رەداكتوردان
جاڭا داۋىردە جاڭا ارىن بولۋ، ونان دا ماڭىزدىسى جاڭا ءىس تىندىرۋ كەرەك. پارتيا 19 – قۇرىلتايى اشىلعاننان كەيىن، شينجياڭداعىءار ۇلت حالقى اقىل – پاراساتى مەن كۇش – قۋاتىن پارتيا 19 – قۇرىلتايىندا ورتاعا قويىلعانءتۇرلى مىندەتتەردى ورىنداۋعا جۇمسادى. تورابىمىز «جاڭا ءداۋىر، جاڭا بەينە، جاڭا ارىن» تاقىرىبىندا ارناۋلى ايدارشا اشىپ، تىلشىلەردى نەگىزگى ساتىعا بارىپ، حالىق تۇرمىسى، ۇلتتار ىنتىماعى، كەدەيلىكتەن ارىلۋ، ەكولوگيالىق وركەنيەت، نەگىزگى ساتى قۇرىلىسى، رەفورما، دامۋ سىندىءتۇيىندى تاقىرىپ اياسىندا حابار جازۋعا جۇمىلدىرىپ، جاڭا داۋىردە شينجياڭداعى ءار ۇلت حالقىنىڭ پارتيا 19 – قۇرىلتايىنىڭ رۋحىن ۇيرەنۋ، دايەكتىلەندىرۋدەگى جاڭاشا وي، ءادىس – تاسىلدەرى مەن جاڭا تابىستارىن ايگىلەدى.
ارزىگۇل (وڭدا) ۇستازىنىڭ جەتەكشىلىگىندە سۇيىقتىق ۇلەستىرۋدە
مەنىڭ ارمانىم: ءۇش جىلدان كەيىن بۇل جەردەن باسپانا ساتىپ الۋ
تىلشىلەرىمىز جانات تولقىن ۇلى، سۋ جيانچاۋ
ارزىگۇل ابدوللا: «جولداسىم ەكەۋمىز بۇل جەرگە ۇيىرلەسىپ كەتتىك، كەيىن بالالارىمىزدى دا كورلاعا اكەلىپ الامىز». 29 -قاراشا، ءبىز ارزىگۇل ابدوللامەن كەزدەسكەنىمىزدە، ونىڭ شينجياڭ فۋليدا تالشىق مانەرلەۋ شەكتى سەرىكتەستىگىنىڭ قىزمەتكەرى بولعانىنا 7 اي تولعانىن بىلدىك. بيىل ناۋرىز ايىندا، قاشقار ايماعى قاعىلىق اۋدانى تەتىر اۋىلى رامازانباق قىستاعىنىڭ تۇرعىنى ارزىگۇل قىستاق كادرلارىنان شينجياڭ فۋليدا تالشىق مانەرلەۋ شەكتى سەرىكتەستىگىنىڭ وڭتۇستىك شينجياڭنان قىزمەتكەر قابىلدايتىن حابارىن ەستيدى، ول جولداسى ءادىل ابۇلامەن اقىلداسا كەلە سەرىكتەستىككە جۇمىسقا بارۋعا تىزىمدەلەدى.
ارزىگۇل: «سەرىكتەستىككە تىزىمدەلگەن كەزدە، اكە - شەشەمىز بىزدەن الاڭداعان ەدى، ويتكەنى قىزمەت ورنىمىز اۋىلدان الىس ەدى، ەندى ءبىر جاعىنان اكە – شەشەمىزدىڭ بۇل سەرىكتەستىككە بولعان تۇسىنىگى وتە تاياز بولدى».
ارزىگۇل بۇل سەرىكتەستىكتىڭ مەملەكەت مەنشىگىندەگى كاسىپورىن ەكەنىن ءبىلىپ، ايلىق كىرىسىدە ءبىرشاما تۇراقتى بولۋى مۇمكىن دەپ تۇسپالدايدى. ارزىگۇلدىڭ ۇيىندە 3 مۋ جەرى بار، جىلدىق كىرىسى 10 مىڭ يۋانعا دا جەتپەيتىن، ال جولداسى قۇرىلىس ورنىندا كران جۇمىسشىسى بولاتىن، قۇرىلىس مەزگىلىندە عانا ءبىرشاما ماردىمدى كىرىس تاباتىن، كران قىزمەتى تۇراقسىز بولعاندىعى سەبەپتى، ءادىل كەي كەزدەرى قۇرىلىس ورنىندا قارا جۇمىسشى بولىپ تا ىستەيتىن.
