مەملەكەتتىك ەڭبەك ەرى، شينجياڭ ءتۇستى مەتال توبى ۋشين مىس شارۋاشىلىعى كاسىپورنىنىڭ قىزمەتكەرى
يدايات بايسىلام ۇلى
مەن يدايات بايسىلام ۇلى بولامىن، شينجياڭ ءتۇستى مەتال توبى ۋشين مىس شارۋاشىلىعى مەتال قورىتۋعا قاتىستى رەمونتتاۋ سەحىندا ىستەيمىن. 2015 - جىلى مەملەكەتتىك ەڭبەك ەرى اتاندىم. پارتيا 19 - قۇرىلتايى جەڭىسپەن اياقتادى، مەن شي جينپيڭ جولداستى ۇيتقى ەتكەن پارتيا ورتالىق كوميتەتىن شىن دىلىممەن قولدايمىن، تاماشا ستيل ارقىلى پارتيا 19 - قۇرىلتايىندا ورتاعا قويىلعان نىسانا - مىندەتتەردى قىزمەت بارىسىندا ناقتاپ تياناقتاندىرۋعا، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەسۋگە، ۇلتتار ىنتىماعى مەن قوعام ورنىقتىلىعىن قورعاۋعا تيەسىلى ۇلەسىمدى قوسۋعا بەلدى بەكەم بۋامىن.
كورىكتى شينجياڭ − جەرى كەڭ، بايلىعى مول، كەنىشتى جەر، اتامزاماننان بەرى ءار ۇلت حالقى وسىناۋ كورىكتى دە قۇتتى مەكەندە تۇرمىس كەشىرىپ، ەڭبەك ىستەپ، ءوزارا مەيىر باعىشتاپ، ءوزارا كومەكتەسىپ، ءبىر وتباسىنىڭ ادامدارىنداي ەتەنە تۇرمىس كەشىرىپ كەلەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا شينجياڭدا وراسان زور وزگەرىستەر تۋىلدى، ەكونوميكاسى قاۋىرت دامىعان، حالىق تۇرمىسى مەيلىنشە جاقسارعان، ۇلتتار ىنتىماعى بارىنشا نىعايعان تاماشا جاعداي جارىققا شىعىپ، ءار ۇلت حالقىنىڭ تۇرمىسى كۇننەن - كۇنگە جاقساردى. الايدا ات توبەلىندەي بۇزاقىلار ءار ۇلت حالقىمەن جاۋلاستى، بەيبىتشىلىكتى سۇيەتىن ءار ۇلت حالقى ولارعا «كوشەدەن قاشقان تىشقاندى ۇر - ۇردىڭ استىنا الۋدىڭ»كەبىنىن كيدىرىپ، ولەردەي وشەستى. «ءۇش ءتۇرلى كۇش»، «ەكىبەتكەيلەر» سىندى بۇزاقىلار سان الۋان قانقۇيلى تاسىلدەردەن پايدالانىپ، زورلىقتى كۇش، لاڭكەستىك ارەكەتتەرىمەن شۇعىلدانىپ، شينجياڭدى وتان قۇشاعىنان بولشەكتەۋ قاسكۇنەمدىگىنە سالىندى. ولاردىڭ پاسىق قاسكۇنەمدىكتەرى مەن سۇمپايى ارەكەتتەرى جۇرتقا بەلگىلى، ءبىز بۇعان استە جول بەرمەيمىز. مەن ولارعا «ەسەك دامەگە سالىنباڭدار! حالىققا زيان جەتكىزەتىن سەندەر سياقتى ۋلى مەرەزدى، ءسوزسىز، تۇبەگەيلى الاستايمىز» دەپ وكتەم ءۇن قاتامىن.
