«كوركەم شينجياڭ» تاقىرىپتىق فوتوسۋرەت كورمەسى وزبەكستاندا ۇقساس ۋاقىتتا وتكىزىلدى
2017 - جىلعى وزبەكستان - جۇڭگو شينجياڭ تاۋار كورمەسى 2017 - جىلى 2 - جەلتوقساننان 7 - جەلتوقسانعا دەيىن وزبەكستاننىڭ استاناسى تاشكەنت قالاسىنداعى مەملەكەتتىك جاستار كورمە سارايىندا وتكىزىلدى.
بۇل رەتكى كورمەنى جۇڭگو حالىقارالىق ساۋدانى ىلگەرىلەتۋ كوميتەتىنىڭ شينجياڭ ۇيعۇر اۆتونوميالى رايوندىق كوميتەتى، شينجياڭ ۇيعۇر اۆتونوميالى رايوندىق ەكونوميكا جانە ينفورماتسيالاندىرۋ كوميتەتى، شينجياڭ ۇيعۇر اۆتونوميالى رايوندىق ساۋدا مەڭگەرمەسى بىرلەسىپ ۇيىمداستىرىپ، جۇڭگو حالىقارالىق ساۋدا قوعامىنىڭ شينجياڭ ساۋدا قوعامى وتكىزگەن، وزبەكستان مەملەكەتتىك ونەركاسىپ - ساۋدا قوعامى، جۇڭگونىڭ وزبەكستاندا تۇراتىن ەلشىحاناسى، جۇڭگونىڭ وزبەكستاندا تۇراتىن ساۋدا ءمانسابىنان قالدىرۋ - قولداۋ كورسەتۋ ورنى قولداپ وتكىزگەن.
بيىلعى كورمەنىڭ يەلەگەن جەر اۋماعى 1000 شارشى مەتر، 45 كاسىپورىن كورمەگە قاتىناسقان، ماشينا جانە ەلەكتر جابدىقتارى، قۇرىلىس ماتەريالدارى، توقىماشىلىق، كيىم - كەشەك، ازىق - تۇلىك، اۋىل شارۋاشىلىعى قاتارلى ءداستۇرلى شارۋاشىلىق سالاسىنداعى كاسىپورىنداردان سىرت، ەنەرگيانى ۇنەمدەپ، ورتانى قورعاۋ، جاسىل ءتۇستى اۋىل شارۋاشىلىق، حالىقارالىق زات اينالىمى قاتارلى جاڭادان گۇلدەنگەن كاسىپ سالالارىنداعى كاسىپورىندار دا بار.
ۇعىسۋعا قاراعاندا، وزبەكستان - جۇڭگو شينجياڭ ساۋدا كورمەسى جىلىنا ءبىر كەزەك وتكىزىلىپ تۇرادى، 2009 - جىلى تۇڭعىش رەت وتكىزىلگەننەن قازىرگە دەيىن سەگىز رەت ءساتتى وتكىزىلگەن. سەگىز جىلدان بەرى، كورمە تاماشا ونىمدىلىككە قول جەتكىزگەن. الدىڭعى سەگىز كەزەكتە 533 كاسىپورىن قاتىناسىپ، كورمە اۋماعى 15 مىڭ شارشى مەتر، قول قويىلعان توقتام سوماسى 908 ميلليون ا ق ش دوللارى بولىپ، جۇڭگونىڭ شينجياڭى مەن وزبەكستان ەكونوميكاسىنىڭ دامۋىندا بەلسەندى رول اتقارعان.
بيىلعى كورمە مەزگىلىندە «كوركەم شينجياڭ» تاقىرىپتىق فوتوسۋرەت كورمەسى دە وتكىزىلدى، جالپى 66 فوتوسۋرەت تۋىندىسى شوعىرلى كورمەگە قويىلدى، شينجياڭنىڭ تابيعي كورىنىسى، گۋمانيتارلىق سالت -ساناسى، سونداي - اق قالا ەكونوميكا -ساۋداسى، قاتىناسى، عىلىم - تەحنيكاسى، ەمدەۋ - دەنساۋلىق ساقتاۋ، مادەنيەت - دەنەتاربيە قۇرىلىسى جاقتارىنداعى تابىستارى بەينەلەندى، شينجياڭداعى ءار ۇلت حالقىنىڭ ءوندىرىس - تۇرمىستاعى ىنتىماقتاسا العا باسقان رۋحاني بەت - بەينەسى مەن «كوركەم شينجياڭنىڭ» شەكسىز باۋراۋ قۋاتى ايگىلەندى.
وزبەكستان جىبەك جولى ەكونوميكالىق بەلدەۋىندەگى ماڭىزدى مەملەكەت، جۇڭگونىڭ شينجياڭى مەن وزبەكستان ءداستۇرلى ەكونوميكالىق سەرىكتەر، وزبەكستان - جۇڭگو شينجياڭ تاۋار كورمەسىن وتكىزۋ — شينجياڭنىڭ وزگەشە وڭىرلىك باسىمدىعى مەن باتىسقا ەسىك اشۋداعى تەرەزەلىك رولىن ساۋلەلەندىرەدى، «ءبىر بەلدەۋ، ءبىر جول» قۇرىلىسىندا ورتا ازياداعى مەملەكەتتەرمەن اۋىس - كۇيىس سەلبەستىگىن تەرەڭدەتەدى، جىبەك جولى ەكونوميكالىق بەلدەۋىندە ماڭىزدى قاتىناس وزەك ورتالىعىن، ساۋدا زات اينالىمى ورتالىعىن، مادەنيەت، عىلىم - تەحنيكا ورتالىعىن وڭىرلىك سيپاتقا يە فينانىس ورتالىعىن، ەمدەۋ قىزمەت كورسەتۋ ورتالىعىن، دامۋ تۇعىرىن قالىپتاستىرادى، ورتاق اقىلداسۋ، ورتاق قۇرۋ، ورتاق يگىلىكتەنۋ پرينسيپى استىندا «ءبىر بەلدەۋ، ءبىر جول» بويىنداعى ءار ەل جاڭالىق اشا دامۋ، سايكەستى دامۋ، جاسىل ءتۇستى دامۋ، اشىق دامۋ، ورتاق دامۋدى جۇزەگە اسىرادى.
2017 - جىلعى وزبەكستان - جۇڭگو شينجياڭ تاۋار كورمەسى، سونداي- اق «كوركەم شينجياڭ» تاقىرىپتىق فوتوسۋرەت كورمەسى قازىرگى كەزدەگى شينجياڭنىڭ گۇلدەنىپ - كوركەيگەن، ورنىقتى تاماشا جاعدايىن تولىق ايگىلەدى، شينجياڭنىڭ زور تابىستارىن كەڭ كولەمدە ۇگىتتەدى، ەل ءىشى - سىرتىنا دۇرىس ينفورماتسيا تاراتتى، شينجياڭ قىزمەتىن جاقسى ىستەۋدەگى سەنىمىن بەكەمدەدى.
