− قاشقار مەن حوتاندا باسقا سالالارعا ويىستىرىپ جۇمىسقا ورنالاستىرىلعانداردىڭ تىڭ تۇرمىسى تۋرالى
شيا چيڭ
«شەشە، امان - ەسەن جاتىرمىز، تاماق ءدامدى، جاتار ورىن جايلى، بۇل ارادان ونەر ۇيرەنىپ قانا قالماستان، كوپتەگەن دوستارمەن تانىستىم، مەنەن الاڭداماڭىزدار...». 30 - قاراشا تۇستەن كەيىن، 22 جاستاعى ياسىن ءماتقاسىم سوناۋ شالعايداعى كەريا اۋدانىندا تۇراتىن شەشەسىمەن سويلەسىپ، ءوزىنىڭ كورلاداعى ۇيرەنۋ جانە تۇرمىس جاعدايىن اڭگىمەلەدى.
ياسىن ءماتقاسىم كەريا اۋدانى سيەك اۋىلى قاتياق قىستاعىنىڭ تۇرعىنى، بيىل 24 - ساۋىردە ول قاشقار، حوتان ايماقتارىنان كەلگەن اۋىل - قىستاقتاعى 441 ارتىق ەڭبەككۇشپەن بىرگە كورلا ەكونوميكالىق - تەحنيكالىق اشۋ رايونىنداعى شينجياڭ فۋليدا تالشىق شەكتەۋلى سەرىكتەستىگىنە قىزمەتكە شىعۋدان بۇرىنعى كۋرسقا قاتىناسۋعا كەلگەن. 4 ايلىق كۋرستى ءساتتى تامامداعان ياسىن بۇل كۇندەرى قىزمەت ورنىنا بارىپ تا ۇلگىردى.
ياسىن ماقتانىش كەرنەگەن بەينەدە: قازىر ايىنا 4000 يۋاننان ارتىق تابىس تابامىن، ءوزىم 1000 يۋانىن الىپ قالامىن دا، قالعانىن شەشەمە جىبەرىپ، وتباسىمىزدىڭ تۇرمىس جاعدايىن جاقسارتۋعا ىستەتەمىن، - دەدى.
ياسىن سەرىكتەستىككە العاش كەلگەندە جاڭا تۇرمىس پەن قىزمەت ورنىنا ۇيىرلەسە الماي قينالىپ، ءۇيىن قاتتى ساعىنادى، ءتىپتى، قىزمەتتەن بوساۋ ويىنا دا كەلەدى. سەرىكتەستىك باسشىلارىنىڭ ىقىلاستى قامقورلىعىندا جانە حانزۋ ۇستازدارىنىڭ دەن قويا باۋلۋىندا ياسىننىڭ كوڭىل كۇيى ورنىعىپ، وسى جەردە قالىپ جۇمىس ىستەۋ سەنىمى ونان ارى بەكەمدەلەدى.
ياسىن تەرەڭ تولعانا: وسى ارادا تۇلا بويىمدى ءبىر ءتۇرلى كۇش كەرنەيدى، ءۇيدى دە كوپ ساعىنبايتىن بولدىم. وسى ارادان ومىرلىك نىسانامدى تاپتىم، مەن وسى كاسىپورىندا تاباندىلىقپەن ىستەي بەرەمىن، - دەدى.
بيىل اۆتونوميالى رايونىمىزداعى تىرەكتى كاسىپورىنداردىڭ ءبىرى − جۇڭتاي توبى العاشقى توپتا وڭتۇستىك شينجياڭنان كەلگەن 1000 ارتىق ەڭبەككۇشتى جۇمىسقا قابىلدادى، بۇنىڭ ىشىندە كورلا باقشا رايونىنداعى 442 جۇمىسشى دا بار.
شينجياڭ فۋليدا سەرىكتەستىگى قىزمەتكەرلەر جۇمىسى، كاسىپورىن باسقارۋ ءبولىمىنىڭ ورىنباسار باستىعى ۋ لياڭ بىلاي دەدى: جۇڭتاي توبىنىڭ باقشا رايونىندا فۋليدا، جينفۋ، فۋلي جىنلۇن سياقتى 3 بولىمشە سەرىكتەستىگى بار، فۋليدا سەرىكتەستىگى وڭتۇستىك شينجياڭنان كەلگەن 180 جۇمىسشىنى قابىلدادى.
«سەرىكتەستىك بىزگە قىزمەت، ۇيرەنۋ، تۇرمىس جاعىندا ءوز جاقىنىمىزداي مامىلە جاسادى، ءتۇرلى قيىنشىلىقتارىمىزدى شەشىپ بەردى، اي سايىن ءتۇرلى قوسىمشا قاراجات، يگىلىك اقشاسىن تاراتادى، كۋرستى دە 2000 يۋان قوسىمشا قاراجاتپەن قامدادى»، - دەدى ياسىن قۋانا.
قىزمەتكە شىعۋ الدىنداعى كۋرستىڭ ونىمدىلىگىنە كەپىلدىك ەتۋ ءۇشىن، فۋليدا سەرىكتەستىگى كۋرس جانە تۇرمىس باسقارۋ كەڭسەسىن قۇرىپ، 180 قىزمەتكەردى باعىتتامالى تۇردە باي مازمۇندى، الۋان فورمادا جان - جاقتىلى تاربيەلەدى.
