12 - جەلتوقسان، ءۇرىمجى قالاسى جيانجۇڭ الەۋمەتتىك اۋماعىنداعى ءپاريدا قۇرباننىڭ (وڭدا) وتباسى. ارداۋچياۋ تارماق رايونى باسقارۋ كوميتەتىنىڭ قىزمەتكەرى لۇي جياڭحۇڭ تۋىسى ءپاريدا قۇربانعا پارتيا 19-قۇرىلتايىنىڭ رۋحىن ۇگىتتەۋدە
12 - جەلتوقسان، ءۇرىمجى - سانجى تاس جولىنىڭ جانىنداعى چۇنيڭ ساۋدا دۇكەنىندە، عاني مامەت (سولدا) اپەكەسى حۋاڭ يۇيچينعا كومەكتەسىپ، زاتتاردى رەتتەدى
تۋىسىنىڭ ساۋدا دۇكەنىنە كەلىپ زاتتارىن رەتتەسىپ، ساۋدا - ساتتىققا جاردەمدەستى، تۋىسىمەن بىرگە تاماق ازىرلەدى، تۋىسىنا پارتيا 19 - قۇرىلتايىنىڭ رۋحىن ۇگىتتەپ، تۋىسىنىڭ قينشىلىعىن شەشتى.
10 - جەلتوقسان، ءۇرىمجى قالاسىندا العاشقى توپتاعى 30174 كادر، جۇمىسشى - قىزمەتشىلەر ۇلتتار ىنتىماعى بويىنشا «تۋىستاسۋ اپتالىعى» قيمىلىنا بەلسەنە ات سالىسىپ، تۋىستاسقان وتباسى مۇشەلەرىمەن بىرگە تاماقتانىپ، بىرگە جاتىپ، بىرگە تۇرىپ، بىرگە ەڭبەك ىستەۋ، بىرگە ۇيرەنۋ قيمىلىن قانات جايدىردى، وسى بارىستا كوپتەگەن ىزگى ىستەر تۋىلىپ، تۋىستىق سۇيىسپەنشىلىك ونان ارى قويۋلاي ءتۇستى.
ءسىڭلىم مەنىڭ قيىنشىلىعىمدى شەشتى
11 - جەلتوقسان كەشتە، تيانشان رايونى جيانجۇڭ الەۋمەتتىك اۋماعىنىڭ تۇرعىنى ءپاريدا قۇربان ءۇيىن رەتتەپ، ارداۋچياۋ تارماق رايونى باسقارۋ كوميتەتى پارتيا قىزمەت كوميتەتىنىڭ ورىنباسار شۋجيى، ءسىڭلىسى لۇي جياڭحۇڭنىڭ كەلۋىن اسىعا كۇتتى.
ءسىڭلىسىنىڭ ءوز ۇيىنە جاتاتىنىن ەستىگەن ءپاريدا ەرەكشە قۋاندى، كەشتە ءسىڭلىسى ۇيگە كەلگەندە جاقسىراق اڭگىمەلەسۋدى ويلادى. ءبىراق، ءسىڭلىسىنىڭ قىزمەتىنە اسەر ەتۋدەن دە الاڭدادى.
ءسىڭلىسىنىڭ الا كەلگەن كورپەسى جۇقا ەكەن، ءپاريدا قالىڭ كورپەسىن الىپ وعان بەردى. ول بىلاي دەدى: «وتكەن جىلى قاراشادا سىڭلىممەن تۋىس بولعاننان كەيىن، ءسىڭلىم اپتا سايىن كەلىپ مەنى كورىپ تۇرادى، ءار جولى قۇر كەلمەيدى، بالامنىڭ كاسىپتەنۋىنە جول كورسەتىپ، ءوزىمنىڭ قوعامدىق قامتاماسىزداندىرۋ جاعىنداعى جۇمىسىمنىڭ بارلىعىن وسى ءسىڭلىم ءبىتىرىپ بەردى».
ءپاريدا تازالىقشى قىزمەتكەر، جولداسى اماندىق قورعاۋشى، ولاردىڭ ەكى ۇلدارى بار، ۇلكەنى 20 دا، كىشىسى 13 جاستا، ول ءالى وقىپ جاتىر. «بالامىزدىڭ ۇلكەنى نەشە جىلدىڭ الدىندا جىعىلىپ مۇگەدەك بولىپ قالدى، ول ءوزىن قوراش ساناپ، باسقالارمەن سويلەسپەيدى، بۇل مەنىڭ كوڭىلىمدەگى ەڭ ۇلكەن تۇيىنشەك، جولداسىم ەكەۋىمىز بالامىزعا قالاي اقىل - كەڭەس بەرۋدى بىلمەي داعداردىق، ءسىڭلىم وسى ءبىر اپتادا بالامدى ءبىراز جەتەلەپ، باعىت - باعدار كورسەتسە دەيمىن»،-دەدى ءپاريدا.
ساعات 20 دا، لۇي جياڭحۇڭ ءپاريدانىڭ ۇيىنە كەلدى، ول پارتيا 19 - قۇرىلتايىنىڭ ۇگىت ماتەريالدارىن الا كەلدى، سونداي - اق ءپاريداعا ءوزىنىڭ ءبىر اپتالىق جوبا - جوسپارىن ايتتى. ول بولسا: بىرلىكتە پارتيا 19-قۇرىلتايىنىڭ رۋحىن ۇيرەنۋ، سونىمەن ءبىر ۋاقىتتا ولاردىڭ ۇلكەن بالاسىنا كومەكتەسۋ، وعان اقىل - كەڭەس ايتىپ، ونىڭ تۇيىق مىنەزىن وزگەتۋ.
لۇي جياڭحۇڭ الدىن الا دايىندالىپ، ءپاريدانىڭ ۇلكەن بالاسىنىڭ ناقتىلى جاعدايىن ۇعىسىپ، الدىمەن تانىستىرۋ قىزمەتىنەن باستاپ ىستەپ، قوعامدىق ۇيىمداردىڭ ءتۇرلى قيمىلدارىنا قاتىناسۋعا جەبەدى.
تۋىسمەن بىرگە دۇكەن اشتى
12 - جەلتوقسان تاڭەرتەڭ، ءۇرىمجى - سانجى تاس جولىنىڭ ماڭىنداعى چۇنيڭ ساۋدا دۇكەنىندە ەكونوميكالىق اشۋ رايونى (تۋتۇنحى رايونى) ءۇرىمجى - سانجى ءمالى ءىس باسقارماسى شياۋگان جولى الەۋمەتتىك اۋماعىنىڭ قىزمەتكەرى عاني مامەت اپەكەسى حۋاڭ يۇيچينگە كومەكتەسىپ، دۇكەنىنە قارايلاسىپ، ساۋدا جاساۋىنا جاردەم بەردى.
تۋىسىمەن بىرگە داياشى بولدى
12 - جەلتوقسان، قالالىق وقۋ - اعارتۋ مەكەمەسىندەگى ۋاڭ پيڭ تۋىسى ارزىگۇلمەن بىرگە ىنتىماق جولىنداعى ءبىر تاعامجايعا بارىپ، ونىمەن بىرگە قىزمەت ىستەدى، ارزىگۇل وسى تاعامجايدا جۇمىس ىستەيتىن.
56 جاستاعى ارزىگۇل كاسىپورىننان زەينەتكە شىققان، ءار ايدا 2000 يۋان زەينەت اقى الادى، ءبىراق كىشى ۇلىنىڭ ۋنيۆەرسيتەتتەگى وقۋ قاراجاتىن تولەۋ، ەكىنشى ۇلى قىزمەت تاپقانشا، زەينەت اقىسى ءبىر ءۇيلى جانعا جەتە بەرمەيتىن. سوندىقتان ارزىگۇل ءبىر تاعامجايعا جالدانىپ، كىرىسىن ارتتىرماقشى بولادى. بۇرىن اسحانا اشىپ كورگەن ول ءۇشىن بۇل جۇمىس تۇك تە قيىن ەمەس ەدى. ۋاڭ پيڭنىڭ مۇنداي قىزمەت تاجىريبەسى جوق. ءبىراق، ول ءوزىنىڭ كەم دەگەندە ۇستەل جيىستىرىپ، شىنى- اياق جۋا الاتىنىنا سەنەدى.
