگىنەن بەلسەنە ۇيرەنۋدى، ۇلگى الۋدى، سونداي - اق ونى جۇڭگونىڭ ءىس جۇزىندىك جاعدايىمەن ۇشتاستىرا قولدانۋدى دارىپتەپ كەلەدى. باس شۋجي شي جينپيڭ جۇڭگو كوممۋنيستىك پارتياسىنىڭ الەمدەگى وركەنيەتتەردىڭ اۋىس - كۇيىسى، ءوزارا ۇلگى الۋى ءۇشىن بۇرىنعىداي ۇلەس قوساتىندىعىن جاريالادى، مۇندا دۇنيە جۇزىندەگى ءار ەل حالقىنىڭ وركەنيەت جاسامپازدىعىنا اشىق كوز ايامەن، داڭعىل كوكىرەكپەن مامىلە جاساۋدى ايگىلەدى، «وركەنيەت اۋىس - كۇيىسى وركەنيەت ارازدىعىنان اسىپ تۇسەتىن، وركەنيەتتە ءوزارا ۇلگى الۋ وركەنيەتتەردىڭ قاقتىعىسىنان اسىپ تۇسەتىن، وركەنيەتتىڭ بىرگە ءومىر ءسۇرۋى وركەنيەت باسىمدىعىنان اسىپ تۇسەتىن» وسكەلەڭ تالپىنىستى ايگىلەدى. تاريح ادامزات وركەنيەتىنىڭ شۋاقتى ساۋلەسىن بىرگە شاشىپ، تۇرلىشە وركەنيەتتىڭ جاراسىمدى، بىرگە ءومىرۋ سۇرۋىنە، ءبىر - بىرىنە باپ كەلۋىنە سايكەسىپ، ادامزاتتىڭ دامۋى ءۇشىن ورتاق رۋحاني كۇش - قۋات ازىرلەۋگە ۇندەۋدە.

  جاڭا داۋىرگە اياق باسقان، جاڭا جورىقتى باستاعان جۇڭگو كوممۋنيستىك پارتياسى الەمدەگى دوستارمەن كەڭىنەن دوستاسىپ، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى تىزە قوسا ىلگەرىلەتىپ، اناعۇرلىم كوركەم دۇنيە ءجۇزىن قۇرۋ ءۇشىن ۇزدىكسىز كۇرەسۋدى، تىنباي قۇلشىنۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.