− ءتوراعا شي جينپيڭنىڭ 2018 - جاڭا جىلدى قۇتتىقتاۋ سوزىنەن تۋعان وي (5)
«جۇڭگونىڭ توپتاعان تاجىريبەسى مەن اقىل - پاراساتى دۇنيە جۇزىلىك سيپات العان ماسەلەلەردى شەشە الادى»، «جۇڭگونىڭ الاۋلاعان جاڭالىق اشۋ ومىرشەڭدىك كۇشى قۇلشىنىستىڭ ارقاسىندا قولعا كەلگەن»... ءتوراعا شي جينپيڭنىڭ 2018 - جاڭا جىلدى قۇتتىقتاۋ ءسوزى حالىقارالىق قوعامدا كۇشتى اڭىس قوزعاپ، جۇڭگونىڭ دۇنيە جۇزىندەگى ىقپال كۇشىن، باۋرامپازدىعىن تولىق ايگىلەدى.
«جۇڭگو حالقى ءار ەل حالقىمەن بىرگە ادامزاتتىڭ اناعۇرلىم گۇلدەنىپ - كوركەيگەن، اناعۇرلىم تىنىش تاماشا بولاشاعىنا جول اشادى»، ءتوراعا شي جينپيڭنىڭ 2018 - جاڭا جىلدى قۇتتىقتاۋ ءسوزى بۇكىل دۇنيە جۇزىنە جۇڭگونىڭ ايقىن تانىستىرماسىن، ياعني دۇنيە ءجۇزى بەيبىتشىلىگىنىڭ قۇرۋشىسى، جاھاندىق دامۋعا ۇلەس قوسۋشى، حالىقارالىق ءتارتىپتىڭ قورعاۋشىسى ەكەندىگىن تاعى ءبىر رەت جەتكىزدى. اسقاق ارمان، ايبىندى ۋادەگە جۇڭگونىڭ قۇن سەنىمى سىڭىرىلگەن، ول كوممۋنيستەردىڭ بورىشى مەن جاۋاپكەرلىگىن بەينەلەدى، ءتوراعا شي جينپيڭنىڭ ءىرى ەلدىڭ كوسەمى بولۋداي الەمدىك كوز اياسىن جانە تەلەگەي پەيىلىن ايگىلەدى.
الەمدەگى 2 - ءىرى ەكونوميكالىق تۇلعا رەتىندە، جۇڭگو ءوزى ارقالاعان جاۋاپكەرلىكتى تولىق بىلەدى. كۇللى الەمدىك ارتۋعا وڭ ەنەرگيا ۇستەپ، دۇنيە جۇزىندەگى ەلدەرمەن بىرگە «قۇلدىراۋعا بەت العان الەم ەكونوميكاسىن قايتادان ورنىقتىرىپ، قايتا گۇلدەنۋ ارناسىنا ءتۇسىردى»؛ الەم ەكونوميكاسىنا قۇشاق اشىپ، ەكونوميكانىڭ جاھاندانۋىنىڭ باتىل قورعاۋشىسى بولا ءبىلدى؛ تار ايادا اينالسوقتاماي، «دوستار شەڭبەرىن» كەڭەيتىپ، «ءبىر بەلدەۋ، ءبىر جولدىڭ» حالىقارالىق الەۋمەتتىك ءونىم سىندى قاسيەتىن كوتەردى؛ جالپى 36 مىڭنان استام ادام - رەت بەيبىتشىلىكتى قورعاۋشى كۇشتەرىن جىبەرىپ، جۇڭگو جاۋاپكەرلىگىمەن الەمنىڭ بەيبىتشىلىگىن قورعادى... «جۇڭگو ناعىز كوشباسشىعا اينالدى»، جاۋاپكەرلىكتى ءىرى ەل رەتىندە، جاڭا داۋىردەگى جۇڭگو الەمگە شىت جاڭا بەينە تانىتتى.
