ءدامدى بالكۇلشە، ىزگى تىلەك — ءۇرىمجى قالاسى شۇيموگوۋ رايونى ۋىنچۋان سولتۇستىك الەۋمەتتىك اۋماعىنداعى كادر مەن قاشقار ايماعى جاڭا ءشار اۋدانى ارال اۋىلى مامۇق قىستاعىنداعى اجەيدىڭ تۋىستىق سۇيىسپەنشىلىگىن ونان ارى تەرەڭدەتتى. اۆتونوميالى رايوننىڭ ۇلتتار ىنتىماعى بويىنشا «تۋىستاسۋ اپتالىعى» قيمىلى ورىستەتىلگەننەن بەرى، تيانشاننىڭ تۇستىگى مەن تەرىستىگىندە تالايلاعان اسەرلى اڭگىمەلەر ۇزبەي تۋىندادى.
اپەكەسى جاساعان توسىن سي
13 - جەلتوقسان، ءۇرىمجى قالاسى ۆيستى تۇرعىندار رايونىنداعى پاتىگۇل ابدۇلنىڭ 33 جاسقا تولعان تۋعان كۇنى. تاڭەرتەڭ ورنىنان ەرتە تۇرىپ، بەتى - قولىن جۋعاننان كەيىن، اس ۇيگە كىرىپ، «تۋىستاسۋ اپتالىعىندا» ۇيىنە كەلگەن ۋىنچۋان سولتۇستىك الەۋمەتتىك اۋماعىنىڭ پارتيا ياچەيكاسىنىڭ شۋجيى جاۋ يۇيمەن بىرگە تاڭعى اس دايارلادى. نان، اق شاي جانە ءتۇرلى سۋىق ءساي ... بۇل ءتورت كىسىلىك تاماقتى پاتىگۇل، پاتىگۇلدىڭ اناسى، جاۋ يۇي مەن ونىڭ 10 جاستاعى ۇلى جەيدى. تاڭعى استى ءىشىپ بولىپ، سىرتقا شىعارىندا جاۋ يۇي پاتىگۇلگە: «ساعات 11 جارىمدا، الەۋمەتتىك اۋماقتا قيمىل بار، قاتىناسىپ كەتەرسىڭ»،-دەدى.
پاتىگۇل ساياحاتشىلارعا جول باستاۋشى بولىپ ىستەيدى. قىس كىرگەننەن بەرى بوس، ول ەرتەمەن الەۋمەتتىك اۋماققا كەلىپ، قيمىلعا قاتىناسۋعا دايىندالدى. ول ەكىنشى قاباتتىڭ كەڭسەسىنە كىرگەندە، اڭىرىپ قالدى. كەڭسە ءىشى ءتۇستى شارلارمەن بەزەندىرىلىپ، ۇستەلگە جەمىس - جيدەكتەر، سۋسىندىقتار جانە ۇلكەن بالكۇلشە قويىلىپتى، كوپشىلىك ونى ءتورت كوزبەن كۇتىپ وتىر ەكەن.
13-جەلتوقسان، ءۇرىمجى قالالىق ۆيستى تۇرعىندار رايونىنداعى پاتىگۇلدىڭ 33 جاسقا تولعان تۋعان كۇنى، «تۋىستاسۋ اپتالىعىندا» ونىڭ ۇيىنە كەلگەن تۋىسى ۋىنچۋان الەۋمەتتىك اۋماعى پارتيا ياچەيكاسىنىڭ شۋجيى جاۋ يۇي وعان توسىن سي جاسادى.
كوپشىلىك پاتىگۇلدى ورتاعا الىپ، تۋعان كۇن ءانى ىشىندە بالاۋىز شامدى ۇرلەدى. «جاۋ يۇي وتە ۇقىپتى ەكەن، تۋعان كۇنىمدى تويلاماعانىما بىرنەشە جىل بولدى، الدىڭعى كۇنى كەشتە شەشەممەن اڭگىمەلەسكەن بەينەسى وتە سىرلى ەدى، ءاسىلى ماعان توسىن سي جاساعالى جۇرگەن ەكەن عوي»،-دەدى پاتىگۇل.
جاۋ يۇي ۇلىن ەرتىپ پاتىگۇلدىڭ ۇيىنە كەلگەن ەكى كۇننەن بەرى، پاتىگۇل اپەكەسىنىڭ مەيىرىمىن سەزىندى، ال اپەكەسى دە ءسىڭلىسىنىڭ جاناشىرلىعىن بايقادى. «پاتىگۇل مەنىڭ قىزمەتتەن شارشاپ كەلگەنىمدى كورىپ، بالامنىڭ تاپسىرما ورىنداۋىنا كومەكتەستى، بالام دا ۇيعۇر ءتىلىن ۇيرەنىپ قالدى، قولى بوساي قالسا بولدى پاتىگۇل اپايىنىڭ جانىنا بارىپ، ۇيعۇرشا سويلەسەدى»،-دەدى جاۋ يۇي.
جاۋ يۇيدى اسەرلەندىرگەنى، ۇلىنىڭ جاتار الدىندا ءسۇت ىشەتىنىن بىلەتىن پاتىگۇل وعان ءسۇت پسىرىپ بەردى، ۇيدەگى كەزدە قالتاداعى ءسۇتتى ىشەتىن. «تۋىستاسقان ءبىر جىلدان بەرى، ۇنەمى ارالاسىپ تۇرامىز، بىرگە تۇرعاننان بەرى ارامىز ءتىپتى دە جاقىنداي ءتۇستى»،-دەدى جاۋ يۇي.
تۋعان كۇنىن تويلاپ بولعاننان كەيىن، پاتىگۇل جاۋ يۇي مەن بىرگە پارتيا 19 - قۇرىلتايىنىڭ رۋحىن ۇيرەندى.
سول كۇنى پاتىگۇلدىڭ تۋعان كۇنىن تويلاپ بولعاننان كەيىن، جاۋ يۇي باسقا تۋىسقاندارىمەن بىرگە، پارتيا 19 - قۇرىلتايىنىڭ رۋحىن ۇيرەندى. ۇعىسۋعا قاراعاندا، وسى الەۋمەتتىك اۋماقتا جيىنى 21 الەۋمەتتىك اۋماق كادرى «تۋىستاسۋ اپتالىعى» قيمىلىنا قاتىناسقان، ءۇش توپقا ءبولىنىپ قاراستى اۋماقتاعى تۋىستارىنىڭ ۇيىنە بارادى.
77 جاستاعى اجەي تۇڭعىش رەت تۋعان كۇنىن تويلادى
پاتىگۇلگە ۇقساس، «تۋىستاسۋ اپتالىعى» قيمىلىنا قاتىناسقان كادرلار قاشقار ايماعى جاڭا ءشار اۋدانى ارال اۋىلى مامۇق قىستاعىنداعى رايحان رۇستەم اجەيگە دە توسىن سي جاسادى. 77 جاستاعى رايحان رۇستەم اجەي جولداسى قايتىس بولعان سوڭ، 26 جاستاعى نەمەرەسى مۇقتار ابدىرەيىممەن بىرگە تۇرمىس كەشىرىپ كەلەدى. نەمەرەسى اۆتونوميالى رايوندىق حالىق ۇكىمەتى كەڭسەسىنىڭ كادرى دۋان ۋيجياڭمەن تۋىستاسقان بولاتىن. 9 - جەلتوقسان كۇنى تۇستە، «تۋىستاسۋ اپتالىعى» قيمىلىنا قاتىناسقان دۋان ۋيجياڭ قارتتىڭ وتباسىنا كەلىپ، بىرگە تاماقتانىپ، بىرگە تۇرىپ، بىرگە ەڭبەك ىستەپ ۇيرەنۋ تۇرمىسىن باستادى.
قىستاققا كەلگەن ەكىنشى كۇنى، مۇقتارمەن اڭگىمەلەسكەندە اجەسىنىڭ تۋعان كۇنى ەكەندىگىن اۋىزعا الدى. «اجەي تۋعان كۇنىن تويلاپ كورمەگەن ەكەن، بۇل جولى توسىن سي جاساپ، تۋعان كۇنىن تويلاپ بەرۋدى ءجون كوردىك»،-دەدى دۋان ۋيجياڭ.
اۆتونوميالى رايوندىق حالىق ۇكىمەتى كەڭسەسىنىڭ كادرلارى قاشقار ايماعى جاڭا ءشار اۋدانى ارال اۋىلى مامۇق قىستاعىنىڭ تۇرعىنى رايحان رۇستەم اجەيگە توسىن سي جاسادى. بۇل اجەيدىڭ تۇڭعىش رەت تۋعان كۇنىن تويلاۋى ەدى. (سۋرەتتى قۇربانجان يۇنۇس تۇسىرگەن).
12 - جەلتوقسان تاڭەرتەڭ، دۋان ۋيجياڭ قىزمەتتەستەرىمەن بىرگە بەس كيلومەتر قاشىقتىقتاعى بازارعا بارىپ، اجەيگە جاڭا كيىم مەن تۋعان كۇن بالكۇلشەسىن ساتىپ الدى. «اجەم بۇرىن تۋعان كۇنىن تويلاپ تا تۋعان كۇن تارتۋىن الىپ تا كورگەن جوق، جاڭا كيىمدەردى كيگەندە كوز جاسىن تيا الماي، ‹راقىمەت› دەي بەردى»،-دەدى مۇقتار ابدىريىم.
قاريا جاڭا كيمىن كوپ وتپەي شەشىپ قويدى. «ءسىزدىڭ توڭىپ قالۋىڭىزدان الاڭدايمىز، كيىپ الىڭىز»،-دەپ ەدى دۋان ۋيجياڭ اجەيگە، اجەي: «جاڭا كيىم توزىپ قالادى»،-دەدى. «ءبىز ءسىز كيسىن دەپ الدىق، قاشان كيسەڭىز دە بولادى»،-دەپ ەدى، اجەي قۋانعانىنان جاڭا كيىمدى قايتا كيىپ الدى.
12 - جەلتوقسان كۇنى ساعات 18 دە، تۋعان كۇن قوناعاسى رەسمي باستالدى. دۋان ۋيجياڭنىڭ قىزمەتتەستەرىنەن سىرت، كورشى اۋىلدا تۇراتىن ەكىنشى قىزى دا قىزىن ەرتىپ كەلدى، قىستاق كادرلارى اجەيدى ورتاعا الىپ بالاۋىزشامدى ۇرلەدى، اجەي قۋانىشتان ەزۋىن جيا المادى.
