تيانشان تورى   ›   بىلگەنگە مارجان   ›   بال داۋرەن

بالا تاربيەلەۋ بارىسىندا بالاعا وتىرىك ايتۋ دۇرىس ەمەس

   بالانىڭ تىنىش وتىراتىن كەزى بولمايدى: ولار قيقارلىق ىستەيدى، ۋلاپ - شۋلاپ، ءۇيدى باسىنا كوتەرەدى. وسى كەزدە اتا - انالار بالاعا ادەپ - يبانى قالاي ۇيرەتۋگە بولادى، قايتكەندە ولاردىڭ ءار كۇنىن حاۋىپسىز وتكىزۋگە كەپىلدىك ەتۋگە بولادى دەپ باسى قاتادى. زەرتتەۋشىلەر ەرەسەكتەردىڭ وسىنداي ماسەلەگە جولىققاندا، ۇنەمى بالانى تاربيەلەۋ ماقساتىنا جەتۋدى عانا كوزدەپ، بالانى الداي باستايتىندىعىن ايتادى.

   ءبىر زەرتتەۋشى «ەگەر مەنىمەن بىرگە جۇرمەسەڭ، سەنى وسى اراعا تاستاپ كەتەمىن» دەگەن ءسوزدى اتا - انالاردىڭ ەڭ كوپ ايتاتىندىعىن ايتتى. زەرتتەۋشىلەر 3 جاستان اسقان بالاسى بار  اتا - اناعا  تەكسەرۋ  جۇرگىزگەندە،  %98  اتا - انا بالالارىنىڭ قيقارلىعىن وزگەرتۋ ءۇشىن وتىرىك ايتاتىندىقتارىن مويىنداعان.

   پسيحولوگتار تاربيە بارىسىنداعى الدامشىلىقتى بالاعا تاماق ىشكىزۋ   ءۇشىن ايتىلاتىن وتىرىك، «قازىر دەرەۋ كەتەمىز» دەيتىن وتىرىك، «ەگەر ءسوز ۇقپاساڭ، وندا...» دەيتىن وتىرىك، اقشامەن الداۋ، «سەن نەدەگەن كەرەمەتسىڭ...» دەگەن وتىرىك جانە بالالار ەرتەگىلەرىندە ايتىلاتىن وتىرىك سياقتى 6 تۇرگە جيناقتادى.

   پسيحولوگتار بىلاي دەدى: «كەيبىر اتا - انالار بالالارىنا شىن سويلەۋدىڭ ەڭ تاماشا ءمورال ەكەندىگىن تۇسىندىرگىسى كەلگەن سايىن، بالالارىنا ايتاتىن وتىرىگى كوبەيىپ بارادى».

   كەيبىر اتا-انا بالانى الداۋ ارقىلى تاربيەلەۋ قالىپتاسقان تاسىلگە اينالىپتى.

   زەرتتەۋشىلەر مۇنىڭ سەبەبىن مادەنيەت جاعىنداعى پارىققا تىرەدى:  اتا - انالار بەلگىلى ماقساتقا جەتۋ ءۇشىن بالاسىن الدايتىن بولۋى مۇمكىن. كەيبىر  اتا - انالار ءوز كوزقاراسىن ايتا كەلىپ، وتىرىك قوعامدانۋدىڭ ەڭ   ءونىمدى ءتاسىلى ەكەندىگىن ايتتى.

   ءبىر  ەرلى - زايىپتى بىلاي دەپ جازىپتى: بالا تاربيەسىندە «كەيدە بالانى الداپ - سۋلاۋعا تۋرا كەلەدى»، بۇل بالانىڭ قالىپتى ءوسىپ - جەتىلۋىنە جانە دۇرىس جولدان اۋىتقىماۋىنا سەپتىگىن تيگىزەدى.

   زەرتتەۋشىلەر اتا - انالاردىڭ قىسىمعا ۇشىراعاندىقتان، بالاسىنا وتىرىك ايتاتىندىعىن مەجەلەدى.   اتا - انالار شاراسىزدىقتان عانا بالالارىنا وتىرىك ايتۋ بالالارعا ءتيىمسىز.

حانزۋشادان اۋدارعان: ارداق كامالقان قىزى

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى