تيانشان تورى   ›   جاڭالىقتار   ›   وقۋ-اعارتۋ

بەيجيڭ قالالىق دايۇي ورتا مەكتەبى ىشكى ولكەدەگى تولىق ورتا كلاسىنداعى وقۋشىلارعا مەيىر جەتكىزدى

  اتا-انالار ۋاكىلى وقۋشلارمەن اڭگىمەلەسۋدە

  «ىشكى ولكەدەگى تولىق ورتا كلاسى مەنىڭ ءومىر جولىما بۇرىلىس جاسادى، بۇل جەر مەنىڭ جانۇيامداي ماعان قامقورلىق جاسادى، مەنىڭ ۋنيۆەرسالدىق قابىلەتىمدى جوعارىلاتتى»،-دەدى 13-جەلتوقسان كۇنى بەيجيڭ قالالىق دايۇي تولىق ورتا مەكتەبىندە وقيتىن شينجياڭدىق وقۋشى ايسۇبات ابدىكەرىم اتا-انالارمەن اڭگىمەلەسكەندە.

  سول كۇنى تۇستەن كەيىن، اۆتونوميالى رايوندىق 9-توپتاعى ىشكى ولكەدەگى تولىق ورتا كلاسى اتا-انالار تەكسەرۋ ۇيىرمەسى ءبىرىنشى گرۋپپاسى بەيجيڭ دايۇي ورتا مەكتەبىنە كەلدى. وقۋشىلارمەن اڭگىمەلەسۋ بارىسىندا، وقۋشىلاردىڭ مەكتەپتى ءوز ۇيىندەي كورەتىنىن بىلگەندە، اتا-انالاردىڭ جۇزىنەن كۇلكى ءۇيىرىلدى.

  ايسۇبات ىلە قازاق اۆتونوميالى وبلىسى نىلقى اۋدانىنان كەلگەن، بۇل جەرگە كەلگەنىنە ەكى جىل بولدى. ونىڭ نازارىندا مۇعالىمدار ۇيرەنۋ بارىسىندا قاتاڭ تالاپ قوياتىن اكەسىندەي بولسا، تۇرمىستا اناسىنداي مەيىرىمدى.

  بيىل قاراشادا، ايسۇبات كەنەت قىزۋى ورلەپ، جوتەلىپ ناۋقاستانىپ قالعاندا، مۇعالىمى ونى شيپاحاناعا ەرتىپ اپارىپ، ەمدەلۋ بارىسىندا وعان سەرىك بولادى. وسى ءبىر ءىس ايسۇباتتىڭ ەسىنەن ءبىر ءسات تە كوتەرىلىپ كورگەن ەمەس.

  «مۇعالىمدەرىمىز بىزگە اتا-انامىزداي كۇيىنەدى»،-دەدى ايسۇبات.

  تولىق ورتا 2-جىلدىعىندا وقيتىن جانارگۇل توقتاقىن قىزىنىڭ دا مەكتەپكە دەگەن العىسى شەكسىز.

  بىلتىر، مەن حاينانعا بارىپ ساياحاتتاپ ۇيرەنۋ قيمىلىنا قاتىناستىم، ول كەزدە مەنىڭ ۇشاققا تۇڭعىش رەت وتىرۋىم ەدى. حايناندا بولعان بەس كۇندە، ءبىر مۇعالىممەن بىرگە ۋنيۆەرسيتەتكە بارىپ تاجىريبە جاسادىق، مەكتەپتەر مەن مۋزەيحانالاردى ەكسكۋرسسيالادىق، تابىسىم دا مول»،-دەدى جانارگۇل. 2016-جىلى قىسقى دەمالىستا، اكەسىنىڭ ناۋقاستانىپ شيپاحاناعا جاتىپ قالعانىن بىلگەن سوڭ، قاتتى ۋايىمدايدى. مۇعالىمى ونىڭ كوڭىل-كۇيى ناشار ەكەنىن بىلگەن سوڭ، ونىمەن اڭگىمەلەسەدى، جانارگۇلدىڭ اكەسىنىڭ جاعدايىنان حاباردار بولعان مۇعالىمى وعان مىڭ يۋان اقشا بەرەدى.

  «سول ساتتە كوز جاسىما يە بولا المادىم»،-دەدى جانارگۇل. ول جاقسى ۇيرەنىپ، بەيجيڭدە قالىپ مەكتەبىنىڭ ءۇمىتىن اقتايتىندىعىن ءبىلدىردى.

  بالالاردىڭ سوزدەرىن ەستىگەننەن كەيىن، اتا-انالار ۋاكىلى توقتاقىن ورالباي ۇلى قۋانىشى بەينەمەن : «پارتيا مەن مەملەكەت وقۋ-اعارتۋعا باسا ءمان بەرىپ وتىر، بالالارىمىزدان الاڭدامايمىز. باستاۋىش مەكتەپتىڭ وقىتۋشىسى سالاۋاتىممەن بالالاردى جاقسى وقىپ، ساپالى وقۋ-اعارتۋدان يگىلىكتەنۋگە شابىتتاندىرامىن»،-دەدى.

  بەيجيڭ قالاىق دايۇي ورتا مەكتەبى شينجياڭ ءبولىمىنىڭ مەڭگەرۋشىسى ۋاڭ لەي بىلاي دەپ تانىستىردى : «مەكتەبىمىز شينجياڭ كلاسىن قۇرعاننان باستاپ، جاۋاپكەرشىلىكتى ازامات بولۋ كوزقاراسىنا مۇراگەرلىك ەتىپ، ۇزدىكتەردى بەلسەنە تاربيەلەپ، وقۋشلارعا شىنايى مەيىر باعىشتاپ كەلەدى».

  «ناۋقاس كورسەتسە بوگەتسىز جول بار، كۇندەلىكتى تۇرمىستا ەگجەي-تەگجەيلى باسقارىلادى، مۇعالىمدەر وقۋشىلارعا شىنايى كۇيىنەدى، قامقورلىق جاسايدى»،-دەدى ۋاڭ لەي.

  ۇعىسۋعا قاراعاندا، وقۋشىلاردى جان-جاقتىلى تاربيەلەۋ ءۇشىن، بەيجيڭ قالالىق دايۇي ورتا مەكتەبى ءداستۇرلى مادەنيەتتى، قوعامدىق اماليات قيمىلدارىن نەگىزگى ماقسات ەتىپ، وقۋشىلاردىڭ جۇڭحۋانىڭ ءداستۇرلى مادەنيەتىن قىزۋ ءسۇيىپ، حاتكەرلىك، شاي ونەرى، تەاتر جاقتارىنا بولعان سۇيىسپەنشىلىگىن تەرەڭدەتتى. مەكتەپ مەملەكەتتىك ۇلكەن تەاترحانا، جۇڭشان مۋزىكا سارايى سىندى ورىندارعا بارۋعا ۇيىمداستىرىپ، وقۋشىلاردى مادەنيەت-كوركەمونەرگە باۋلىدى. تۇرمىستا وقۋشىلاردىڭ ءوزىن باسقارۋ تانىمىن جەتىلدىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى