تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

تۋىس بولىپ، قامقورلىق جاساپ، كەدەيلىكتەن قۇتىلۋدى جەدەلدەتتى

  − پامير ۇستىرتىندە ۇلتتار ىنتىماعىنىڭ، قول ۇستاسا دامۋدىڭ ماداق جىرى اۋەلەدى

  ءتىلشىمىز حان شينيان

  سۇن چاۋ پارنيەكتەگى جۇمىستان قولى بوساي قالعان ارەدىكتە تاجىك باۋىرلاستارىنا ۇستىرتتە تاۋىق باعۋ جونىندە كەڭەس بەرۋدە

  پامير ۇستىرتىنە قىس ەرتە ءتۇستى، شينجياڭ قوعام حاۋىپسىزدىگى شەكارا قورعانىس باس اترەتى كۇنجىراپ شەكارا قورعانىس تەكسەرۋ پۋنكتى باقىلاۋ ورتا اترەتىنىڭ 2 - دارەجەلى ساقشىسى سۇن چاۋ پارنيكتەگى كوكونىستەردى باپتاپ قوراداعى ۇيرەك پەن تاۋىققا جەم بەرىپ دەگەندەيىن جۇمىستان ءبىر ءسات قولى بوسامادى.

  4 - جەلتوقساندا سۇن چاۋ پارنيكتەگى جۇمىستان قولى بوساسىمەن، تاۋىق قوراسىنا بارىپ، سول جەردەگى تاجىك باۋىرلاستارىنا ۇستىرتتە قالاي تاۋىق باعۋ جونىندە كەڭەس بەردى.

  «مەكيەن جۇمىرتقالايتىن كەزدە، تەمپەراتۋرا ەڭ جاقسىسى 24 سەلتسي گرادۋس شاماسىندا بولعانى ءجون. ۇستىرتتە تاۋىق باعۋدا، تەمپەراتۋرانى مەڭگەرۋ وتە ماڭىزدى»، - دەپ ءتۇسىندىردى سۇن چاۋ. تەمىر تىلەبەك، ادينا لايىق، ءالىمقۇل باري قاتارلى تاسقورعان تاجىك اۆتونوميالى اۋدانى ۋەچە اۋىلىنىڭ مالشىلارى جاعالاي وتىرىپ مۇقيات تىڭداى.

  سۇن چاۋدىڭ وسىلايشا مالشىلارعا باعىمشىلىق ءبىلىمىن ۇيرەتكەن كەزدەرى وتە كوپ.

  جۋىق جىلداردان بەرى، سۇن چاۋ مەن ول تۇرعان كۇنجىراپ شەكارا قورعانىس تەكسەرۋ پۋنكتى قيىنشىلىعى بار وتباسىنداعى وسپىرىمدەردىڭ وقۋعا ءتۇسۋ ماسەلەسىن شەشۋدەن، مالشىلاردىڭ اۋقاتتانۋ جولىنا تۇسۋىنە كومەكتەسۋدەن باستاپ كىرىسىپ، ۇستىرتتە ۇلتتاردىڭ ىنتىماقتاسا، قول ۇستاسا دامۋىنىڭ ماداق جىرىن جازدى.

  ۋەچە اۋىلى پامير ءۇستىرتىنىڭ شەت - شالعاي تاۋ جىلعاسىنا ورنالاسقان، تەڭىز دەڭگەيىنەن ورتاشا بيىكتىگى 4000 مەتر، قاشقار قالاسىنان 350 كيلومەتر قاشىقتىقتا، جىل بويى ىزعارلى سۋىق بولادى، وتتەگى كەمشىل . جىلدىق ورتاشا تەمپەراتۋراسى 3.3 سەلتسي گرادۋس، قىراۋسىز مەزگىلى 60 كۇن، جاراتىلىستىق شارت جاعدايى ناشار، قاتىناسى قولايسىز، ينفورماتسياسى تۇيىقتالعان، ايتۋلى ەرەكشە كەدەي اۋىل.

