تيانشان تورى   ›   ۇيرەنۋ   ›   ماڭىزدى ءسوز

مەملەكەتتىك ساياسي كەڭەستىڭ جاڭا جىلعا ارنالعان شاي ماجىلىسىندە سويلەنگەن ءسوز

(2017 - جىلى 29 - جەلتوقسان)
شي جينپيڭ

     جولداستار، دوستار:
     جاڭا جىلدارىڭىز قۇتتى بولسىن! 2017 - جىل اياقتالۋ الدىندا تۇر، 2018 - جىل تاياپ قالدى. كونەگە قوش ايتىپ، جاڭانى قارسى الۋ ساتىندە، ءبىز ءبىر اراعا قۋانىشپەن باس قوسىپ، دوستىقتى ارقا - جارقا اڭگىمە ەتىپ، كەلەشەككە كوز تاستادىق، بۇعان وتە قۋانىشتامىن.
     ەڭ اۋەلى، مەن ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق ۇيىمدارعا، بۇكىل ەلدەگى قالىڭ جۇمىسشىلارعا، شارۋالارعا، زايالىلارعا، كادرلارعا جانە ءار سالا قايراتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى كوماندير - جاۋىنگەرلەرىنە جانە قوعام حاۋىپسىزدىگى كادر - ساقشىلارىنا، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا جانە تايۋاندىق باۋىرلاستارعا، سونداي - اق قالىڭ مۇھاجىرلارعا، جۇڭگونىڭ وسىزاماندانۋ قۇرىلىسىنا كوڭىل بولگەن جانە ونى قولداعان ءار ەلدەگى دوستارعا مەرەكەلىك سالەم جولدايمىن جانە ىزگى تىلەك تىلەيمىن!
     2017 - جىل پارتيا مەن مەملەكەتىمىزدىڭ دامۋ ۇردىسىندە بەلەستىك ءمان الاتىن جول بولدى، جۇڭگوشا سوتسياليزم ىستەرى جاڭا دا ەلەۋلى تابىستارعا قول جەتكىزدى. ءبىز ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمدارىن دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، كەدەيلىكتەن قۇتىلدىرۋدان قامال الۋدى پارمەندى جۇرگىزىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى، ارميا جانە مەملەكەت قورعانىسى قۇرىلىسى سياقتى ىستەردە جاڭا دا ەلەۋلى ىلگەرىلەۋشىلىكتەرگە قول جەتكىزدىك.
     ءبىز رەفورمانى جان - جاقتى تەرەڭدەتۋدى ءۇرتىس ىلگەرىلەتىپ، 79 ءتۇيىندى رەفورما مىندەتىن ورىندادىق، ورتالىق پەن مەملەكەت ورگاندارىنىڭ قاتىستى تاراۋلارى 211 رەفورما مىندەتىن ورىندادى، ءار جاق جيىنى 399 رەفورما جوباسىن شىعاردى، رەفورمادا جاپپاي كۇش شىعارعان، كوپ تۇيىننەن قامال العان، جان - جاقتى ىلگەرىلەگەن جاندى جاعداي ۇزدىكسىز تۋىلدى. 
     ءبىز زۇركى ۇرىس مايدانىندا ارميانى كوزدەن كەشىرىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاپ، حالىق ارمياسىنىڭ جۇڭگوشا ەرەكشەلىككە يە ارميانى قۇدىرەتتەندىرۋ جولىندا نىق قادام باسقانىن شوعىرلى ايگىلەدىك. ءبىز شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن تويلاپ، «ءبىر ەل، ەكى ءتۇزىم» باعىتىنىڭ وزگەرمەيتىندىگىن، مىزعىمايتىندىعىن، «ءبىر ەل، ەكى ءتۇزىم» امالياتىنىڭ سيپاتى وزگەرمەيتىندىگىن، قاز - قالپىن ساقتايتىندىعىن ايقىن جاريالادىق. ءبىز ءبىر جۇڭگو پرينسيبىندە جانە بەيبىت بىرلىككە كەلۋدە تاباندى بولىپ، ەكى جاعالاۋدىڭ اۋىس - كۇيىسىن، قارىم - قاتىناسىن جەبەپ، «تايۋان تاۋەلسىزدىگىنە» باتىل قارسى تۇردىق. ءبىز جان - جاقتى ديپلوماتيانى ورىستەتىپ، ادامزاتتىڭ تاعدىرلاس ورتاق تۇلعاسىن ورناتۋدى بەلسەندىلىكپەن ىلگەرىلەتتىك.