24 - ناۋرىز كۇنى تاڭعى ساعات 8 دە، دەنساۋلىق تەكسەرۋى، ساياسي تەكسەرۋ قاتارلى ءبىر تۇتاس تەكسەرۋدەن وتكەن ارزىگۇل مەن جولداسى ءادىل كورلا قالاسىنىڭ پويەز بەكەتىنە كەلەدى. التى ادامدىق جاتاق ۇيىنە ورنالاسقان سوڭ، ارزىگۇل 3 ايلىق قىزمەتكە شىعار الدىنداعى تاربيە كۋرسىنا قاتىناسادى.
ارزىگۇل ورتا مەكتەپتى شاڭحاي چيباۋ ورتا مەكتەبىندەگى ىشكى ولكەدەگى شينجياڭ كلاسىندا وقۋىن اقىرلاستىرىپ، شاڭحاي فينانس ينستيتۋتىنا وتەدى، الايدا، سەمياسىنىڭ ءال - اۋقاتى جاقسى بولماعاندىقتان، وقۋىن جالعاستىرا المايدى.
ارزىگۇل: «كۋرسقا قاتىناسقان كەزدە ءوزىمىزدى مەكتەپتەگى وقۋشى رەتىندە سەزىنەتىن ەدىك، ءوندىرىس حاۋىپسىزدىگى بىلىمدەرى، قىزمەت تەحنيكاسى جانە مەملەكەتتىك ءتىلى قاتارلى ساباقتاردى ءبىرشاما جۇيەلى ۇيرەندىك، قىزمەت ورنىمىزداعى اسحانانىڭ تاماعى كۇرىشتى نەگىز ەتەتىندىكتەن، ۇن تاماقتى نەگىزگى ازىق ەتىپ كەلگەن قىزمەتكەرلەر كۇرىش تاعامدارىنا كوندىگە الماعانىن اڭىس ەتەدى، سەرىكتەستىگىمىز احۋالدى يەلەگەننەن كەيىن، دەر كەزىندە تاماق تۇرىنە وزگەرىس ەنگىزىپ، كەسپە كوجە، لاڭمان سەكىلدى ۇن تاعامداردىڭ ءتۇرىن مولايتتى».
ارزىگۇل ىشكى ولكەدەگى شينجياڭ كلاسىنان وقىعاندىعى سەبەپتى، ونىڭ مەملەكەتتىك ءتىلدى يگەرۋى ءبىرشاما جاقسى بولدى، كۋرس ۋاقىتىن مەرزىمىنەن بۇرىن اقىرلاستىرىپ، سەرىكتەستىكتىڭ پراكتيكانت قىزمەتكەرىنە اينالادى. سەرىكتەستىك ونى توقىماشىلىق قورىتۋ سەحى، سۇيىقتىق تەڭشەۋگە جاۋاپتى ەتىپ ورنالاستىرادى، باسقى 1 - ايىندا، وعان ارناۋلى ۇستاز ورنالاستىرىپ جەتەلەيدى، قىزمەتكە ابدەن قانىق بولعاننان كەيىن ول دەربەس ىستەي الاتىن بولدى، قىزمەت كەزىندە قيىنشىلىققا جولىقسا سانالى تۇردە ۇستازىنان اقىل سۇراپ ءبىر جايلى ەتەدى. جاعدايعا قاراي سەرىكتەستىك ارزىگۇلمەن جولداسى ءادىلدى ارناۋلى ەرلى - زايىپتىلار بولمەسىنە ورنالاستىردى.
ارزىگۇل: «اپتاسىنا ءبىر كۇن دەمالامىز، ايلىق كىرىسىمىز 4300 يۋان مولشەرىندە، سەرىكتەستىگىمىز بىزگە قامسىزداندىرۋ اقىسى مەن تۇرعىن ءۇي قاراجاتىن تاپسىرىپ بەرەدى. بۇرىن ءۇيىمىزدىڭ شارت - جاعدايى ناشار ەدى، بالالارىمىزعا جاقسى شارت - جاعداي ازىرلەپ بەرسەك دەيمىز».
ارزىگۇلدىڭ قىزى ەكى جاستا، اپاسىنىڭ قولىندا ەرجەتىپ كەلەدى، ارزىگۇل جولداسى ادىلمەن بىرگە ايلىعىنىڭ ءبىر ءبولىمىن ۇيدەگىلەرىنە سالىپ بەرەتىن، ارزىگۇلدىڭ كەلەسى جوسپارى بالاسىن قاسىنا اكەلىپ الىپ، ءوزى قاراۋ. ارزىگۇلدىڭ قىزمەتتەسى حوتان ايماعى كەريا اۋدانى باققۇم قىستاعىنان كەلگەن اييۇزحان مامەت، اييۇزحانمەن جولداسى دا فۋليدا سەرىكتەستىگىنىڭ قىزمەتكەرى. اييۇزحاننىڭ 5 جاسار ۇلى 2 جاسار قىزى بار، ءبىر ايدىڭ الدىندا اييۇزحان بالالارىن جۇمىس ورنىنا اكەلىپ الۋ ءۇشىن سەرىكتەستىككە ءوتىنىش جازادى. فۋليدا سەرىكتەستىگىنە كەلۋدەن بۇرىن، اييۇزحان وتباسىندا ءۇي جۇمىسىمەن ابىگەر بولاتىن، ۇيدە قالىپ بالا قارايتىن، ءبىر ءۇيلى جان جولداسىنىڭ ەگىنشىلىك جەرىنەن جانە اسحاناداعى اسپازدىق جۇمىسىنان تاپقان ازعانتاي كىرىسىنە عانا سۇيەنەتىن ەدى. كۇندەر وتە كەلە بۇل سەرىكتەستىكتىڭ جۇمىسىنا توسەلىپ العان ولار اقىلداسا كەلە بالالارىن اكەلىپ الۋدى ويلاستىرادى.
اييۇزحان: «بۇل جەر قالاي دەگەنمەن قالا، قالانىڭ شارت - جاعدايى جاقسى، قالادا ءبىزدىڭ تۇرمىسىز دا كۇننەن - كۇنگە جاقسارىپ كەلەدى، بالالارىمىزعا دا جاقسى ءبىلىم الاتىن تاماشا ورتا جاراتىپ بەرسەك دەيمىز».
اييۇزحان سەرىكتەستىكتىڭ كادرلار باسقارۋ بولىمىنەن سەرىكتەستىكتىڭ بالالارىن قاسىنا الىپ قارايلاسۋعا رۇقسات ەتەتىنىن جانە جاتاق رايونىنا قاراستى بالا باقشاعا وقۋعا بەرۋگە بولاتىنىن ءبىلىپ، 5 جاسار ۇلىن جاتاق رايونىنا قاراستى بالا باقشاسىنا بەرەدى. 2 جاسار قىزى بالا باقشاعا قابىلداۋ جاسىنا تولماعاندىعى سەبەپتى، كەلەر جىلى وقيتىن بولعان. فۋليدا سەرىكتەستىگى جۇمىسشى پەرزەنتتەرىنىڭ ۇيرەنۋىنە جاقسى شارت - جاعداي جاساپ بەرۋ ءۇشىن ءمالىم ءبىر بالا باقشامەن كەلىسۋ ارقىلى جاتاق رايونى ىشىنەن بالا باقشا سالدىرىپ، بالا باقشاسىن اقىسىز جەر جانە توك، سۋمەن قامداپ وتىرعان.
«بالامىزدى باقشاعا العاش اپارعان كۇنى سوڭىمىزدان قالماي جىلاپ ارەڭ قالعان ەدى، كەشتە بالامىزدى توسىپ الۋعا بارعانىمىزدا باسقا بالالارمەن بىرلىكتە جاقسى دوستاردان بولىپ كەتىپتى، جاتاققا الىپ قايتار جولدا بىزدەن باقشاعا قاشان بارامىز دەپ سۇراعان ەدى»،-دەيدى اييۇزحان جۇزىنەن كۇلكى ءۇيىرىلىپ.
اييۇزحان جولداسىمەن بىرگە ەرلى - زايىپتىلار جاتاق بولمەسىندە تۇراتىن. ءتىلشى 20 كۆادرات مولشەرىندەگى جاتاق بولمەسىندە قاراپايىم ءۇي جابدىقتارىنىڭ رەتتى ءتىزىلىپ تۇرعانىن كورەدى، بالالارىنىڭ ءسۇرىنىپ جارالانۋىنان ساقتانۋ ءۇشىن جەرگە كىلەم جايىلعان، تەلەديدار تۇعىرىنىڭ جانىندا بىرنەشە تاقسى جەمىس - جيدەكتەر دە بار.
اييۇزحان: «مەنىڭ ءبىر ارمانىم بار، ول بولسا اقشا قۇراپ، 3 جىلدان كەيىن، بۇل جەردەن تۇرعىن ءۇي ساتىپ الۋ، ەكى بالامنىڭ دا وزدەرىنە ءتان ءبىر بولمەسى بولۋ».
