تيانشان تورابى   ›   جاڭالىقتار   ›   شينجياڭ حابارلارى

تۇرمىسىمىز، ءسوز جوق، بارعان سايىن جاقسارادى

  − جەلييا. شينجياڭ شينيۋە جىبەك جولى شەكتى سەرىكتەستىگىندەگى از ۇلت جۇمىسشى - قىزمەتكەرلەرىنىڭ باقىتتى تۇرمىسى جونىندە

  ءتىلشىمىز گاي يۋجۇن، ەرىكتى ءتىلشى جاڭ لۋ

  2 - قاراشادا، ارال قالاسى جەلييا. شينجياڭ شينيۋە جىبەك جولى شەكتى سەرىكتەستىگى ورامال ءوندىرۋ سەحىنىڭ جۇمىسكەرى فان ميڭشيا (سولدا) قىزمەتتەسى اديلا يشانعا تەحنيكالىق جاقتان جەتەكشىلىك ەتتى

  14 - جەلتوقسان، ىمىرت جابىلا باستاعان كەز، باتار كۇننىڭ شاپاعى بيڭتۋان 1 - ديۆيزياسى ارال قالاسىنداعى جەلييا. شينجياڭ شينيۋە جىبەك جولى شەكتى سەرىكتەستىگىنىڭ بالاباقشاسى عيماراتىنىڭ توبەسىنە ءتۇسىپ تۇر. بالاباقشاسىنىڭ قاقپاسىنىڭ سىرتىندا بالالارىن كۇتىپ تۇرعان نۇربيام مامەت پەن كۇيەۋى ءازىمات ەركىننىڭ جۇزدەرىنەن شاتتىقتىڭ لەبى ەسەدى.

  «جەليياعا كەلىپ جۇمىسقا ورنالاسقاننان بەرى تۇرمىسىزدا زور وزگەرىستەر تۋىلدى. ءبىزدىڭ قازىرگى نىسانامىز اقشانى كوبىرەك تاۋىپ، بولاشاقتا بالامىزدى ۋنيۆەرسيتەتتە وقىتۋ»، - دەدى نۇربيام قۋانا، ولار قازىر جەلييا. شينجياڭ شينيۋە جىبەك جولى شەكتى سەرىكتەستىگىنىڭ زاۆود رايونىندا تۇرادى ەكەن، كۇيەۋى ەكەۋى جۇمىسقا شىعىپ، بالالارى بالاباقشاسىنا كىرىپ، ءبىر ءۇيلى جان شات - شادىمان تۇرمىس كەشىرىپ جاتىپتى.

  نۇربيام اۋات اۋدانىنىڭ اۋات قالاشىعىنان كەلگەن، 2 جارىم جاستاعى بالانىڭ اناسى، بۇرىن ءبىر كىتاپحانادا تازالىقشى بولىپتى. بيىل تامىزدا، جەلييا.شينجياڭ شينيۋە جىبەك جولى شەكتى سەرىكتەستىگى اۋات قالاشىعىنا بارىپ قىزمەتكەر قابىلدايدى، ماڭايىنداعى قىز - كەلىنشەكتەردىڭ زاۆودقا كىرۋگە تىزىمدەلىپ جاتقانىن كورەدى ءارى كوپتەگەن ادامداردىڭ جەليياعا بارعاننان كەيىن تۇرمىستارىنىڭ بارعان سايىن جاقسارعانىن ەستىگەن نۇربيام دا تىزىمدەلەدى. ۇيىنە قايتىپ كۇيەۋى ازىماتپەن اقىلداسادى.

  «مەن سەنىڭ جەليياعا بارۋىڭا قوسىلمايمىن، مەن اسحانادا كاۋاپ قاقتاپ ايىنا 2000 يۋان تابامىن، وعان سەنىڭ 1800 يۋان ايلىعىڭدى قوسساق، وتباسىمىزدى اسىراۋعا ابدەن جەتەدى، نە ءۇشىن ۇيدەن 100 كيلومەتر شالعايعا بارىپ اقشا تابامىز؟». ءازىمات ايەلىنىڭ شەشىمىنە وسىلاي تويتارىس بەرەدى.

  «جيەليياعا بارىپ جۇمىسقا ورنالاسقان ماڭايىمداعى اپەكە - سىڭلىلەر اي سايىن 4000 يۋاننان تابادى ەكەن، ءبىز نەگە بارىپ سىناپ كورمەيمىز؟ مەن دە كوبىرەك اقشا تاۋىپ، بالاما اناعۇرلىم جاقسى تۇرمىس ورتاسىن جاراتسام دەيمىن». وسىلايشا جالىقپاستان ءناسيحاتتاعان نۇربيا كۇيەۋى ءازىماتتى دە كوندىرەدى، ەكەۋى دە جۇمىستارىنان بوساپ، بالالارىن ەرتىپ، وتباسىمەن جەلييا. شينجياڭ شينيۋە جىبەك جولى شەكتى سەرىكتەستىگىنە كوشىپ كەلەدى.

