تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

ىنتىماقتى قورعاۋدىڭ سەركەسى، حالىققا قىزمەت كورسەتۋدىڭ جان كۇيەرى بولامىن

  جەمسارى اۋدانى مانچىڭ جولى الەۋمەتتىك اۋماعىنان

  باقايگۇل نيعىمەت قىزى

  مەن باقايگۇل نيعىمەت قىزى بولامىن، پارتيا مۇشەسىمىن. 1997 - جىلى قازاندا قىزمەتكە قاتىناستىم، قازىر جەمسارى اۋدانى مانچىڭ الەۋمەتتىك اۋماعىندا حالىق ىستەرى كادرىمىن. تالاي جىلدان بەرى، مەن حالىققا قىزمەت كورسەتۋگە تاباندى بولىپ، كىشى - گىرىم ىستەردەن تارتىپ الەۋمەتتىك اۋماقتاعى بۇقارانىڭ جاعدايىنا كوڭىل ءبولىپ، جۇرت جۇرەگىن توعىستىرىپ، قاراپايىم قىزمەت ورنىمدا پارتيا مۇشەسىنىڭ بۇكىل ىنتا - پەيىلىمەن حالىق ءۇشىن قىزمەت ىستەيتىن سەرتىن امالياتتا ايگىلەپ كەلەمىن.

  نەگىزگى ساتىداعى پارتيالى كادر رەتىندە، مەن مىناداي ايبىندى ۋادە بەرەمىن: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، قوعام ورنىقتىلىعى مەن باياندى تىنىشتىق باس نىساناسىمەن بىرلىككە كەلتىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، «ءۇش ءتۇرلى كۇشتىڭ» جيىركەنىشتى بەينەسىن جىعا تانىپ، ۇلكەن دۇرىس پەن ۇلكەن بۇرىس الدىندا تانىمدا كۇڭگىرتتىككە سالىنباي، پوزيتسيادا سولقىلداقتىق ىستەمەي، ارەكەتتە بوساڭسىماي، بەرىك تۇرعىدا بولىپ، ايقىن تۋ ۇستاپ، شەكارا ءىشى - سىرتىنداعى «ءۇش ءتۇرلى كۇشكە» قارسى سانالىلىقپەن دالمە - ءدال كۇرەس جۇرگىزىپ، ىنتىماقتى، ورنىقتى تاماشا جاعدايدى تاباندىلىقپەن باتىل قورعايمىن.

  الەۋمەتتىك اۋماقتاعى تۇرعىنداردىڭ قيىنشىلىعى مەنى الاڭداتاتىن ءىس. كىمنىڭ وتباسى قۇتقارۋعا، كومەككە مۇقتاج بولسا، كىمنىڭ ءۇيىنىڭ توبەسىنەن تامشى اقسا، كىمنىڭ وتباسىنداعىلار جۇمىستانۋعا مۇقتاج بولسا، حالىق ىستەرى كادرى رەتىندە، بۇلاردى ءبىر - بىرلەپ ەسىمدە ساقتاپ، قاتىستى ساياسات بويىنشا، رەتىنە قاراي ورنالاستىرىپ، دەر كەزىندە شەشىپ وتىردىم. ءبىزدىڭ الەۋمەتتىك اۋماقتا قارتتار، مۇگەدەكتەر، وتباسىندا قيىنشىلىعى بار ادامدار ءبىرشاما كوپ، ولار تۇرمىستا قيىنشىلىققا جولىقسا مەنى ىزدەيدى. قيىنشىلىققا جولىققان بۇقارانى ۋايىمنان قالاي ارىلتۋ، مۇڭ - مۇقتاجىن قالاي ويداعىداي شەشۋ مەنىڭ ويىمنان ءبىر ءسات كوتەرىلمەيتىن ماسەلە. قىزمەتىم قاربالاس بولعانىمەن، مەن ۇلتتار ىنتىماعىن ءاردايىم كوڭىلىمدە ساقتايمىن، قاشاندا ۇلتتار ىنتىماعىن ارەكەت بارىسىندا تياناقتاندىرىپ، ءار ۇلت بۇقاراسىنىڭ ءتول مۇددەسىنە ساياتىن جاقسى ىستەردى، ناقتى ىستەردى تىڭعىلىقتى ىستەۋگە قۇلشىنامىن.

