حابارىن جازعان: گۇلجاننات ءامىر قىزى
بيىل 74 جاسقا كەلگەن لي چىڭ ساۋان اۋدانى بورتىنكو اۋىلى ارالتوبە قىستاعىنىڭ تۇرعىنى، جاسى 70تەن اسقان ول نەمەرەلى - شوبەرەلى بولسا دا، تاياۋ جىلدان بەرى لي چىڭنىڭ تاعى ءبىر قازاق قىزى ونىڭ وتباسىن قۋانىشقا بولەدى. اۋداندىق دامۋ جانە رەفورما كوميتەتىنىڭ كادرى ءاليا مامىربەك قىزى دەمالىس ۋاقىتىنان پايدالانىپ، ءوز قولىمەن جاساعان ۇلتتىق تاعامدارىن الىپ، تۋىسى لي چىڭدى كورۋگە بارادى.
لي چىڭ: ايرىقشا قۋانىپ تۇرمىن، ءاليانى ءوز قىزىمداي كورەمىن، قانداي جۇمىس بولسا دا، وتباسىمىزدا قانداي ءبىر باس قوسۋ وتكىزسەك تە، تەلەفون بەرىپ ونى شاقىرتىپ الامىز، - دەيدى.
ءاليا 2015 - جىلى قىستاققا تۇسكەن كەزدە، لي اتايمەن تانىسىپ، ولارمەن بەلسەندى تۇردە ءوزارا تۋىستىق قاتىناس ورناتقانىن، ول تۇڭعىش رەت لي اتايدىڭ ۇيىنە بارعان كەزدە، ونىڭ ايتقان ءبىر اۋىز ءسوزى ءوزىن ەرەكشە اسەرلەندىرگەنىن، وسى ءبىر اۋىز ءسوز ەسىنەن ماڭگى كەتپەيتىندىگىن ايتتى. ءاليا مامىربەك قىزى: مەن لي اتايدىڭ ۇيىنە بارعان كەزدە، ول ءبىزدىڭ بۇل تۋىستىق قاتىناس ورناتۋىمىزدا «مەن سەنى ءوزىمنىڭ 6 - قىزىمداي كورەمىن» دەدى. سول كەزدە مەن ايرىقشا قۋاندىم، ويتكەنى اكەم قايتىس بولىپ كەتكەندىكتەن، مەن اكەم جانىما قايتىپ كەلگەندەي سەزىمگە بولەندىم، - دەيدى.
اس ۇيدە لي اتاي تۇسكى اس ازىرلەپ جاتقاندا، ءاليا لي اتايعا كومەكتەسە ءجۇرىپ، اڭگىمە شەرتتى. تۇسكى استان كەيىن، لي اتاي ءاليانى ەرتىپ، شىحىزىدا دۇكەن اشاتىن 2 اپەكەسىن كورۋگە اپاردى. لي اتاي ءاليانى ءوز قىزىنداي كورىپ، ونىڭ ءومىر بويى باقىتتى بولۋىنا تىلەۋلەستىك ءبىلدىردى. لي چىڭ: بالالارىمىزدىڭ قىزمەتتى ويداعىداي جاقسى ىستەپ، ءوزارا بەرەكەلى بولىپ، اتا - انانىڭ ءۇمىتىن اقتاۋىن تىلەيمىن، - دەيدى.
«ۇلتتار ىنتىماعىنىڭ بەرەكەلى شاڭىراعى» قيمىلى بەيتانىس ەكى وتباسىنىڭ ادامدارىن ءوزارا توعىستىرىپ، ىشتەستىرىپ، تەرەڭ سۇيىسپەنشىلىككە بولەدى. ءاليا مامىربەك قىزى: وتانىمىز كوپ ۇلتتان قۇرالعان ۇلى شاڭىراق، ءبىز ۇلتتار ىنتىماعىن قورعاپ، ۇلتتار ارا قارىم - قاتىناستى جاقسارتۋىمىز كەرەك. ءبىز دە وسى ۇلى شاڭىراقتىڭ ءبىر مۇشەسى بولۋ تۇرعىسىنان، قازىرگى باقىتتى تۇرمىستى قاستەرلەپ، قوعامدى جاراسىمدى دا ىنتىماقتى ەتىپ قۇرىپ شىعۋ ءۇشىن ءتيىستى ۇلەس قوسۋعا كۇش سالۋىمىز كەرەك، - دەدى.
