− اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى (2)
اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى بيىلعى ەكونوميكالىق قىزمەتتىڭ باس تالابىن تەرەڭ پايىمدادى. ءبىز، ءسوز جوق، ءداپ باسىپ يگەرىپ، رايونىمىزدىڭ ەكونوميكالىق قىزمەتىنىڭ دۇرىس بەتالىسپەن ىلگەرىلەۋىن قامتاماسىز ەتۋىمىز كەرەك.
ءماجىلىس بيىلعى ەكونوميكالىق قىزمەتتىڭ باس تالابىن بەلگىلەدى، ياعني ول − پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيانىڭ ەكونوميكالىق قىزمەتكە باسشىلىعىن كۇشەيتىپ، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباي، جاڭا دامۋ ۇستانىمدارىنا تاباندى بولىپ، ەلىمىز قوعامىنداعى باستى قايشىلىقتىڭ وزگەرىسىن قاداعالاپ، جوعارى ساپالى دامۋدىڭ تالابىنا ساي، «بەستى ءبىر تۇلعالاندىرۋ» تۇلعالىق ورنالاستىرۋىن ءبىر تۇتاس جوسپارلاي العا ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى العا ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جوسپارلاي العا ىلگەرىلەتىپ، رەفورما جاساپ، ەسىك اشۋدى زور كۇشپەن جەبەپ، ماكرولىق رەتتەۋ - مەڭگەرۋدى جاڭالاپ جانە كەمەلدەندىرىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن العا ىلگەرىلەتىپ، ۇلكەن حاۋىپ - قاتەرلەردەن ساقتانۋدان، ونى جويۋدان، كەدەيلىكتەن دالمە - ءدال قۇتىلدىرۋدان، لاستانۋدان ساقتانۋ - جونگە سالۋدان قامال الۋ شايقاسىن تىڭعىلىقتى جۇرگىزۋ جاعىندا تياناقتى ىلگەرىلەۋشىلىككە قول جەتكىزىپ، مەجەگە جەتەكشىلىك ەتىپ جانە ونى ورنىقتىرىپ، حالىق تۇرمىسىن كۇشەيتىپ جانە جاقسارتىپ، ەكونوميكانىڭ، قوعامنىڭ ۇزبەي، اقاۋسىز دامۋىن جەبەپ، قوعامدىق جالپى جاعدايدىڭ باياندى جاراسىمدىلىعىن، ورنىقتىلىعىن قورعاۋ.
وسى باس تالاپتى ءداپ باسىپ يگەرۋ بيىلعى ەكونوميكالىق قىزمەتتى جاقسى ىستەۋدە كەلەلى ماڭىزعا يە. سول ءۇشىن، ءبىز، ءسوز جوق، نەگىزگى پرينسيپتى يگەرۋىمىز كەرەك.
ەكونوميكالىق قىزمەتتىڭ باس تالابىن ءداپ باسىپ يگەرۋ ءۇشىن، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباۋ كەرەك. ورنىقتىلىق بارىسىندا ىلگەرىلەۋ قىزمەت نەگىزگى اۋەنى − ەكونوميكالىق قىزمەتتى جاقسى ىستەۋدىڭ ادىستەمەسى، ەل باسقارۋدىڭ ماڭىزدى پرينسيبى. «ورنىقتىلىق» پەن «ىلگەرىلەۋ» ديالەكتيكالىق بىرلىككە يە، ونى ءبىر تۇتاس تۇلعا رەتىندە يگەرۋ كەرەك. ورنىقتىرۋعا تيىستىلەرىن ورنىقتىرىپ، ىلگەرىلەتۋگە تيىستىلەرىن ىلگەرىلەتىپ، قىزمەت ريتىمى مەن سەرپىنىن ويداعىداي يگەرۋ كەرەك، كەرەناۋلىقپەن توتەپ بەرۋگە، العا تالپىنباي قويۋعا بولمايدى، قىزبالىقپەن داڭعويلىق ىستەۋگە، بىتىرەم دەپ اسىعۋعا دا بولمايدى. ورنىقتىلىق بارىسىندا ىلگەرىلەۋ، ىلگەرىلەۋ بارىسىندا ابزالدىلىققا ۇمتىلۋ كەرەك.
ەكونوميكالىق قىزمەتتىڭ باس تالابىن ءداپ باسىپ يگەرۋ ءۇشىن، جاڭا دامۋ ۇستانىمىن دايەكتىلەندىرۋگە، تياناقتاندىرۋعا تاباندى بولۋ كەرەك. ءبىز قوعام ورنىقتىلىعى مەن باياندى تىنىشتىقتى كوزدەۋ ءتۇيىنى مەن كۇش سالۋ ءتۇيىنى، دامۋ ساپاسى مەن تيىمدىلىگىن جوعارىلاتۋدى وزەك، حالىق تۇرمىسىن جاقسارتۋدى، حالىق تىلەگىن جۇمىلدىرۋدى ماقسات ەتىپ، ءتىپتى جوعارى ساپالى، ءتىپتى ونىمدىلىككە يە، ءتىپتى ءادىل، ءتىپتى باياندى دامۋدىڭ جۇزەگە اسۋىن ىلگەرىلەتۋىمىز كەرەك.