شاي قۇيۋ، سۋ توگۋ، ۇستەل ءسۇرتۋ، تاماق شىعارۋ. تۇسكى استىڭ قاربالاستىعى اياقتاعان سوڭ، ۋاڭ پيڭنىڭ اياعى دىرىلدەپ، بەلى سىرقىراي جونەلدى. ال ارزىگۇل توقتاۋسىز جۇمىس ىستەۋدە، اندا - ساندا كەلىپ ۋاڭ پيڭنىڭ جاعدايىن سۇراپ قويادى، وعان ىستىق سۋ اكەلىپ بەرىپ، دەمالىپ الۋىن ەسكەرتتى. ۋاڭ پيڭ اياعىن قوزعالتىپ قويىپ: «باتىنكەمدى شەشىپ تاستاپ، ەرتەڭنەن باستاپ سپورت شاقايىن كيسەم بولاتىن سياقتى. بۇل قىزمەتتى جاقسى ىستەي الاتىنىما سەنىمىم كامىل»،-دەدى.
تۋىسىمەن سىرلاستى
11 - جەلتوقسان، ميدۇڭ رايونى وڭتۇستىك جولى تارماق رايونى باسقارۋ كوميتەتى پارتيا قىزمەت كوميتەتىنىڭ ورىنباسار شۋجيى، ورىنباسار مەڭگەرۋشىسى جۇي شىڭحاي تۇڭشين الەۋمەتتىك اۋماعى تيانشياڭ حىيۇن تۇرعىندار رايونىنداعى ءومار ءىلي اۋىتتىڭ ۇيىنە كەلدى. ول ءومار ءىلىنىڭ ۇيىندە ءبىر اپتا تۇرادى. ول بىلاي دەدى: «وسى ءبىر مەزگىلدە تۋىسىممەن ەمەن - جارقىن اڭگىمەلەسىپ، جۇرەك سىرىمدى اقتارامىن».
«تۋىستاسۋ اپتالىعىن» «ۇيرەنۋ اپتالىعى» ەتۋ
12 - جەلتوقسان، سۇن چيان مەن ءسىڭلىسى الپيرا تۇرسىن بىرگە تاماق ءىشتى. كاسىپورىننىڭ قولايلى قىزمەت وتەۋىن تالقىلاۋ ءۇشىن، ەكەۋى ساقپىلارىن قويىپ، پارتيا 19 - قۇرىلتاي بايانداماسىنىڭ تولىق نۇسقاسىن الىپ شىعىپ، «پارتيا 19 - قۇرىلتاي بايانداماسىن ۇيرەنۋدەن سۇراۋ - جاۋاپتار» قاتارلى كىتاپتاردى وقىپ، ۇيرەندى.
تۋىسىمنىڭ قيىنشىلىعىن شەشەمىن
12 - جەلتوقسان، تۇسكى تاماق مەزگىلىندە، شۇيموگوۋ رايونى انجۇيلى الەۋمەتتىك اۋماعىنىڭ تۇرعىنى ايشام ءوماردىڭ ءۇيى دۋمانعا بولەندى. ونىڭ تۋىسى جاڭ فىڭۋي ۇيىنە كەلگەن ەدى. ايشام ءوماردىڭ ءىنىسى، ءسىڭلىسى، قىزى قىزمەتتەن تۇسكەن سوڭ، بارلىعى ۇيدە باس قوسىپ، بىرگە ءىشتى.
قىزىمدى ەرتىپ الىپ، تۋىسشىلايمىن
جاقىندا، قالالىق ونەركاسىپ - ساۋدانى اكىمشىلىك جاقتان باسقارۋ مەكەمەسىنىڭ ءبىرىنشى توپتاعى 80 نەن استام كادر، جۇمىسشى - قىزمەتشىلەرى تۋىستارىنىڭ ۇيىنە كەلىپ، «تۋىستاسۋ اپتالىعى» قيمىلىن ەتەك الدىردى.
12 - جەلتوقسان، تيانشان رايونى بوعدا جولى ماڭىنداعى ءرابيانىڭ ۇيىنەن بالالاردىڭ شاتتىق كۇلكىسى اۋىق - اۋىق ەستىلىپ جاتتى. ونىڭ تۋىس ءسىڭلىسى قالالىق ونەركاسىپ - ساۋدانى اكىمشىلىك جاقتان باسقارۋ مەكەمەسىنىڭ ينتەرنەت ساۋداسىن باقىلاپ - باسقارۋ باسقارماسىنىڭ باستىعى جاڭ گۇي قىزدارىمەن بىرگە ۇستەلدە جاعالاي وتىرىپ تاڭعى استارىن ءىشتى.
