تيانشان تورى   ›   جاڭالىقتار   ›   وقۋ-اعارتۋ

اقسۋ ايماعى اۋىل - قىستاقتاعى قوس ءتىلدى بالاباقشالاردىڭ «سالۋعا تيىستىلەرىن سالدى»

   بالالار ۇيىنەن ۇزاماي - اق بالاباقشاعا كىرە الاتىن بولدى، اتا - انالار دا ريزا بولىپ، كوڭىلدەرى ورنىقتى

  29 - قاراشادا اقسۋ قالاسىنداعى دولان 1 - بالاباقشاسىنىڭ وقىتۋشىلارى مەن وقۋشىلارى الاڭدا بىرگە ويىن ويناۋدا

  7 - جەلتوقسان تۇستەن كەيىن، اقسۋ قالاسى توپلۇق اۋىلى قارايانتاق قىستاعىنداعى مەملەكەت ءتىلى بالاباقشاسىنىڭ الدىندا بالاسىن الىپ كەتۋگە كەلگەن قىستاق تۇرعىنى دىلگۇل ياسىن تىلشىگە قۋانا: بالام بيىل قىركۇيەكتەن باستاپ بالاباقشاعا كىردى، بالامدا كۇن سايىن وزگەرىس بار، مەملەكەت ءتىلىن دە سويلەي الاتىن بولدى، ءسوزى ادەپتى، قيمىلى سىپايى بولا باستادى...، - دەدى.

  ۇعىسۋعا قاراعاندا، قارايانتاق قىستاعىنداعى مەملەكەت ءتىلى بالاباقشاسى اقسۋ قالاسى بيىلعى جاڭادان سالعان بالاباقشا، بيىل قىركۇيەكتە پايدالانۋعا بەرىلگەن، ۇلكەن، ورتا، كىشى سىنىپقا بولىنگەن، جيىنى 6 سىنىپ بار، تۇتاس قىستاقتاعى جاسى ۇيلەسەتىن 147 بالانىڭ بارلىعى كىرىپ بولعان. بالاباقشاسىنىڭ تاربيە، وقىتۋ تالابىن تولىق قاناعاتتاندىرۋ ءۇشىن، ءاربىر جىلدىققا 2 وقىتۋشى جانە ءبىر تاربيەشى بولىنگەن، سونىمەن قوسا فۋنكتسياسى كەمەلدى، بالالاردىڭ اقاۋسىز ەسەيىپ - ەرجەتۋ تالابىنا ۇيلەسەتىن قيمىل ءۇيى، تۇستە ۇيىقتاۋ ءۇيى، دەنساۋلىق ساقتاۋ ءۇيى، كوپ مەديالى ءۇي سياقتىلار بار ەكەن.

  «ىرگەمىزدەن سالىنعان وسىنداي كەمەلدى، ساۋلەتتى بالاباقشانىڭ وقۋ اقىسى تەگىن بولىپ قانا قالماستان، ءبىر كۇندەگى 3 ۋاققى تاماق اقىسىن دا كوتەرەدى. وسىنداي يگى ىستەردىڭ بارلىعىن پارتيا مەن مەملەكەت تىندىرىپ بەردى، بۇكىل قىستاقتاعىلار توتەنشە اسەرلەندىك!». وسىنى ايتىپ بولىپ، دىلگۇلدىڭ كوز شاناعىنا جاس ۇيىرىلە قالدى.

  اقسۋ قالالىق وقۋ - اعارتۋ مەكەمەسىنىڭ ورىنباسار باستىعى ۋاڭ نىڭكاۋ بىلاي دەپ تانىستىردى: جىل باسىندا، اقسۋ قالالىق پارتكوم، قالالىق حالىق ۇكىمەتى اۋىل - قىستاقتاعى قوس ءتىلدى بالاباقشا قۇرىلىسىن اۋىلداردىڭ، قالاشىقتاردىڭ جانە قاتىستى مەكەمە - ورىنداردىڭ جىلدىق ناتيجە باعالاۋ كولەمىنە ەنگىزدى، قالالىق حالىق ۇكىمەتى اۋىلدارمەن (قالاشىقتارمەن) نىسانالى جاۋاپكەرلىك حاتىنا قول قويىستى. اقسۋ قالاسى ساتىلار بويىنشا تۇرلەرگە ءبولۋ، مىندەتتەردى تياناقتاندىرۋ ارقىلى بيىل اۋىل - قىستاق «قوس ءتىلدى» بالاباقشاسىنان 93ىن سالدى، قازىرگە دەيىن، اقسۋ قالاسىندا ۇكىمەت قۇرعان بالاباقشا 137گە، سىنىپ 757گە، وقيتىن بالا 25 مىڭ 276عا جەتىپ، اۋىل - قىستاقتاعى مەكتەپكە دەيىنگى جاسى ۇيلەسەتىن بالالاردىڭ «كىرۋگە تيىستىلەرىن تۇگەلدەي كىرگىزۋ» نىساناسى تولىق ورىندالدى.