  سۇن چاۋ مەن ونىڭ جاۋىنگەر سەرىكتەرى جەرگىلىكتى ۇكىمەتپەن بايلانىس جاساپ، تاعارما، ۋەچە سياقتى كەدەي اۋىلدارداعى مالشىلار قاۋىمىمەن «تۋىستاستى». ولار مالشىلارعا «عىلىم - تەحنيكا، زاڭ، مادەنيەت، ەمدەۋ، ءدارى - دارمەك» سياقتى جاقتاردان قارايلاسىپ قانا قالماستان، ماڭىزدى مەرەكە - مەيرامدار مەن مالشىلاردىڭ تۇرمىستا قيىنشىلىققا تاپ بولعاندىعىنان حابار تاپقان كەزدەردە، مالشىلارعا كۇرىش، ۇن، ماي، كومىر سياقتى تۇرمىستىق قاجەتتى بۇيىمداردى جەتكىزىپ بەرىپ تۇردى.

  قيىنشىلىعى بار وقۋشىلارعا ايرىقشا ءمان بەرىپ، بالالاردى جاقسى ۇيرەنۋگە شابىتتاندىردى. ۇعىسۋعا قاراعاندا، كوماندير - جاۋىنگەرلەردىڭ قارجىلاي كومەگىنە يە بولعان وقۋشىلاردىڭ ىشىندە 10 نەشەۋى ۋنيۆەرسيتەتكە قابىلدانعان، سونداي - اق وقۋلارىن تابىسپەن تامامداعان.

  باقىتجان اجەي اۋرۋشاڭ ادام، وتباسىندا ەڭبەككۇش جوق، تۇرمىستىق قيىنشىلىعى توتەنشە اۋىر. سۇن چاۋ مەن ونىڭ جاۋىنگەر سەرىكتەرى بۇل جاعدايدان حابار تاپقاننان كەيىن، دەرەۋ اقشالاي، زاتتاي جىلۋ اتاپ، ونىڭ وتباسىمەن تۋىستاسىپ، اجەيگە كيىم - كەشەك، استىق جانە ءدارى - دارمەك جەتكىزىپ بەرىپ، اجەيدىڭ كيىم - كەشەگىن جۋىپ، تاماق ىستەپ بەرىپ، وتباسى جۇمىستارى مەن ەگىس جۇمىستارىنا كومەكتەستى. ۇزاق جىلدان بەرى، كۇنجىراپ شەكارا قورعانىس تەكسەرۋ پۋنكتىنىڭ باسشىلارى مەن كوماندير - جاۋىنگەرلەرى نەشە كەزەك اۋىستى، ءبىراق باقىتجان اجەيگە قامقورلىق جاساۋ، كومەك كورسەتۋ ارەكەتى مەن شىنايى سۇيىسپەنشىلىك پامير ۇستىرتىندە تىنباي جالعاسىپ كەلەدى.

  بالىق بەرگەنشە بالىق اۋلاۋدى ۇيرەت. كۇنجىراپ شەكارا قورعانىس تەكسەرۋ پۋنكتى پارتكومى كەدەيلىكتەن سۇيەمەلدەۋدى جىگەر - قايرات بەرۋمەن، اقىل - پاراسات جاعىنان سۇيەمەلدەۋمەن ۇشتاستىرىپ، يدەيانى ازات ەتىپ، مالشىلاردىڭ ءوز كۇشىنە سۇيەنۋ قابىلەتىن كۇشەيتىپ، ولاردىڭ تاۋ قويناۋىنان قالاعا بەت الۋىنا جەتەكشىلىك ەتتى.

  كۇنجىراپ شەكارا قورعانىس تەكسەرۋ پۋنكتى ءار جاقپەن بايلانىس جاساپ، جۇڭگو سىرتقى تاسىمال شينجياڭ بولىمشە سەرىكتەستىگىمەن كەڭەسىپ ءبىر بايلامعا كەلۋ ارقىلى وزدەرى تۇرعان جەردەگى ەرەكشە قيىنشىلىعى بار 20 وتباسىنداعى مالشىنى جۇمىسقا ورنالاستىرىپ، ولاردىڭ نەگىزدىك تۇرمىسىن قامتاماسىزداندىرۋ ماسەلەسىن شەشتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.