  بيىل قىركۇيەكتە مەن جالعىز پەرزەنتىنەن ايرىلعان «اتا - انا» ليۋ گوچۇن جانە ونىڭ ايەلىمەن بىرگە حىنان ولكەسىنىڭ شاڭچيۋ قالاسى مينچۋان اۋدانىنا تۋىسشىلاي باردىم، شاڭچيۋ قالالىق ۇلت ىستەرى كوميتەتى مينچۋان اۋدانىندا «شينجياڭنىڭ سانجى حۇيزۋ اۆتونوميالى وبلىسى مەن حىناننىڭ مينچۋان اۋدانىنىڭ ۇلتتار ىنتىماعى بەرەكەلى شاڭىراعى» اڭگىمە ءماجىلىسىن وتكىزدى، بۇل قوعامنىڭ ءار سالاسىنىڭ كەڭ كولەمدى نازارىن اۋداردى.

  بيىل جەمسارى اۋدانى مانچىڭ جولى الەۋمەتتىك اۋماعى مەنىڭ اتىمدا «باقايگۇل ۇلتتار ىنتىماعى كەڭسەسىن» قۇردى، قيىنشىلىعى بار توپ، ەرىكتىلەر، مەيىربان جاندار تەكشەسىن ازىرلەپ، قيىنشىلىعى بار بۇقارانىڭ كومەككە يە بولۋىنا، ءال - اۋقاتى بار مەيىربان جانداردىڭ كومەككە مۇقتاج جاندارعا كومەك اتاۋىنا مۇمكىندىك جاراتتى. مەنىڭ 11 «اكە - شەشەمنەن» سىرت، ءبىز تاعى قاراستى رايونداعى قيىنشىلىعى بار 72 ءار ۇلت وتباسىنا، تاۋلى رايونداعى قيىنشىلىعى بار 11 اناعا، 9 مۇگەدەك جانعا، قيىنشىلىعى بار 15 وقۋشىعا كومەكتەسەمىز، قاشقار ايماعىنداعى قيىنشىلىعى بار شارۋالارعا 360 نەشە كيىم - كەشەك جىبەردىك، جىلۋ جيناپ اتاعان قارجىمىز 100 مىڭ يۋاننان استى.

  اششى تەردىڭ ءتاتتى جەمىسىن كوردىم. مەن ىلگەرىندى - كەيىندى «مەمىلەكەت بويىنشا قارتتاردى قۇرمەتتەۋ، قارتتاردى ايالاۋ، قارتتارعا كومەكتەسۋدىڭ ۇلگىسى»، «ەڭ تاڭداۋلى شينجياڭدىق»، سانجى حۇيزۋ اۆتونوميالى وبلىس بويىنشا «3 تە جاقسى قىزمەتشى»، «1 - مامىر ەڭبەك وردەنىنىڭ يەگەرى»، «ۇلتتار ىنتىماعى العاباسارلىعىنداعى وزات ايەل» قاتارلى داڭقتى اتاقتارعا يە بولدىم. نەگىزگى ساتىداعى 10 نەشە جىلدىق تاجىريبەلەرىم ماعان مىنانى ۇعىندىردى: نەگىزگى ساتىدا ەرىكتى قىزمەت كورسەتۋدى كەڭ كولەمدە ەتەك الدىرۋ، جۇڭحۋانىڭ تاڭداۋلى تاماشا ءمورالىن ساۋلەلەندىرۋ، داۋىرلىك جاڭا سالتتى ساۋلەلەندىرۋ ءبىزدىڭ كوپ بولىپ ۇزاق ۋاقىت بىرگە قۇلشىنعانىمىزدا عانا ورىندالادى، مەنىڭ يە بولعان داڭقىم كوپشىلىكتىڭ داڭقى. مۇنان بىلايعى قىزمەتتە، مەن پارتيا 19 - قۇرىلتايىنىڭ رۋحىن باستاماشىلدىقپەن امالياتتا ايگىلەپ، كەڭسەدەگى مۇشەلەردى باستاپ، قوعام ورنىقتىلىعىن قورعاۋدىڭ سەركەسى، بۇقارانىڭ جان اشىر جاقىنى بولىپ، تۇتاس اۋداندا ۇلتتار ىنتىماعىنىڭ تاماشا جاعدايىن قالىپتاستىرۋعا قۇلشىنامىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.