تاعامنىڭ جىلۋ شاماسىنا ءمان بەرەتىن ادامدار سيىر ەتىن جەۋدى جاقسى كورەدى، ادەتتە سيىر ەتىنىڭ جىلۋ شاماسى تومەن، ادامدى وڭاي سەمىرتپەيدى دەپ قارايدى. ءبىراق، ۇلى بريتانيانىڭ تاعامتانۋ مامانى اماندا . ەسايلدىڭ ايتۋىنشا، سيىر ەتىنىڭ ۇقساماعان بولەگىنىڭ جىلۋ شاماسى دا ۇقسامايدى ەكەن، جىلۋ شاماسى جوعارى بولعان بولەگىنىڭ ەنەرگيا شاماسى تومەن بولەگىنىڭ ەكى ەسەسىنە تەڭ كەلەدى ەكەن.
ەسايلدىڭ ايتۋىنا قاراعاندا، سۇبە قابىرعاسىنىڭ جىلۋ شاماسى ەڭ جوعارى ەكەن، ءار 100 گرام ەتتىڭ قۇرامىندا 270 كالوريا جىلۋ بولىپ، سىرتقى بەينەسىنەن - اق سيىر ەتىنىڭ بۇل بولەگىندە قاتپار - قاتپار سىزىقتى ماي بار ەكەنىن كورۋگە بولادى. ال جاقىنعى جىلداردان بەرى، ۇلى بريتانيا مەن ا ق ش - ىندا جۇرت القاۋىنا بولەنگەن قول ەتى، قارا قابىرعاسىنىڭ جىلۋ مولشەرى تومەن بولىپ، ءار 100 گرام ەتتىڭ قۇرامىندا 140 كالوريا عانا جىلۋ بولۋدان تىس، باعاسى دا قولجەتىمدى ەكەن.
ءبىراق،ءدامدى تاعامدى ءسۇيىپ جەيتىن ادامدار ءۇشىن الىپ ايتقاندا، باعا، جىلۋ شاماسى قاتارلىلاردىڭ ءبارى ماڭىزدى ەمەس، ەڭ ماڭىزدىسى ءدامىنىڭ جاقسى - جامان بولۋىندا عانا.
