كەيبىرەۋلەر ءسۇتتىڭ ءدامىن جاقسى كورمەيدى،ءسۇت ىشكەندە بەينە ءدارى ىشكەندەي تىتىركەنىپ، مۇرنىن قىسىپ تۇرىپ ءبىر جولدا جۇتا سالادى. ءبىراق، بۇلاي ىستەگەندە قورەكتىكتى سىمىرۋگە ىقپال جاسايدى، اسقازان - ىشەك جولدارىنىڭ قىزمەتى ناشار ادامدار ءۇشىن الىپ ايتقاندا دەنەگە اۋىرتپاشىلىق الىپ كەلەدى.
ءسۇتتىڭ قۇرامىندا كوپ مولشەردەگى بەلوك پەن ماي بولادى، ءبىر جولدا جۇتا سالعاندا ىشەك جولى قىزمەتىنە قىسىم ءتۇسىرىپ، ادامنىڭ ءىشىن ايدايدى، ىشەك جولدارىنىڭ جىبىرلاۋى تەزدەگەندە، تاماقتى شالا شايناپ جۇتقانداي بولىپ قورەكتىك زاتتاردى دەنە سىرتىنا توتە ىعىستىرىپ شىعارادى، سونىمەن دەنەمىز قورەكتىكتەردى جاقسى سىمىرە الماي قالادى.
ءسۇتتى قالاي ىشكەندە قورەكتىگى جوعارى بولادى ءارى قۇرامىنداعى قورەكتىك زاتتار تولىق سىمىرىلەدى؟ ءسۇت ىشكەندە ازدان ۇرتتاپ ىشكەن ءجون، اۋىزى اشىلعان ءسۇتتى دەر كەزىندە ءىشىپ تاۋىسۋ كەرەك، ويتپەگەندە ءسۇتتىڭ قۇرامىنداعى قورەكتىك زاتتار ازايىپ، باكتەريالارمەن جۇعىمدالۋى مۇمكىن؛ مۇزداتقىشقا قويعان سۋىق ءسۇت اسقازان - ىشەك جولدارىن تىتىركەندىرەدى، سوندىقتان ءسۇتتى قانجىلىم كۇيدە ىشكەن ءجون. سونىمەن قاتار ءسۇتتى قايناتىپ تاسىتۋعا دا بولمايدى، مۇنداي بولعاندا بەلوكتىڭ ساپاسى وزگەرىپ، قورىتۋ مەن سىمىرۋگە ىقپال جاسايدى؛ ەگەر ءسۇتتىڭ ءدامىن وزگەرتەيىن دەسەڭىز، لايىقتى مولشەردە بال نەمەسە شەكەر قوسساڭىز دا بولادى، بۇل ءسۇتتىڭ قورەكتىك قۇرامىن وزگەرتپەيدى. ەگەر ءسۇتتى شىنىندا ىشە الماساڭىز،ءوزىڭىزدى زورلاۋدىڭ دا قاجەتى جوق، باسقا تاعامداردى جەۋ ارقىلى دەنەگە قاجەتتى قورەكتىك قۇرامىن تولىقتاۋىڭىزعا ابدەن بولادى.