19 - قۇرىلتايدان كەيىن، ءتوراعا شي جينپيڭ ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىنداعى ارقاۋ سوزىندە بۇكىل الەمگە جۇڭگونىڭ «جاڭاشا حالىقارالىق قاتىناستىڭ ورناۋىن ىلگەرىلەتۋدىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جاڭا جورىعىن» جاريالادى. APEC بەيجيڭ ءماجىلىسى، 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋى، «ءبىر بەلدەۋ، ءبىر جول» حالىقارالىق ىنتىماقتاستىق جوعارى دارەجەلى باسشىلار تالقى مىنبەرى... جاقىنعى جىلداردان بەرى، جۇڭگو بۇكىل الەمنىڭ دامۋىنا جەتەكشىلىك ەتەتىن نەگىزگى كۇشكە اينالدى، ونىڭ ادامزاتتىڭ تاعدىرلاس ورتاق تۇلعاسىن قۇرۋ ۇستانىمى كەڭ ورتاق تانىمدى ۇيىستىردى. «اسپان استى ءبىر شاڭىراق»، «جەر ءجۇزى حالىق ءۇشىن» دەلىنەتىن بولسا، كەدەيلىككە، ادىلەتسىزدىككە، لاستانۋعا سايىس جاريالاۋ − بار ەلدىڭ ءبىر جاعادان باس، ءبىر جەڭنەن قول شىعارىپ، ورتاق ءدوپ كەلگەن ماسەلەلەردى شەشىپ، اناعۇرلىم تاماشا بولاشاققا جول الۋىن قاجەت ەتەدى.
كەزەكتە، دۇنيە ءجۇزى 100 جىلدا ءبىر كەزىگەتىن زور وزگەرىسكە ءدوپ كەلدى، ەكونوميكانىڭ قايتا گۇلدەنۋى ءالى دە قيىنداۋ، تەحنيكالىق توڭكەرىس ۇشقان قۇستاي زىمىراۋدا، كەزدەيسوق حاۋىپ - قاتەرلەر ءالى دە ساقتالۋدا، ءار جاق ادامزاتتىڭ بەيبىتشىلىك جانە دامۋ بولاشاعىنا ءۇمىت ارتۋدا، الاڭداۋشىلىقتارى دا جوق ەمەس. حالىقاراداعى «بىلىقپالىق» پەن جۇڭگونىڭ «جونگە سالۋى» − جۇڭگو جوباسىنىڭ يكەمدىلىگىن، جۇڭگو ۇستانىمىنىڭ قۇندىلىعىن اڭعارتتى.
40 جىل رەفورما جاساۋ، ەسىك اشۋ ارقىلى مۇعجيزا جاراتقان جۇڭگو «ەكونوميكانىڭ دامۋىنداعى پايدانى» بۇكىل دۇنيە جۇزىمەن بىرگە ءبولىسىپ عانا قالماستان، ءتىپتى دە جوعارى ورەدەگى «يدەيالىق ۇستانىمىنىڭ پايداسىنان» دا بىرگە يگىلىكتەنە باستادى. جۇڭگو شەتەلدەردىڭ ۇلگىسىن «ەنگىزبەيدى»، جۇڭگو ۇلگىسىن دە سىرتقا «شىعارمايدى»، وزگە ەلدەردەن دە جۇڭگو ادىسىنە «ەلىكتەۋىن» تالاپ ەتپەيدى، قايتا ءوز امالياتىن تەرەڭدەتىپ، ادامزات قوعامىنىڭ دامۋ زاڭدىلىعىنا ىزدەنىس جاساپ، دۇنيە ءجۇزىنىڭ بەيبىتشىلىگى مەن تىنىشتىعىنا، بىرگە دامۋىنا، مادەنيەت بارىس - كەلىسىنە بۇرىنعىداي ۇلەس قوسا بەرەدى.
بىزدە ءبىر عانا جەر شارى بار، بۇل بۇكىل الەمدەگى بارلىق حالىقتىڭ ورتاق مەكەنى، ول 7 ميللياردتان استام ادامنىڭ بىرگە قورعاۋىن قاجەت ەتەدى. ادامزاتتىڭ تاعدىرلاس ورتاق تۇلعاسىنا بارار جولدا، جۇڭگونىڭ كۇرەسى جۇڭگونىڭ تاعدىرىن وزگەرتتى؛ جۇڭگونىڭ جولى الدا دۇنيە جۇزىنە باعىت نۇسقاپ، ادامزاتتىڭ اناعۇرلىم گۇلدەنىپ - كوركەيگەن، ءتىپتى تىنىش تاماشا بولاشاعىنا جول اشاتىندىعى ءشۇباسىز.