  اۋىل - قىستاقتاعى قوس ءتىلدى بالاباقشا قۇرىلىسىنا باسا ءمان بەرىپ وتىرعان تەك اقسۋ قالاسى عانا ەمەس، جىل باسىندا، اقسۋ ايماعى اۋىل - قىستاقتاعى قوس ءتىلدى بالاباقشا قۇرىلىسىن ۋاعىندا ساپالى ورىنداۋدى ايماقتىق پارتكومنىڭ، اكىمشىلىك مەكەمەسىنىڭ نەگىزگى باسشىسى ۇستاۋعا ءتيىستى ينجەنەرياعا ەنگىزدى. قىركۇيەكتەگى جاڭا وقۋ ماۋسىمى باستالاردان بۇرىن اقسۋ ايماعى جالپى 2 ميلليارد 586 ميلليون يۋان قارجى قوسىپ، 668 اۋىل - قىستاق بالاباقشاسىن جاڭادان سالدى، بالاباقشا قۇرىلىس نىسانى بۇكىل ايماقتاعى 8 اۋدان، ءبىر قالانى، 102 اۋىل - قالاشىقتى شارپىدى، جاڭادان سالىنعان بالاباقشالاردىڭ قۇرىلىس اۋماعى 597 مىڭ 900 شارشى مەترگە جەتىپ، بۇكىل ايماقتاعى اۋىل - قىستاقتاردىڭ مەكتەپكە دەيىنگى 3 جىلدىق قوس ءتىلدى تەگىن بالاباقشالاردىڭ «سالۋعا تيىستىلەرىن سالۋ» جانە بالالاردىڭ «كىرۋگە تيىستىلەرىن كىرگىزۋ» نىساناسىنىڭ ۋاعىندا ىسكە اسۋىنا كەپىلدىك ەتتى. كەزەكتە بۇكىل ايماقتا ۇكىمەت قۇرعان اۋىل - قىستاق قوس ءتىلدى بالاباقشاسى 1009عا، وقيتىن بالا 154 مىڭعا جەتتى. جاڭادان قۇرىلعان بالاباقشالاردا وقىتۋشىلاردىڭ كەمشىل بولۋ ماسەلەسىن شەشۋ ءۇشىن، اقسۋ ايماعى وزدەرى قابىلداۋ، «ەرەكشە قىزمەت ورنى جوسپارىن» تياناقتاندىرۋ، وقۋعا كومەككە بارعان كادرلاردى تارتۋ، ورتا، باستاۋىش مەكتەپ وقىتۋشىلارىن اۋىستىرىپ اپارۋ جانە جوعارى مەكتەپ وقۋشىلارىن پراكتيكا كەزىندە كومەككە شاقىرۋ سياقتى شارالاردى قاتار قولداندى، بارلىق بالاباقشا «2 وقىتۋشى، ءبىر تاربيەشى» ولشەمى بويىنشا تولىقتاندى. ايماق تاعى مەحانيزمگە جاڭالىق ەنگىزۋ ارقىلى اۋىل - قىستاق بالاباقشالارىن باسقارۋدى كۇشەيتىپ، اۋىل - قالاشىقتاردا سەنترلى بالاباقشا باستىعى، وڭىرلەردەگى بالاباقشا باستىعى، قىستاق دارەجەلى بالاباقشا باستىعى سىندى «3 دارەجەلى بالاباقشا باستىعى» باسقارۋ ءتۇزىمىن جاسامپازدىقپەن اتقارىپ، اۋىل - قىستاقتارداعى مەكتەپكە دەيىنگى وقۋدىڭ ورەسىن ايتارلىقتاي كوتەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.