مەن قاراپايىم ءبىر وتباسىندا دۇنيە ەسىگىن اشتىم، ەسەيە كەلە باعىما جاراي، شينجياڭ ءتۇستى مەتال توبىنا قىزمەتكەر بولىپ قابىلداندىم، ءوزىم قىزۋ سۇيەتىن رەمونتتاۋ قىزمەت ورنىندا كاسىپورىنعا ءبىر كىسىلىك ۇلەسىمدى قوسۋدامىن، قازىر «ەڭبەك ەرى قىزمەت كەڭسەم» دە بار. بيىل 1 - شىلدەدە داڭقپەن جۇڭگو كوممۋنيستىك پارتياسىنا مۇشە بولۋىم جان دۇنيەمدى تەبىرەنتتى، پارتيا ۇيىمىنىڭ مەنى باۋلىپ، سەنىم ارتقاندىعىنا شەكسىز العىس ايتامىن. پارتيا مۇشەسى رەتىندە، جاۋاپكەرلىگىمنىڭ اۋىر ەكەندىگىن تەرەڭ سەزىندىم. قازىر ءار ۇلتتان قۇرالعان شاكىرتتەرىم بار، ءبىز قۇددى تۋعان باۋىرلاستارداي تۇرمىستا ءوزارا كوڭىل ءبولىپ، قىزمەتتە ءوزارا كومەكتەسىپ، بىرگە العا باسۋدامىز. پارتيا مۇشەسى، ەڭبەك ەرى ساناتىندا، مەن قاي - قاشان دا اۆانگارد، باستاماشىلدىق رولىمدى ساۋلەلەندىرەمىن، رياسىز سۇيىسپەنشىلىك، ءتول اسەرىم ارقىلى كاسىپتەستەرىمە پارتيانىڭ ابزال ساياساتتارىن تۇسىندىرەمىن، ءىس - ارەكەتىم ارقىلى بەلسەنە وڭ ەنەرگيا تاراتامىن، ءار ۇلت باۋىرلاستارىمەن بىرگە قول ۇستاسا وتىرىپ، ءىس جۇزىندىك ارەكەتىم ارقىلى قوعامنىڭ جاراسىمدىلىعى مەن ورنىقتىلىعىن بۇلدىرەتىن «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەسەمىن.
مەملەكەت بولعاندا عانا وتباسى بولادى، ءبارىمىز دە وسى ۇلى شاڭىراقتىڭ ءبىر مۇشەسىمىز. مەن «ىنتىماق − قۇت، بىلىقپالىق − جۇت» دەگەندى ەسىمدە بەرىك ساقتايمىن، وبۇلقاسىم ءماتتۇرسىن جولداستان بەلسەنە ۇيرەنىپ، پارتياعا ادال بولۋدا، وتان تۇتاستىعىن قورعاۋدا، ۇلتتار ىنتىماعىن جەبەۋدە، باس نىسانانى تياناقتاندىرۋدا، جۇڭگوشا سوتسياليستىك شينجياڭ قۇرۋدا ونەگە بولامىن. ماڭايىمداعى ءتىپتى دە كوپ ادامداردى پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، قىزمەتتى مۇقيات، تىڭعىلىقتى ىستەۋگە باستايمىن، ۇلتتار ىنتىماعىن قىزمەت پەن تۇرمىستىڭ ءاربىر بۋىنىندا ايگىلەۋگە قۇلشىنامىن.
شينجياڭ ورنىقتى بولعاندا عانا، كاسىپورنىمىز ءتىپتى دە ويداعىداي داميدى، ءبىز دە باقىتتى تۇرمىس كەشىرەتىن بولامىز، مەن ءىس - ارەكەتىم ارقىلى ونەگە كورسەتىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەۋگە، ارالاسۋدى، ىشتەسۋدى، توعىسۋدى نىعايتۋعا، بىرگە ىنتىماقتاسا كۇرەس جاساپ، وتانىمىزدى ءتىپتى دە قۇدىرەتتى، مەكەنىمىزدى ءتىپتى دە كورىكتى ەتىپ قۇرۋ جولىندا قۇلشىنۋعا ۋادە بەرەمىن. ۇلتتار ىنتىماعى − ءار ۇلت حالقىنىڭ جان تامىرى، ءارقانداي ءبىر سۇرقيا كۇشتىڭ ونى بۇلدىرۋىنە جول قويمايمىن، ۇلتتار ىنتىماعىن بۇلدىرۋگە ۇرىنعان ءارقانداي ءسوز - ارەكەت اتاۋلىمەن سوڭىنا دەيىن باتىل كۇرەسەمىن.
