5-جەلتوقساندا، بىرلەسكەن مەملەكەتتەر ۇيىمى ورتانى جوبالاۋ مەكەمەسىنىڭ باس شتابىندا جۇڭگو سايحانبا ورمان الاڭىنىڭ قۇرۋشىلارىنا بىرلەسكەن مەملەكەتتەر ۇيىمىنىڭ ورتانى قورعاۋ سالاسىنداعى ەڭ جوعارى ماراپات — «جەر شارىنىڭ قورعاۋشىسى سيلىعىن» تابىستادى.
سايحانبا ورمان الاڭى — ەلىمىزدىڭ حىبەي ولكەسىنىڭ سولتۇستىگىنە ورنالاسقان، يەلەگەن جەر كولەمى 93 مىڭ گەكتار. تاريحتان بەرى شەكتەن تىس ورمان بايلىعىن كەسكەندىكتەن، توپىراعى قۇنارسىزدانىپ، سولتۇستىكتەگى قۇمدىقتىڭ قۇمدارى جەلمەن بىرگە بەيجيڭگە توتە سوعىپ كەلەتىن. 1962-جىلى نەشە ءجۇز ورمان قۇرۋشى بۇل وڭىردە كوشەت تىگىپ، ءۇش ۇرپاق ادامدارىنىڭ قۇلشىنۋىنىڭ ارقاسىندا ورماننىڭ كومكەرىلۋ دارەجەسى 11.4 پايىزدان 80 پايىزعا جەتكەن. قازىر بۇل ادام كۇشىمەن وسىرىلگەن ورمان بەيجيڭ مەن تيانجينگە جىلىنا 137 ميلليون تەكشەمەتر تازا سۋمەن قامداۋدان سىرت، 545 مىڭ توننا وتتەگى شىعارادى.