  سونىمەن بيىل 25 - تامىزدا ولار جەلييا سەرىكتەستىگىنە كەلدى، سەرىكتەستىككە تۇڭعىش رەت كەلگەن سول كۇن ولارعا ۇمىتىلماس ەلەس قالدىردى. ولار سەرىكتەستىك باسشىلارىنىڭ باستاۋىندا اسحانا، قيمىل ورتالىعى، ەرەن بازار، بالاباقشا، ەمدەۋ ءبولىمى سياقتى جەرلەردى ەكسكۋرسيالادى، «ءبىز ماشينادان تۇسكەن كەزىمىزدە دالاداي كەڭ زاۆود اۋماعىن كورىپ قايران قالدىق، ويلاماعان جەردە سەرىكتەستىك بىزگە تاعى ءۇي ءبولىپتى، بۇدان ايرىقشا ريزا بولدىق»، - دەدى ءازىمات، ايتارلىقتاي تۇرمىس شارت - جاعدايىن كورگەن ولار وسى ارادا قالىپ قىزمەت ىستەۋگە بەكىدى.

  نۇربيام مەن ءازىمات جەلييا سەرىكتەستىگىندە 3 ايدان استام قىزمەت ىستەۋ بارىسىندا بىرتە - بىرتە ءتۇرلى ماشينالاردى ىستەتۋدى جەتىك يگەرىپ، قىزمەتتەستەرىنىڭ القاۋىنا بولەندى. جەلييا. شينيۋە جىبەك جولى شەكتى سەرىكتەستىگى ورامال سەحىنىڭ مەڭگەرۋشىسى جاڭ شىسۇڭ بىلاي دەدى: «نۇربيام مەن كۇيەۋى ەكەۋى ەرەكشە تىرىسشاڭ، ءبىزدىڭ سەحتاعى باسقا ەرلى - زايىپتىلار دا ولاردان ۇيرەندى، ول ەكەۋى قىزمەتتە ءبىر - بىرىنە تاماشا سايكەسەدى، بىرەۋى تىگىن ماشيناسىن ىستەتكەندە، بىرەۋى قاسىندا قاداعالاپ تەكسەرىپ وتىرادى، سوندىقتان ولاردىڭ قولىنان شىققان ءونىمنىڭ ساپاسىندا ايتار جوق».

  نۇربيام مەن ءازىمات جاڭ شىسۇڭنىڭ ماقتاۋىن ەستىگەننەن كەيىن كوڭىل تولى ريزالىعىن ءبىلدىرىپ بىلاي دەدى: «قازىر ايىنا الاتىن ەڭبەكاقىمىز 6000 − 7000 يۋان اينالاسىندا، 3 ايدا 20 مىڭ يۋان جيناپپىز، ۇيدەگى ۇلكەندەرگە 3000 يۋان بەرگەننىڭ سىرتىندا بانكەگە 10 مىڭ يۋان امانات قويدىق، ءبىز بۇل جەردە تىرىسىپ جاقسى ىستەيمىز».

  نۇربيام مەن ءازىمات ەكەۋىنىڭ ويىندا قازىر جاڭا جوسپار قۇرىلدى، ولار بولاشاقتا سەرىكتەستىكتە وزدەرىنە تيەسىلى جىلى جانۇياعا يە بولۋ ءۇشىن ۇزدىكسىز قۇلشىنا ىستەپ، ءوز قۇندارىن ايگىلەۋگە تىرىستى.

  ولاردىڭ مۇنداي ويعا كەلۋىنىڭ سەبەبى، سەرىكتەستىك جۇمىسشى - قىزمەتكەرلەردى كاسىپورىندا قالىپ ۇزاق ۋاقىت قىزمەت ىستەۋگە شابىتتاندىرۋ ءۇشىن، ەرلى - زايىپتى جۇمىسشى - قىزمەتكەرلەر سەرىكتەستىكتە قىزمەت ىستەگەن ۋاقىتى 10 جىلعا تولعاندا (سالت جۇمىسشى - قىزمەتكەرلەردىكى 20 جىل) ءبىر پار ءۇي بەرەتىن ساياسات شىعاردى، وسىدان سوڭ نۇربيام مەن ءازىماتتىڭ سەرىكتەستىكتە تاباندىلىقپەن قۇلشىنا ىستەۋ بەكىمى ءتىپتى دە نىعايا ءتۇستى.

  نۇربيام بىلاي دەدى: «ءبىز بۇل ارادا بۇلجىماي قىزمەت ىستەيمىز، الداعى تۇرمىسىمىزدىڭ بارعان سايىن جاقسارا تۇسەتىندىگىنە سەنىمىمىز كامىل».

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى