تيانشان تورى
تيانشان تورى   ›   ۇيرەنۋ   ›   شولۋ

حالىقتى باقىتقا كەنەلتۋدى ەڭ زور ساياسي ناتيجە رەتىندە قارايىق

  − ءتوراعا شي جينپيڭنىڭ 2018 - جاڭا جىلدى قۇتتىقتاۋ سوزىنەن تۋعان وي (1)

  2017 - جىلدان 2018 - جىلعا دەيىن ۋاقىت تاپجىلماس تاباندىلىقتارعا كۋا بولدى − كوممۋنيستەردىڭ ۋاقىت ۇعىمىندا حالىق قاشاندا ەستەن شىقپايتىن وزگەرمەس اۋەلگى ماقسات، ونان دا ماڭىزدىسى، ۇزدىكسىز كۇرەس جاساۋدىڭ ماڭگىلىك كوورديناتاسى.

  «مەن جۇڭگو حالقىنىڭ ارىنداعان جاسامپازدىق ۇلى كۇشىنە ماداق ايتامىن»، «سان ميللونداعان جاي بۇقارا ەڭ ۇلى»، «باقىتتى تۇرمىسقا كۇرەس ارقىلى عانا قول جەتەدى»، «اسۋلاردى باعىندىرىپ، وزەندەردى نوقتالاپ»، «رەفورمانى سوڭىنا دەيىن جالعاستىرۋىمىز كەرەك»، «قۇر قيالعا بەرىلمەي، جالعان اتاققا بوي ۇرماي»، «حالىقتى باقىتقا كەنەلتۋدى ەڭ زور ساياسي ناتيجە رەتىندە قاراۋ»... ءتوراعا شي جينپيڭنىڭ 2018 - جاڭا جىلدى قۇتتىقتاۋ ءسوزى شارىق ۇرعان داڭق پەن ارمانعا، سەنىم مەن جىگەرگە تولى، سۇيىسپەنشىلىك پەن جاۋاپكەرلىككە كۋا بولدى. اسقاق تا ارىندى سوزدەر ميلليارد حالىقتىڭ جاڭا داۋىردە قايراتتانا العا ىلگەرىلەۋ جىگەرىن ۇشتادى.

  «حالىقتى باقىتقا كەنەلتۋدى ەڭ زور ساياسي ناتيجە رەتىندە قاراۋ»، بۇل بولاتتاي بەرىك سەنىم، ونان دا ماڭىزدىسى، بەكەم دە پارمەندى ارەكەت. ءبىر مينۋتتا 20دان استام ادام كەدەيلىكتەن قۇتىلدى، قانشالاعان كەدەي بۇقارا اۋزى اسقا جارىمايتىن كۇندەرگە قوش ايتىپ، ينتەرنەتتەن پايدالانا الاتىن بولدى، كەرپىش ۇيلەرگە كىردى؛ ءبىر كۇندە 40 مىڭنان استام بازار تۇلعاسى تىڭنان قوسىلىپ، قانشالاعان شارۋاشىلىق قۇرۋشى ارمانىنا تياناق تاپتى؛ 5 جىلدا جاڭادان جۇمىسقا ورنالاسقان ادام سانى ۇلى بريتانيانىڭ حالىق سانىمەن قارايلاس كەلدى، قانشاما ادام قۇلشىنا كۇرەسۋ ارقىلى وتباسىنىڭ تىرەگىنە اينالىپ، تاعدىرىن وزگەرتتى... جاي ادامداردىڭ باقىت سەزىمىنەن، كەنەلۋ سەزىمىنەن، حاۋىپسىزدىك سەزىمىنەن تۋىنداعان جاڭا ءداۋىردىڭ مەيىرىمدى بەلگىسى «حالىقتى وزەك ەتۋدەي» دامۋ يدەياسىن ايگىلەپ، ءتوراعا شي جينپيڭنىڭ ءىرى ەلدىڭ كوسەمىنە ءتان حالىقشىلدىق دارقان پەيىلىن كورسەتىپ، دۇنيە جۇزىنە جۇڭگو كوممۋنيستىك پارتياسىنىڭ «جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ» بورىشى مەن اۋەلگى ماقساتىن تاعى ءبىر رەت بايقاتتى.