ۋ لياڭ بىلاي دەدى: ءبىز ءوندىرىس سەحتارىنان مايتالمان از ۇلت قىزمەتكەرلەرىن ارنايى تاربيەشى بولۋعا سارالاپ شىعاردىق. ولار جاڭا قىزمەتكەرلەردىڭ ۇيرەنۋىنە، قىزمەتىنە، تۇرمىسىنا جاۋاپتى بولادى، جاڭا قىزمەتكەرلەردى جان - جاقتىلى تاربيەلەپ، ولاردىڭ جالپىلىق ورەسىن جاپپاي كوتەرەدى.
ءوندىرىس ءبىرىنشى شەبىنىڭ تىرەكتى قىزمەتكەرى بولعان باسۇسىن سەسىك كاسىپكە قانىق بولىپ قانا قالماستان، ۇيعۇر تىلىنە دە جاتىق بولعاندىقتان، سەرىكتەستىك ونى كۋرستىڭ مۇعالىمدىعىنا شىعارادى.
باسۇسىن سەسىك بىلاي دەدى: 10 وقىتۋشى گرۋپپالار بويىنشا سەرىكتەستىككە جاڭادان كەلگەن 180 قىزمەتكەردى جان - جاقتىلى تاربيەلەدىك، ولارمەن بىرگە ۇيرەنىپ، بىرگە ىستەپ، بىرگە تاماقتانىپ، بىرگە تۇرىپ، ولاردىڭ وسى ارانىڭ تۇرمىسىنا تەزىرەك ۇيلەسۋىنە مۇمكىندىك جاساپ، قىزمەتتىڭ تالابىنان شىعىپ، تەزىرەك كاسىپتەنۋى ءۇشىن بارىمىزدى سالدىق.
شينجياڭ فۋليدا تالشىق شەكتەۋلى سەرىكتەستىگىنىڭ باس مەڭگەرۋشىسى فىڭ ۋىنجۇن بىلاي دەدى: ءبىز مۇسىلمانشا اسحانانى جاڭادان سالىپ، ارناۋلى اسپاز ۇسىنىس ەتتىك، جاڭادان كەلگەن قىزمەتكەرلەردىڭ تاماقتانۋ ادەتتەرى بويىنشا اپتا سايىن ەتتى، قاتىقسىز تاماق كەستەسىن جاسادىق، ءار كۇنى لاعمان، پالاۋ، ۇن تاعامدارىن دەرلىكتەي شىعاردىق. سەرىكتەستىك باسكەتبول، بيليارد جارىسى سياقتى قيمىلداردى ۇيىمداستىرىپ، كوپشىلىكتىڭ قىزمەتتەن سىرتقى مادەنيەت تۇرمىسىن بايىتتى، قىزمەتكەرلەر جاتاعىندا اۋا رەتتەگىش، سۋ جىلىتقىش، ينتەرنەتتى تەلەۆيزور سياقتى قۇرىلعىلاردىڭ بارلىعى دايىن، كىر جۋۋ ءۇيىن دە ازىرلەپ بەردىك.
جاڭا قىزمەتكەرلەردىڭ كاسىپورىن تۇرمىسىنا تەزىرەك ۇيلەسۋى ءۇشىن، فۋليدا سەرىكتەستىگى «تىلەك پەن بىلەكتى توعىستىرىپ، ۇلتتار ىنتىماعىن جەبەيىك» تاقىرىبىنداعى ۇلتتار ىنتىماعى قىزىقتى دەنە تاربيە جينالىسىن وتكىزدى. وڭتۇستىك شينجياڭنان ەندى عانا كەلگەن 180 قىزمەتكەر جەتەكشى كادردىڭ، سەرىكتەستىك باسشىلارىنىڭ جانە ۇستازدارىنىڭ شابىتتاندىرۋىندا، «ۇلتتار ىنتىماعىنىڭ بەرەكەلى شاڭىراعى» ۋاكىلدەر ۇيىرمەسىن قۇرىپ، سەرىكتەستىكتىڭ باسقا ۋاكىلدەر ۇيىرمەسىمەن بىرگە ساۋىق قيمىلىن وتكىزدى، سەرىكتەستىك ولارعا توپتىق تۋعان كۇن تويلاۋ جينالىسىن دا وتكىزىپ بەردى.
كەريا اۋدانى سيەك اۋىلى ماكىت قىستاعىنىڭ تۇرعىنى ريزۋانگۇل قۇربان قازىر فۋليدا سەرىكتەستىگىنىڭ قىزمەتكەرى، ول بىلاي دەدى: وسىنداي ءتاتتى تورتتان العاش رەت ءدام تاتۋىم، العاش رەت وسىنداي كوپ قىزمەتتەستەرىممەن بىرگە تۋعان كۇن تويلاۋىم، وسىنداي قىزىقتى ويىنداردى ءبىرىنشى رەت ويناۋىم، وتە قۋانىشتامىن! توپتىق تۋعان كۇن تويلاعان، ويىن ويناعان كەزدەردەن ءبىرتالاي سۋرەت ءتۇسىردىم، مەن وسى سۋرەتتەردى ۇيىمدەگىلەرگە كورسەتىپ، قۋانىشىمدى سولارمەن بىرگە بولىسەمىن.
