ءتىلشىمىز ازات ءيۇسىپجان
2017 - جىلى 18 - جەلتوقساندا قاشقار جاڭاءشار اۋدانى ەرمۇدۇن اۋىلى وستەڭبويى قىستاعىنىڭ تۇرعىنى تۇرسىنحان سۇپىرگى اجەيدىڭ ءۇيى دۋمانعا بولەندى. قاشقار جاڭاءشار اۋدانى ۇيعۇر ەمشىلىگى شيپاحاناسىنىڭ سەستىراسى جاميلاگۇل ابدرەيىم مەن قىزمەتتەستەرى تۇرسىنحان اجەيمەن بىرگە شاي ءىشىپ اڭگىمە دۇكەنىن قۇردى. 66 جاستاعى تۇرسىنحان اجەي: مىنا 4 قىزىم ۇيگە كەلىپ تۇرعاننان بەرى، ءۇيىمىز دۋمانعا بولەندى، ولار ءوز قىزىمداي ءار كۇنى تاڭ اتپاي تۇرىپ، ءۇي ءىشىن رەتتەپ، اۋلانى تازالاپ، ەگىس جۇمىسىنا كومەكتەسىپ، تاماق جاساسادى. ماعان قارايلاسۋمەن بىرگە، قىستاق تۇرعىندارى ناۋقاستانسا دەرەۋ بارىپ ءدارى بەرىپ ەمدەيدى، - دەدى.
اۆتونوميالى رايون ۇلتتار ىنتىماعى «تۋىستاسۋ اپتالىعى» قيمىلىن ورىستەتكەننەن بەرى، قاشقار جاڭاءشار اۋدانى ۇيعۇر ەمشىلىگى شيپاحاناسىنداعى كادر - قىزمەتكەرلەر تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنىپ، كەدەيلەردى سۇيەمەلدەۋ جوسپارىن جاساپ، بۇدان كەيىنگى دامۋ جولىن قاراستىردى، سونداي - اق ءوز قىزمەتىنە بىرلەستىرىپ قىستاق تۇرعىندارىنىڭ دەنساۋلىعىن تەكسەردى، ۇدايى شالدىعاتىن ناۋقاستاردان، سوزىلمالى ناۋقاستاردان ساقتانۋ بىلىمدەرىن ۇگىتتەدى. «تۋىستاسۋ اپتالىعى» قيمىلى ورىستەتىلگەننەن بەرى، بۇل شيپاحانا وستەڭبويى قىستاعىنداعى 150 وتباسىنا اقىسىز ءدارى - دارمەك تاراتتى. جاميلاگۇل: تۋىسىمىزبەن بىرگە تۇرىپ، ارامىزداعى تۋىستىق سەزىمدى ارتتىرۋمەن بىرگە، قىزمەتتەستەر ارا دوستىعىمىز دا تەرەڭدەدى، ءار كۇنىم ءماندى وتۋدە، - دەدى.