     جۇڭگو كوممۋنيستىك پارتياسى پارتيانى جاپپاي قاتاڭ جونگە سالۋدى ماڭگى جالعاستىرۋدان جازباي، ساياسي قۇرىلىستى ماڭداي الدى ورىنعا قويىپ، پارتيانى يدەيا ارقىلى گۇلدەندىرۋگە، پارتيانى ءتارتىپ ارقىلى قۇدىرەتتەندىرۋگە، پارتيانى ءتۇزىم ارقىلى جونگە سالۋعا تەڭ كۇش سالىپ، ءىرىپ - شىرۋگە قارسى تۇرۋ كۇرەسىنىڭ تىپىر ەتكىزبەۋ كۇيىن قالىپتاستىردى ءارى ونى ۇزدىكسىز دامىتىپ، بەكەمدەدى.
     جىل سوڭىندا ساناق جۇرگىزسەك، ءبىر جىلدان بەرگى تابىستارىمىز قوماقتى بولدى، كوپشىلىكتىڭ ەڭبەگى اقتالدى. سونىمەن بىرگە، ءبىز مىنانى دا ايقىن كورە ءبىلۋىمىز كەرەك: قىزمەتتەرىمىزدە ءالى دە كەيبىر ايتارلىقتاي بولماعان تۇستار بار، حالىق بۇقاراسىنىڭ ءوندىرىسى مەن تۇرمىسىنداعى كوپتەگەن قيىنشىلىقتار ءالى دە دەرلىكتەي شەشىلمەدى، العا باسۋ جولىندا ءالى دە كوپتەگەن حاۋىپ - قاتەرلەر مەن سىن - سىناقتار تۇر، سوندىقتان، ءسوزسىز، زەينەتتى كۇندە بەينەتتى كۇندى دە ويلاپ، ەسەلەپ قۇلشىنىپ، قىزمەتتى اناعۇرلىم ناقتى، اناعۇرلىم تىڭعىلىقتى ىستەۋىمىز كەرەك.
     جولداستار، دوستار!
     2 ايدان استام ۋاقىتتىڭ الدىندا، جۇڭگو كوممۋنيستىك پارتياسى مەملەكەتتىك 19 - قۇرىلتايىن اشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستاۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ايبىندى جوباسىن جاساپ، جاڭا داۋىردە جۇڭگوشا سوتسياليزم جولىن بويلاپ ەرلىكپەن العا ىلگەرىلەۋدىڭ اسقاق دابىلىن قاقتىق.
     جۋىرداعى ءبىر مەزگىلدە ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى مەملەكەتتىك ۋاكىلدەر قۇرىلتايىن ىركەس - تىركەس ءساتتى اشىپ، جاڭا كەزەك باسشىلىق ورگاندارىن سايلاپ، تاڭداۋلى ءداستۇردى ساۋلەلەندىرىپ، ساياسي ۇشتاسۋدى تەرەڭدەتىپ، جۇڭگوشا سوتسياليستىك ۇكىمەت ىستەرىنە قاتىناساتىن پارتيالار قۇرىلىسىن كۇشەيتىپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىك ىستەرىنىڭ جاندى ومىرشەڭدىك كۇشىن ايگىلەدى.
