− پارتيا 19 - قۇرىلتايى رۋحى جونىندەگى نەگىزگى ساتى ۇگىت - لەكسيا قيمىلىنا جالپى شولۋ
قىس مەزگىلى، جۇڭگونىڭ بايتاق دالاسىندا يدەيا شۋاعى بارلىق الاپقا توگىلۋدە.
اتىز - ارىق باستارى، زاۆود سەحتارى، مەكتەپ ساباقحانالارى، الەۋمەتتىك اۋماق الاڭدارى... پارتيا 19 - قۇرىلتايىنىڭ رۋحى يكەمدى، الۋان ءتۇرلى تاسىلدەرمەن قاراپايىم بۇقارا وتباسىلارىنا جەتكىزىلدى، ۇناتا تىڭداپ، قۇمارتا كورۋىنە، وي - ساناعا سىڭىرىلۋىنە مۇمكىندىك جاسالعاندىقتان ءار سالاداعى كادرلار مەن بۇقارا جاڭا داۋىردە ەكپىندەي ىلگەرىلەيتىن سەرپىن مەن سەنىمگە يە بولدى.
پارتيا 19 - قۇرىلتايىنان بەرى، جەر - جەر ورتالىق ۇگىت - لەكسيا ۇيىرمەسىنىڭ ءادىسى بويىنشا، الىمدى كۇشتەردى سارالاپ، ۇگىت - لەكسيا قىزمەت اترەتىن ۇيىمداستىرىپ، ساتىعا ءبولىپ، ءتۇيىندى ايگىلەپ، جاڭالىق اشۋعا ءمان بەرىپ، ونىمدىلىك كورسەتىپ، پارتيا 19 - قۇرىلتايى رۋحىنىڭ نەگىزگى ساتىدا تياناقتانىپ، تەرەڭ تامىر تارتۋىنا مۇمكىندىك جاسادى.
مازمۇندى نەگىزگى ساتىعا سايكەستىردى: بۇقارانىڭ ەرەكشە «اۋدارماشى قىزمەتكەرى» بولدى
«پارتيا 19 - قۇرىلتايى بايانداماسىندا اۋىل - قىستاقتاردى وركەندەتۋ ستراگياسى العا قويىلدى، جاي تىلمەن ايتقاندا اۋىل - قىستاقتى كورىكتى، جانعا جايلى ەتىپ قۇرىپ شىعىپ، كوپشىلىكتىڭ قالتاسىنىڭ قامپايۋىنا مۇمكىندىك جاساۋ كەرەك!»، 1000 مۋلىق ورىك، الحۇر باقشاسىنىڭ الدىندا چۇڭچيڭ قالاسىنىڭ پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى «اۋىل - قىستاقتارعا جەتكىزۋ» ۇگىت - لەكسيا بولىمشە اترەتىنىڭ باستىعى، قالالىق اۋىل شارۋاشىلىق كوميتەتىنىڭ مەڭگەرۋشىسى لۋ ۋي يۇيبي رايونى گۋلۋ قالاشىعى ۋنيۋ قىستاعىنداعى 80 نەشە قىستاق تۇرعىنىمەن اۋلادا وتىرىپ «اڭگىمە دۇكەنىن» قۇردى. اۋەلگى جوسپاردا ءبىر جارىم ساعاتتا اياقتالاتىن ۇگىت - لەكسيا 2 جارىم ساعاتقا سوزىلسا دا ءالى اياقتاعان جوق، قىستاق تۇرعىندارى بىرىنەن كەيىن ءبىرى ءسوز الىپ، اۋىل شارۋاشىلىق كوميتەتىنىڭ مەڭگەرۋشىسىنە تولاسسىز سۇراق قويدى.
چۇڭچيڭدە جوعارى دەڭگەيدەگى، جوعارى ولشەمدەگى ۇگىت - لەكسيا بولىمشە اترەتى ۇيىمداستى، قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى اترەت باستىعى، قاتىستى قىزمەت تاراۋلارىنىڭ ءبىرىنشى باسشىسى بولىمشە اترەتتىڭ باستىعى بولدى، قوعامدىق عىلىم ماماندارىنان، ءتۇرلى وزاتتاردان، تيپتەردەن 9810 ادامدى تاڭداپ، نەگىزگى ساتىدا ۇگىت - لەكسيا قيمىلىن ورىستەتۋگە جىبەردى. 4 - جەلتوقسانعا دەيىن، قالا جانە رايون - اۋدان سىندى ەكى دارەجەلى ورىننىڭ «التىعا جەتكىزۋ» ۇگىت - لەكسياسى 13 مىڭ 700 رەت جاسالدى، ءبىر ميلليون 840 مىڭ بۇقارا ۇگىت - لەكسيانى تىكە تىڭدادى.
نەگىزگى ساتى ۇگىت - لەكسيا ۇيىرمەسى بۇقارانىڭ ەرەكشە «اۋدارماشى قىزمەتكەرى» بولۋى كەرەك. نازاريالىق ۇگىت - لەكسياداعى «ىشكەرىلەۋ قيىن بولۋ، قابىلداۋ قيىن بولۋ، جالعاستىرۋ قيىن بولۋ» ماسەلەسىن شەشتى، تەك ۇيرەنۋ مەن ىستەۋدى ۇشتاستىرا وتىرىپ بۇقارانىڭ ەڭ كوڭىل بولەتىن حالىق تۇرمىسىنداعى ناقتى ىستەردى تۇسىندىرگەندە عانا، بۇقارانىڭ قوزعالماي وتىرۋىنا، قۋانا تىڭداۋىنا، ەسىنە بەرىك ساقتاۋىنا مۇمكىندىك جاساۋعا بولادى.
شاندۇڭدا ۋيفاڭ چاڭ - ي قالاسىنىڭ بۋجۋاڭ قالاشىعى فۋانجىن قىستاعىنىڭ ءبىرىنشى شۋجيى لي گوحۇي بۇقارالىق ۇگىت - لەكسيا ۇيىرمەسىنىڭ ءبىر مۇشەسى. ونىڭ سومكەسىندە پارتيا 19 - قۇرىلتايىنىڭ تولىق مازمۇنى باسىلعان كىتاپشا مەن ەڭ جاڭا نۇسقاداعى پارتيا ۋستاۆىنان باسقا، تاعى حالىق جاعدايى جازىلعان كۇندەلىك پەن پارتيا 19 - قۇرىلتايىنىڭ رۋحىن ۇيرەنۋ ەستەلىگى جازىلعان داپتەر بار ەدى.
ول قىستاق ەكى كوميتەتىنىڭ كادرلارىنا «نەگىزگى ساتىنىڭ ۇيىمدىق قۇرىلىسىن كۇشەيتۋ» مەن «اۋىل - قىستاقتاردى وركەندەتۋدى» دارىپتەدى؛ جالپى پارتيالى كادرلارعا «پارتيانى جاپپاي قاتاڭ جونگە سالۋدى» دارىپتەدى، قيىنشىلىعى بار بۇقاراعا «كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوز جوق، قول جەتكىزۋدى» دارىپتەدى.
لي گوحۇيدىڭ «سوتسياليستىك وزەكتى قۇن كوزقاراسىن جەتىلدىرۋدى جانە امالياتتا ايگىلەۋدى» نەگىزگى مازمۇن ەتە جاساعان ۇگىت - لەكسياسىن تىڭداعاننان كەيىن، انفۋجىن قىستاعىنداعى 63 جاستاعى پارتيا مۇشەسى سۇن باۋگو: ايتقاندارىنىڭ ءبارى شىندىق، دارىپتەگەندەرىنىڭ ءبارى ناقتى ءىس. ءبىز تىڭداعاننان كەيىن قيسىندى ەكەندىگىن سەزىندىك، - دەدى.