  جۇڭگو حالقى كەرەمەت حالىق، جۇڭگونىڭ رەفورما جاساپ، ەسىك اشۋىن دۇنيە ءجۇزى «ەڭبەكشىلدىك توڭكەرىسى» دەپ اتادى، ميلليارد حالىق ءوزىنىڭ ەڭبەكشىلدىگىنە، ەرلىگىنە، اقىل - پاراساتىنا سۇيەنىپ ءوزىنىڭ كورىكتى مەكەنىن قۇردى. جاڭا ءبىر جىلدا، حالىق الاڭداپ، ابىرجىپ وتىرعان ىستەر ءالى دە بار، تاعى دا كوپتەگەن جاستار ءۇي باعاسىنىڭ، زات باعاسىنىڭ قىمباتتىعىنان قىنجىلۋدا، ءالى دە كوپتەگەن اتا - انالار بالاسىنىڭ حاۋىپسىزدىگى مەن اقاۋسىزدىعىنان الاڭداۋدا، ءالى دە كوپتەگەن جۇمىسكەرلەر ءتىپتى دە كوبىرەك مەيىر - شاپاعاتتىڭ بولۋىن، كوبىرەك قامتاماسىزدىقتىڭ بولۋىن كۇتۋدە، ءالى دە كوپتەگەن قيىنشىلىعى بار بۇقارا تۇرمىسىنىڭ اناعۇرلىم سالاۋاتتى، اناعۇرلىم ءۇمىتتى بولۋىن تىلەۋدە. «حالىقتى باقىتقا كەنەلتۋدى ەڭ زور ساياسي ناتيجە رەتىندە قاراۋ» بىزدەن حالىقپەن ەتەنە سۇيىسپەنشىلىكتىڭ بولۋىن، بۇقارانىڭ حال - كۇيىن ءارقاشان كوڭىل تورىندە قويۋدى، حالىقتىڭ قايعىسىنا كۇيىنىپ، باقىتىنا قۋانۋدى، حالىقتى باقىتتى، تاماشا تۇرمىسقا ونان ارى كەنەلدىرىپ، سالاۋاتتى ءومىر ساحناسىن ونان ارمان كەڭەيتىپ، ارماندى جۇزەگە اسىرۋ جولىن ونان ارى ىركىلىسسىزدەندىرۋدى تالاپ ەتەدى.

  دامۋدىڭ تۇپكى ماقساتى حالىقتى باقىتقا كەنەلتۋ؛ حالىقتى باقىتقا كەنەلتۋ ءبىزدىڭ بارلىق قىزمەتتەرىمىزدىڭ شىعار ءتۇيىنى جانە تياناعى. بۇكىل ەل حالقىن «بىردە - بىرەۋىن قاتاردان قالدىرماي» جاپپاي دوڭگەلەك داۋلەتتى ورەگە جەتكىزۋ ارقىلى جۇڭحۋا ۇلتىنىڭ نەشە مىڭداعان جىلدىق تاريحىندا تۇڭعىش رەت مۇلدە كەدەيلىك قۇبىلىسى تۇلعالىق جاقتان جويىلادى. كەدەيلىكتەن قۇتىلدىرۋدان قامال الۋ شايقاسىنىڭ جەڭسىنە جەتۋگە نەبارى 3 جىل ۋاقىت قالدى، ۋاقىت تىعىز، مىندەت اۋىر. «سان ميللونداعان جاي بۇقارا ەڭ ۇلى»، حالىقتىڭ كۇشى جۇمىلاتىن بولسا، سونى وزگەرىس تۋدىرىپ، تىڭ تىنىس بىتىرەتىن ۇلى كۇشكە اينالادى. ءبىز «حالىقتى وزەك ەتۋ» سىندى ءتۇبىرلى يدەيادان بۇلجىماي، «حالىقتى تاماشا تۇرمىسقا كەنەلدىرۋ» سىندى ماڭداي الدى نىسانانى يگەرىپ، ىسكە جۇمىلا كىرىسىپ، دالمە - ءدال شارا قولدانساق بولعانى، ءسوز جوق، بۇكىل ەل حالقىن باستاپ جۇڭحۋا ۇلتى جونىنەن دە ، كۇللى ادامزات جونىنەن دە كەلەلى ماڭىز الاتىن ۇلى ءىستى بىرگە ورىندايتىن بولامىز.

  جول قانشا الىس بولسا دا، كەلەشەك قانشا شالعاي بولسا دا، «حالىق» ماڭگى ءبىزدىڭ ارقاۋ ءسوزىمىز بولا بەرەدى. ەڭ ۇلى كۇش حالىقتان كەلەدى، ەڭ تەرەڭ وزگەرىس حالىقتا تۋىندايدى، ەڭ ناقتى تابىس حالىققا تيىمدىلىك جەتكىزەدى، «جۇڭگوداعى ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتەتىن» حالىقتىڭ ساياسي پارتياسى، ءسوزسىز، حالىق تۇرمىسىنىڭ ەڭ جىلى شۋاعىنا تولى «جۇڭگو حيكاياسىن» جاڭا جىل پاراقتارىنا التىن ارىپتەرمەن ايشىقتاپ جازاتىن بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.