ەكونوميكالىق قىزمەتتىڭ باس تالابىن ءداپ باسىپ يگەرۋ ءۇشىن، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولۋ كەرەك. قامداۋ جاعىنداعى قۇرىلىمدىق رەفورما جالپى جاعدايعا، ۇزاق بولاشاققا سايادى، جاڭا دامۋ ۇستانىمىن دايەكتىلەندىرۋدە، تياناقتاندىرۋدا، وسىزاماندانعان ەكونوميكالىق جۇيەنى قۇرۋدا، ءسوز جوق، باسىپ وتۋگە ءتيىستى جول. ءبىز قاجەتتى قاناعاتتاندىرۋدى ەڭ سوڭعى نىسانا، قامداۋ ساپاسىن جوعارىلاتۋدى نەگىزگى قامال الۋ بەتالىسى ەتىپ، ەكونوميكالىق دامۋدىڭ «بار ما، جوق پا» دەگەننەن «جاقسى ما، جامان با» دەگەنگە قاراي ويىسۋىن كۇش سالا ىلگەرىلەتىپ، ەكونوميكالىق دامۋدىڭ جاڭا داۋىرگە ءوتۋى مەن جوعارى ساپالى دامۋدىڭ تالابىنا ءتىپتى جاقسى ۇيلەسۋىمىز كەرەك.
ەكونوميكالىق قىزمەتتىڭ باس تالابىن ءداپ باسىپ يگەرۋ ءۇشىن، جاڭالىق اشۋ ارقىلى دامۋعا جەتەكشىلىك ەتۋ كەرەك. جاڭالىق اشۋ دامۋعا جەتەكشىلىك ەتەتىن ءبىرىنشى قوزعاۋشى كۇش، وسىزاماندانعان ەكونوميكالىق جۇيە قۇرۋدىڭ ستراتەگيالىق تىرەگى. ءبىز جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، جاڭالىق اشۋ جۇيەسى مەن ءتۇزىم ورتاسىن كەمەلدەندىرىپ، بازاردىڭ ومىرشەڭدىك كۇشى مەن قوعامنىڭ جاسامپازدىق كۇشىن ۇزدىكسىز جالىنداتىپ، ەكونوميكالىق دامۋدىڭ ىشكى قوزعاۋشى كۇشىن ارتتىرۋىمىز كەرەك.
ەكونوميكالىق قىزمەتتىڭ باس تالابىن ءداپ باسىپ يگەرۋ ءۇشىن، حالىقتى وزەك ەتكەن دامۋ يدەياسىنا تاباندى بولۋ كەرەك. ءبىز حالىقتى وزەك ەتكەن دامۋ يدەياسىن «بەستى ءبىر تۇلعالاندىرۋ» جالپىلىق ورنالاستىرۋىنا جانە «ءتورتتى جاپپاي ورىنداۋ» ستراتەگيالىق ورنالاستىرۋىنا ءسىڭىرىپ، حالىق بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددەلىك ماسەلەلەردى يگەرىپ، ىستەردى جالعاستىرىپ ىستەپ، جىلدان - جىلعا جالعاپ ىستەپ، شينجياڭداعى ءار ۇلت حالقىنىڭ ناقتى دا شىنايى تابىس سەزىمىنە، باقىت سەزىمىنە كەنەلۋىنە مۇمكىندىك جاساۋىمىز كەرەك.
ەكونوميكالىق قىزمەتتىڭ باس تالابىن ءداپ باسىپ يگەرۋ ءۇشىن، باس نىسانانى ءبىر تۇتاس باسشىلىققا الۋعا تاباندى بولۋ كەرەك. اماليات قوعام ورنىقتىلىعى مەن باياندى تىنىشتىق باس نىساناسىنىڭ شينجياڭ قىزمەتىنە جەتەكشىلىك ەتەتىن تۋ جانە باعدار ەكەنىن دالەلدەدى. ءبىز بۇكىل رايون كولەمىندە باس نىسانا تۋىن بيىك جەلبىرەتىپ، باس نىسانانى كوزدەۋ ءتۇيىنى مەن كۇش سالۋ ءتۇيىنى ەتىپ، باس نىسانانى ارقاۋ ەتە وتىرىپ، ەكونوميكانىڭ، قوعامنىڭ دامۋىن جوبالاپ ىلگەرىلەتۋىمىز كەرەك.
ەكونوميكالىق قىزمەتتىڭ باس تالابىن ءداپ باسىپ يگەرىپ، شىنايى يگەرىپ، ناقتاپ ىستەگەندە عانا، شينجياڭنىڭ ەكونوميكاسى مەن قوعامىنىڭ تىڭ ساتىعا كوتەرىلۋىن ىلگەرىلەتە الامىز.