كوشىرىپ الىپ ۇگىتتەۋدەن اۋلاق بولدى، كوپىرمە ءسوز، ەسكى جاراپازان بولمادى، 19 - قۇرىلتايدىڭ رۋحىن نەگىزگى ساتىعا ۇگىتتەۋشىلەر قىستاقتارعا، اتىز باستارىنا بارىپ، سۇپىدا وتىرىپ «تۇراقتى مىنبەردى» «جىلجىمالى ساباقحاناعا» اينالدىردى. ۇگىت - لەكسيا مازمۇنى «دابىراسىنا عانا ءمان بەرۋدەن» «بۇقاراعا جاناسىمدى» بولۋعا وزگەردى.
ۇگىت - لەكسيانى تىڭداعان جۇرت: «ءاسىلى پارتيا 19 - قۇرىلتايىنىڭ بايانداماسى بۇقارانىڭ تۇرمىسىنا وسىنشاما جاناسىمدى ەكەن - عوي»، - دەپ ءسۇيىندى.
ادىسكە جاڭالىق ەنگىزدى: جاڭا داۋىردىڭ «قيساگەرى» بولدى
ءان ءۇنى، مۋزيكا ءۇنى، قۋانىش ءۇنى، شاپالاق ءۇنى سىندى وسى «4 ءۇن» جۇرەكتەرگە جول العان نەگىزگى ساتى ۇگىت - لەكسياسىنىڭ ءسانىن اسىرا ءتۇستى.
«تۋراشىلدىق، ادىلدىك الەمدە جاسىل تاۋ، تۇنىق اۋا جۇرت كوڭىلىن جىلىتتى، الاڭسىز تۇرمىستىڭ ۇلى جوباسى جاسالدى، زاڭمەن جونگە سالۋ امالياتتا ايگىلەندى». 5 - جەلتوقسان تۇستەن كەيىن، حاڭجوۋ قالاسى گۇڭيە رايونى داگۋان ءمالىسى شي - ي الەۋمەتتىك اۋماعىنىڭ «بۇقارا كىتاپحاناسىندا» پيڭحۋا كوركەمونەرشىسى ۋ ياۋشياڭ پيڭحۋا تاسىلىندە پارتيا 19 - قۇرىلتايىنىڭ رۋحى جونىندە ۇگىت - لەكسيا جاسادى.
پيڭحۋا − وڭتۇستىك سۇڭ داۋىرىنەن باستاۋ العان، مەملەكەت دارەجەلى بەيزاتتىق مادەنيەت مۇرا. 2006 - جىلى قۇرىلعان «بۇقارا كىتاپحاناسى» تاياۋ بىرنەشە ايدان بەرى «پارتيا 19 - قۇرىلتايىنىڭ رۋحىن نەگىزگى تاقىرىپتا ۇگىتتەۋ» جەلىلەس قيمىلىن ارناۋلى ۇيىمداستىردى. 77 جاستاعى تۇرعىن جاڭ جيەتۋ ۇنەمى كەلىپ، ءار رەت دەن قويا تىڭدايدى، ول: مۇنداي تاسىلدەگى ۇگىت - لەكسيانى بۇقارا تىڭداپ تۇسىنە الادى، ۇناتىپ تىڭدايدى، - دەدى.
پارتيا 19 - قۇرىلتايى اشىلعاننان كەيىن، فۋجيان ولكەسى نيڭدى قالاسى تىزگىن ۇشىمەن «نازاريالىق ۇگىت - لەكسيا جەڭىل اتتى اسكەرلەر» قوسىنىن ۇيىمداستىرىپ، «اتىز وقىمىستىلارىن»، «جەرگىلىكتى مامانداردى»، «كەشكى شاپاق»، «ادەبيەت - كوركەمونەر جۇلدىزدارى» سياقتى نازاريالىق ۇگىت - لەكسيا بولىمشە اترەتىن قۇرىپ، بارعان جەرلەرىندە قالىڭ كادرلار مەن بۇقارانىڭ قىزۋ قارسى الۋىنا بولەندى.
شىعىس وڭتۇستىك تەڭىز جاعالاۋىنان باتىس سولتۇستىكتەگى تاۋلى قىستاقتارعا دەيىن، سەگىز قىرلى، ءبىر سىرلى ۇگىتشىلەر ءداستۇرلى حالىقتىق ونەر ۇلگىسىمەن، «ورتاق قولدانىلاتىن ءتىلدى» «جەرگىلىكتى تىلگە»، مازمۇنى تەرەڭ «ادەبي ءتىلدى» ۇعىمعا جەڭىل «ءان سوزىنە» اينالدىرىپ، پارتيانىڭ باعىت - ساياساتتارىن ءناسيحاتتاپ، بارلىق ۇلتتىڭ، بارلىق قىستاقتىڭ، بارلىق ادامنىڭ جۇرەگىنە يدەيانىڭ جارىق ساۋلەسىن شاشتى.
پارتيا 19 - قۇرىلتايى بايانداماسىنىڭ مازمۇنى مول، پارتيا 19 - قۇرىلتايى رۋحىنىڭ رۋحى تەرەڭ، ۇگىتشىلەر وزدەرى تولىق تۇسىنۋمەن بىرگە، رۋحاني ءمانى مەن مايەكتى مازمۇنىن دالمە - ءدال يگەرۋى قاجەت. جەر - جەر تانىمال مامان - وقىمىستىلاردىڭ كۇشىن تولىق ساۋلەلەندىرىپ، جوعارى مەكتەپتەردىڭ جاس وقىتۋشى - وقۋشىلارى، قوعامدىق عىلىم ورىندارىنداعى زەرتتەۋشىلەر، پارتيا سىرتىنداعى قايراتكەرلەر سياقتىلارعا ارالاپ ءجۇرىپ لەكسيا جاساپ، پارتيانىڭ جاسامپاز نازاريالارىن ءىلىمي جاقتان ۇعىنىقتى دا جاندى ءتۇسىندىردى.
شانشيدە، «ءمازىر ۇلگىسىندەگى» ارناۋلى تاقىرىپتىق ۇگىت - لەكسيا وتە جاقسى باعاعا يە بولدى. بۇكىل ولكەنىڭ قوعامدىق عىلىمدار سالاسىنان ىرىكتەلگەن ساياسي ساپاسى كۇشتى، نازاريالىق دەڭگەيى جوعارى، بەلگىلى ۇگىت - لەكسيا تاجىريبەسى بار 33 مامان - وقىمىستى پارتيا 19 - قۇرىلتايىنىڭ بايانداماسىندا تۇراقتاندىرىلعان ماڭىزدى نازاريالىق كوزقاراستار مەن ستراتەگيالىق يدەيالارعا سايكەس، قايتا - قايتا وي ەلەگىنەن وتكىزۋ ارقىلى ەڭ سوڭىندا 40 ارناۋلى تاقىرىپ بەلگىلەدى. وسى «ۇگىت - لەكسيا ءمازىرى» ولكەلىك پارتكومنىڭ ۇگىت سايتىندا اشىق جاريالانىپ، بۇكىل ولكەدەگى ورىنداردىڭ باعىتتامالى تۇردە «ءمازىر بويىنشا» ساباق تىڭداۋىنا ۇسىنىلدى.
انحۇيدا، ولكەلىك پارتكومنىڭ ۇگىت - لەكسيا ۇيىرمەسى ومىرمەن ەتەنە «نازاريانى نەگىزگى ساتىعا جەتكىزۋ» اتىنداعى ۇگىت - لەكسيا قيمىلىن ۇيىمداستىرىپ، ەتەك الدىردى، بۇكىل ولكەنىڭ جەر - جەرىنەن ىرىكتەلگەن 100دەن اسا جوعارى دەڭگەيلى ۇگىت - لەكسياشى مامان جانە نەگىزگى ساتى ۇگىتشىلەرى نازاريا ۇگىتتەۋ مەن حۋاڭمەي وپەراسى، حالىق ءانى سياقتى ونەر تاسىلدەرىمەن ۇگىتتەۋدى ۇشتاستىرۋ ءادىسىن قولدانىپ، پارتيا 19 - قۇرىلتايىنىڭ رۋحىن دەر كەزىندە نەگىزگى ساتىنىڭ ءبىرىنشى شەبىنە جەتكىزىپ، نازاريالىق ۇگىت قىزمەتىندەگى «ەڭ سوڭعى ءبىر شاقىرىمدى» شىن مانىندە ىركىلىسسىزدەندىردى.