     2018 - جىلدا ءبىز ج ك پ 19 - قۇرىلتايىنىڭ رۋحىن جان - جاقتى دايەكتىلەندىرىپ، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، ەلىمىز قوعامىنداعى باستى قايشىلىقتىڭ وزگەرىسىن مىقتى ۇستاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جوسپارلاپ ىلگەرىلەتىپ، ەلەۋلى حاۋىپ - قاتەردەن ساقتانۋ جانە ونى شەشۋدەن، كەدەيلىكتەن دالمە - ءدال قۇتىلدىرۋدان، لاستانۋدان ساقتانۋدان جانە ونى جونگە سالۋدان قامال الۋ شايقاسىن تىڭعىلىقتى جۇرگىزۋ جاعىندا تياناقتى ىلگەرىلەۋشىلىكتەرگە قول جەتكىزىپ، ەكونوميكانىڭ، قوعامنىڭ ءۇرتىس اقاۋسىز دامۋىن جەبەۋىمىز كەرەك. ءبىز رەفورمانىڭ ناقتى ارەكەتتەرىمەن رەفورما جاساپ، ەسىك اشۋدىڭ 40 جىلدىعىن تويلاپ، رەفورما جاساپ، ەسىك اشۋدىڭ داڭعىل جولىمەن ۇزدىكسىز ەرلىكپەن ىلگەرىلەۋىمىز كەرەك. ءبىز «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ» وسكەلەڭ اۆتونوميا باعىتىن ۇزدىكسىز دايەكتىلەندىرىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن قورعاۋىمىز كەرەك. ءبىز ءبىر جۇڭگو پرينسيبىندە ۇزدىكسىز تاباندى بولىپ، «92 - جىلعى ورتاق تانىم» نەگىزىندە ەكى جاعالاۋ قاتىناسىنىڭ بەيبىت دامۋىن ىلگەرىلەتىپ، مەملەكەتتى بولشەكتەيتىن ارەكەت اتاۋلىعا قارسى تۇرۋىمىز كەرەك. ءبىز بەيبىت دامۋ جولىمەن باستان - اياق بۇلجىماستان ءجۇرىپ، باياندى بەيبىت، جاپپاي حاۋىپسىز، ورتاق گۇلدەنەتىن، اشىق تا قامتىمدى، تازا دا كوركەم دۇنيە ءجۇزى قۇرىلىسىن ىلگەرىلەتىپ، دۇنيە جۇزىندەگى ءار ەل حالقىنىڭ ادامزات وركەنيەتىنىڭ العا باسۋ تابىستارىنان ورتاق يگىلىكتەنۋىنە مۇمكىندىك جاساۋىمىز كەرەك.
     جولداستار، دوستار!
     2017 - جىلى حالىق ساياسي كەڭەسى ىنتىماق جانە دەموكراتيا سىندى 2 ءىرى تاقىرىپتان جازباي، نازاردى پارتيا مەن مەملەكەتتىڭ وزەكتى مىندەتتەرىنە شوعىرلاندىرىپ، ءماسليحاتتاسۋ، ۇكىمەت ىستەرىن اقىلداسۋ جاعدايىن كەمەلدەندىرىپ، دەموكراتيالىق باقىلاۋ فۋنكتسياسىن كۇشەيتىپ، ىنتىماقتاسۋ، دوستاسۋ قىزمەتىن كەڭەيتىپ، مىندەت اتقارۋ قابىلەتى قۇرىلىسىن كۇشەيتىپ، مۇراگەرلىك ەتۋ بارىسىندا دامىتىپ، دامىتۋ بارىسىندا جاڭالىق اشىپ، ىنتىماقتى، دەموكراتيالى، ناقتى ىستەر تىندىرۋعا قۇلشىناتىن، قارىشتاپ دامىعان جاڭا جاعداي اشىپ، پارتيا مەن مەملەكەت ىستەرىنىڭ دامۋىنا ماڭىزدى ۇلەستەر قوستى.
     اۋەلگى ماقساتتى ۇمىتپاعاندا عانا، ءىستىڭ سوڭى باياندى بولادى. جاڭا ءبىر جىلدا ءبىز جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي ءماسليحات تۇزىمىندە تاباندى بولىپ جانە ونى كەمەلدەندىرىپ، ەڭ كەڭ كولەمدى وتانشىل بىرلىكساپتى بەكەمدەۋىمىز جانە دامىتۋىمىز كەرەك. حالىق ساياسي كەڭەسى جاڭا ءداۋىر جۇڭگوشا سوتسياليزم يدەياسىن قىزمەتتەردى جاپپاي مەڭگەرۋدىڭ جالپى باعدارلاماسى ەتىپ، جۇڭگوشا سوتسياليزمدە تاباندى بولۋدى جانە ونى دامىتۋدى ورتاق يدەيالىق ساياسي نەگىزدى بەكەمدەۋدىڭ نەگىزگى ءوسى ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە اقىل كورسەتىپ، كۇش قوسۋدى قىزمەت نەگىزگى جەلىسى ەتىپ، سوتسياليستىك ءماسليحات دەموكراتياسىنىڭ ماڭىزدى ارناسى مەن ارنايى ءماسليحات ورگانى بولۋداي رولىن تولىق ساۋلەلەندىرىپ، جاڭا داۋىرمەن قول ۇستاسىپ، جاڭا ۇستانىمداردى دايەكتىلەندىرىپ، نازاردى جاڭا نىساناعا شوعىرلاندىرىپ، جاڭا ورنالاستىرۋلاردى تياناقتاندىرىپ، ءارقايسى پارتيالاردىڭ، توپتاردىڭ، حالىقتىق ۇيىمداردىڭ، ءار ۇلت، ءار سالا قايراتكەرلەرىنىڭ ۇلى ىنتىماعىن، ۇلى بىرلىگىن جەبەپ، ج ك پ 19 - قۇرىلتايى تۇراقتاندىرعان نىسانا - مىندەتتەردى جۇزەگە اسىرۋ جولىندا تىزە قوسا كۇرەس جاساۋ كەرەك.
     قازىردەن باستاپ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەي كۇرەس نىساناسىن جۇزەگە اسىرۋعا دەيىن نەبارى 1000 نەشە كۇن قالدى. «ۋاقىت ءوتىپ جاتىر اققان سۋداي، كۇندىز - ءتۇن زىمىرايدى تىنىم الماي». ۋاقىت كۇتىپ تۇرمايدى! ءبىز، ءسوزسىز، ۋاقىتتىڭ الدىندا ءجۇرۋىمىز، ءداۋىردىڭ تولقىن جالداۋشىلارى بولۋىمىز كەرەك.
     جولداستار، دوستار!
     ج ك پ 18 - قۇرىلتايىنان بەرى، جاڭا جۇڭگو قۇرىلعاننان، وتە - موتە، رەفورما جاساپ، ەسىك اشقاننان بەرگى ۇزاق ۋاقىتتىق قۇلشىنۋ نەگىزىندە، بۇكىل پارتيا، بۇكىل ەلدەگى ءار ۇلت حالقى ىنتىماقتاسا كۇرەسىپ، جۇڭگوشا سوتسياليزمنىڭ جاڭا داۋىرگە قادام تاستاۋىن ىلگەرىلەتتى. ەلىمىزدىڭ دامۋى قول جەتكىزگەن يدەيالىق، نازاريالىق تابىستار، زاتتىق - تەحنيكالىق تابىستار، رۋحاني - مادەنيەت تابىستارى، ءتۇزىلىس - مەحانيزم تابىستارى سان مىڭ بۇلاقتان قۇرالىپ داريا بولىپ، اعىندار قوسىلىپ تەڭىزگە اينالىپ، جۇڭحۋا ۇلتىنىڭ ارشىندى قاداممەن ىلگەرىلەۋىن جەبەيتىن تاريحي تاسقىندى قالىپتاستىردى.
«تولقىن تۇرىپ ەكى جاعا جەر بەتىمەن تەڭەلدى، جەل وڭالىپ جەلكەن جايار كەز كەلدى». جاڭا داۋىردەگى جۇڭگوشا سوتسياليزمنىڭ باعدارى ايقىندالدى، جۇڭحۋا ۇلتىنىڭ ۇلى گۇلدەنۋىنىڭ الىپ كەمەسى تولقىن جارا العا ىلگەرىلەدى. بۇل الىپ كەمەدەگى ءاربىر كۇش كەم بولسا بولمايدى. ءبىز مىناعان كامىل سەنەمىز: جۇڭگو كوممۋنيستىك پارتياسىنىڭ تىزگىن ۇستاپ، جول باستاۋى بولادى ەكەن، جۇڭگونىڭ رەفورماسىنىڭ، دامۋىنىڭ جويقىن شىعىس جەلى بولادى ەكەن، بۇكىل ەلدەگى ءار ۇلت حالقىنىڭ جەلكەن جايىپ، ەسكەك ەسۋى بولادى ەكەن، جۇڭحۋا ۇلتىنىڭ ۇلى گۇلدەنۋىنىڭ الىپ كەمەسى، ءسوزسىز، شۇعىلالى ارعى جاعاعا جەتە الادى!
     كوپشىلىككە راقىمەت.
                                                                                                                                                                                       (شينحۋا اگەنتتىگىنىڭ 29 - جەلتوقساندا بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.