7-جەلتوقسان ساعات 7 دەن 29 مينۋت وتكەندە، شينجياڭ قاشقار ايماعى قاعىلىق اۋدانىندا 5.2 بال جەر سىلكىندى، سىلكىنىس سەنترى سولتۇستىك بويلىق 35.69 گرادۋس، شىعىس بويلىق 77.46 گرادۋس، سىلكىنىس كوزىنىڭ تەرەڭدىگى 87 كيلومەتر. سىلكىنىس ورتالىعى گۇما اۋدانىنان 227 كيلومەتر، حوتان اۋدانىنان 241 كيلومەتر، قاعىلىق اۋدانىنان 244 كيلومەتر قاشىقتىقتا.
كەزەكتە، ءولىم-جىتىم جانە جارالانۋ احۋالى جوق. جەر سىلكىنىسى تۋىلعاننان كەيىن، اۆتونوميالى رايوندىق پارتكوم، ۇكىمەت وسكەلەڭ ءمان بەردى، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر دەرەۋ ورنالاستىرۋ جاساپ، جەر سىلكىنىسى اپات جاعدايىن جەدەل انىقتاۋدى، قالدىق سىلكىنىس جانە قوسىمشا اپاتتاردىڭ تۋىلۋىنان ساقتانۋدى تالاپ ەتتى. اۆتونوميالى رايوننىڭ قاتىستى تاراۋلارى، سونداي-اق جەرگىلىكتى پارتكوم، ۇكىمەت شۇعىل جاعدايعا توتەپ بەرۋ جوباسىن ىسكە قوسىپ، اپاتتان قۇتقارۋ كۇشىن، ءورت ءوشىرۋ، قاتىناس، دەنساۋلىق ساقتاۋ تاراۋلارىنا كەزكەلگەن ۋاقىتتا بۇيرىق كۇتۋ قىزمەتىن ورىستەتتى. جەرگىلىكتى بۇقارانىڭ كوڭىل-كۇيى مەن قوعامى جالپى جاقتان ورنىقتى كۇيدە.