ءار جەردىڭ «ءوز ونەرى» بار: ەرەكشە ۇگىت - لەكسيانىڭ ونىمدىلىگى كورنەكتى بولدى
«وتكەن 5 جىلدا جۇڭگو وراسان زور تابىستارعا قول جەتكىزدى»... جۇڭگو قوعامدىق عىلىمدار اكادەمياسىنىڭ اكادەميگى، نانكاي ۋنيۆەرسيتەتىنىڭ ورىنباسار باستىعى يان چۇنحۋا 70 نەشە مەملەكەتتەن كەلگەن 200دەن اسا شەتەلدىك مامان مەن ستۋدەنتتەرگە «ادامزاتتىڭ تاعدىرلاس ورتاق تۇلعاسىنىڭ قۇرىلۋىن ىلگەرىلەتىپ، ادامزاتتىڭ كوركەم بولاشاعىن بىرگە جاراتايىق» دەگەن تاقىرىپپەن اعىلشىن تىلىندە بايانداما جاسادى.
پارتيا 19 - قۇرىلتايىنىڭ اشىلۋىنا وراي، الەم ەلدەرىنىڭ نازارى جۇڭگوعا اۋدى. پارتيا 19 - قۇرىلتايىنىڭ رۋحىن ۇگىتتەۋ نەگىزگى ساتى مەن قالىڭ كادر - جۇرتشىلىققا قانا ارنالماۋى، ونىڭ ىشىندە جۇڭگودا قىزمەت ەتەتىن، وقيتىن، تۇرمىس كەشىرەتىن شەتەلدىكتەر دە قامتىلۋى كەرەك.
قازىر شىعىس سولتۇستىك جۇڭگودا كۇن سۋىق، بايىرعى ونەركاسىپ بازالارىن وركەندەتۋ − جەرگىلىكتى بۇقارا ەڭ كوڭىل بولەتىن ءىس. حاربين تۋربينا زاۆودى تەك ءوندىرىستىڭ قىزۋ وشاعى عانا ەمەس، پارتيا 19 - قۇرىلتايىن ۇگىتتەۋدىڭ دە مايدانىنا اينالدى.
پارتيا 19 - قۇرىلتايىنىڭ ۋاكىلى، حاربين ەلەكتر توبى پارتكومىنىڭ شۋجيى سى زىفۋ پارتيا 19 - قۇرىلتايىنىڭ بايانداماسىنا ۇشتاستىرىپ كوپشىلىككە: ۇتىمسىز ەكونوميكالىق ۇلگىنى وزگەرتىپ، باسقارۋ مەن ساپانى كوتەرۋ ارقىلى تيىمدىلىككە قول جەتكىزىپ، شىعىس سولتۇستىكتەگى بايىرعى ونەركاسىپ بازالارىنىڭ قايتا جاندانۋىن ىلگەرىلەتىپ، حالىقتى اۋقاتتاندىرىپ، ولكەنى قۇدىرەتتەندىرۋ سىندى «جۇڭگو ارمانىن» ىسكە اسىرۋ كەرەك، - دەدى.
حيلۇڭجياڭ ولكەلىك لەكسياشىلار ۇيىرمەسىنىڭ باستىعى چىن يۇڭ - ىن بىلاي دەدى: بۇقارانىڭ ويىنا، ارمان - تىلەگىنە قۇلاق اسىپ، بۇقارامەن ەتەنە ارالاسىپ، شىنايى بارىس - كەلىس جاساۋ − حيلۇڭجياڭنىڭ پارتيا 19 - قۇرىلتايىنىڭ رۋحىن نەگىزگى ساتىدا ۇگىتتەۋىندەگى ءبىر ەرەكشەلىك.
توڭكەرىستىك بايىرعى رايوندا، يان - ان ۋنيۆەرسيتەتى وقۋشىلارىنىڭ ۇگىت - لەكسيا ۇيىرمەسى سەنبى، جەكسەنبى كۇندەرىنەن پايدالانىپ زاۋيۋان توڭكەرىستىك كونە جۇرتىنا، ياڭجياليڭ الەۋمەتتىك اۋماعىنا، ۇيرەنۋ كىتاپحاناسىنا، ناننيۋان ۇكىمەتىنە بارىپ، ساياحاتشىلارعا، سول ماڭايداعى بۇقاراعا پارتيا 19 - قۇرىلتايىنىڭ رۋحىن ۇگىتتەدى، جوعارىدا مەملەكەتتىڭ ساياسات - باعىتتارىنان، تومەندە كەدەيلەردى سۇيەمەلدەۋدەن قامال الۋ سياقتى بۇقارا كوڭىل ءبولىپ وتىرعان ماسەلەلەر جونىندە ولارمەن جان - جاقتى اڭگىمەلەستى.
تاراتۋدىڭ زاڭدىلىعىن بىلەتىن، داۋىرلىك وي - تولعامى بار جاس وقۋشىلار وزگەشە جاسامازدىقتارىن ساۋلەلەندىرىپ، «وقۋشىلار ۇگىت - لەكسيا ۇيىرمەسىندەگىلەر سىزبەن بىرگە باياندامانى وقيدى»، «وقۋشىلار ۇگىت - لەكسيا ۇيىرمەسى ءسىزدى لياڭجياڭحىداعى زيالى جاستار داۋىرىمەن تانىستىرادى» اتتى تىكە ەفيردەگى 2 راديو باعدارلاماسىن جاساپ، جەلىدە ۇگىت - لەكسيا جۇرگىزدى.
جۇڭگو كوممۋنيستىك پارتياسىنىڭ 1 - قۇرىلتايى اشىلعان جەر − جۇڭگو كوممۋنيستەرىنىڭ ارمانعا قانات قاققان جەرى.
قاراشانىڭ باسىندا، «ادالدىق جانە سەنىم» اتتى پارتيا ساباعى جۇڭگو كوممۋنيستىك پارتياسىنىڭ 1 - قۇرىلتايى اشىلعان جەردەگى ەسكەرتكىش سارايدا باستالىپ، ناقتى كورىنىستەرمەن كورسەتۋ جانە داۋىستاپ وقۋ فورماسى ارقىلى كورەرمەندەردى جۇڭگو كوممۋنيستىك پارتياسىنىڭ شاڭحايدا باستاعان ۇلى جورىعىن ەسكە تۇسىرۋگە باستادى.
قىس كۇندەرىندەگى قورالاي وتىرىپ، ىقىلاسقا تولى تۇسىندىرۋلەر، قىزۋ تالقىلار، كەيبىرەۋلەر ەستەلىك الىپ، بار زەيىن - زەردەسىمەن تىڭداپ وتىر، قايتا - قايتا باس يزەپ، قۇپتاعان كوزقاراستارىنان ولاردىڭ قۋانىشى مەن ارمان - تىلەگى بىلىنەدى... مىنە بۇل قازىرگى كەزدە جۇڭحۋا دالاسىندا پارتيا 19 - قۇرىلتايىنىڭ رۋحىن ۇگىتتەۋ جينالىس الاڭدارىنىڭ قاراپايىم كورىنىسى، بۇل − بارلىق جەردى نۇرلاندىرعان يدەيا شۇعىلاسىنان تۋعان جالىندى كۇش.
