تيانشان تورى
تيانشان تورى   ›   ۇيرەنۋ   ›   شولۋ

ەكونوميكانى ساپالى دامىتۋعا پارمەندى كەپىلدىك ەتەيىك

  − اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى (4)

شينجياڭ گازەتىنىڭ شولۋشىسى

  اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى 2017 - جىلعى ەكونوميكالىق قىزمەتتى جان - جاقتىلى قورىتىندىلاپ، 2018 - جىلعى ەكونوميكالىق قىزمەتتىڭ نىساناسىن، مىندەتتەرىن ايقىندادى. ءبىزدىڭ ەندىگى ىستەيتىنىمىز ءماجىلىستىڭ رۋحىن ىشكەرىلەي دايەكتىلەندىرىپ، تياناقتاندىرىپ، باسشىلىقتى كۇشەيتىپ، تياناقتاندىرۋدى مىقتى يگەرىپ، ەكونوميكانى ساپالى دامىتۋعا پارمەندى كەپىلدىك ەتۋ بولىپ تابىلادى.

  2018 - جىلعى ەكونوميكالىق قىزمەتتى ويداعىداي ىستەۋدە، ەڭ اۋەلى، پارتيانىڭ باسشىلىعىن كۇشەيتۋ كەرەك. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن باسىمدىعى. «پارتيا، ۇكىمەت، ارميا، حالىقتىق ۇيىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى» . ءبىز پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋىمىز كەرەك. ءار دارەجەلى پارتكومدار مەن ۇكىمەتتەر «4 تانىمدى» شىنايى كۇشەيتىپ، ساياسي سانالىلىقتى، يدەيالىق سانالىلىقتى جانە ارەكەت سانالىلىعىن جوعارىلاتىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك؛ پارتيانىڭ ەكونوميكالىق قىزمەتكە باسشىلىعىن شىنايى كۇشەيتىپ، ەكونوميكالىق قىزمەتكە باسشىلىق ەتۋ مەحانيزمىن ونان ارى كەمەلدەندىرىپ، پارتيانىڭ ساياسي باسىمدىعىن، ۇيىمدىق باسىمدىعىن دامۋ باسىمدىعىنا اينالدىرىپ، ەكونوميكانىڭ ءۇرتىس، اقاۋسىز دامۋىن ىلگەرىلەتۋىمىز كەرەك.

  2018 - جىلعى ەكونوميكالىق قىزمەتتى ويداعىداي ىستەۋ ءۇشىن، قابىلەتتى جەتىلدىرۋ كەرەك. ۇيرەنۋدى، امالياتتا ايگىلەۋدى كۇشەيتۋ كەرەك. جۇڭگوشا سوتسياليزم جاڭا داۋىرگە ءوتتى، ەلىمىزدىڭ ەكونوميكالىق دامۋى دا جاڭا داۋىرگە ءوتتى، ەلىمىز ەكونوميكاسىنىڭ جىلدام ارتۋ كەزەڭىنەن ساپالى دامۋ كەزەڭىنە ءوتۋى مۇنىڭ نەگىزگى ەرەكشەلىگى سانالادى. شي جينپيڭنىڭ جاڭا ءداۋىر جۇڭگوشا سوتسياليزم ەكونوميكالىق يدەياسىن جەتە ۇيرەنىپ، جەتە يگەرىپ، كاسىپتىك قابىلەت، كاسىپتىك رۋح جەتىلدىرۋگە ءمان بەرگەندە عانا، كادرلار قوسىنىنىڭ جاڭا داۋىردەگى جۇڭگوشا سوتسياليزمنىڭ دامۋ تالابىنا ۇيلەسۋ قابىلەتىن كۇشەيتۋگە بولادى. تەكسەرۋ - زەرتتەۋدى كۇشەيتۋ كەرەك. امالياتقا، نەگىزگى ساتىعا، ءبىرىنشى شەپكە تەرەڭ بويلاپ، جاڭا احۋالداردى، تىڭ ماسەلەلەردى دەر كەزىندە يەلەپ وتىرعاندا عانا، ناقتى ماسەلەنى شەشۋگە، جاسالعان شەشىمدەردىڭ، شىعارىلعان ساياساتتاردىڭ، قولدانىلعان شارالاردىڭ ەكونوميكانىڭ زاڭدىلىعىنا، حالىقتىڭ ارمان - تىلەگىنە ۇيلەسۋىنە كەپىلدىك ەتۋگە بولادى. ءبىر تۇتاس جوسپارلاۋدى، سايكەستىرۋدى كۇشەيتۋ كەرەك. ءار دارەجەلى باسشى كادرلار، وتە - موتە، پارتيا، ۇكىمەت ورىندارىنداعى ءبىرىنشى باسشىلار ءبىر تۇتاس جوسپارلاپ، جاپپاي ءمان بەرۋگە نازار اۋدارىپ، باستى قايشىلىق پەن قايشىلىقتىڭ باستى جاعىن شەبەرلىكپەن يگەرىپ، مەڭگەرۋگە شەبەر بولۋى، ەكونوميكالىق قىزمەتكە ويداعىداي باسشىلىق ەتۋمەن بىرگە، ناقتى قىزمەتتى دە ايتارلىقتاي ىستەي الاتىن، ىلگەرىلەتەتىن بولۋى كەرەك.

  2018 - جىلعى ەكونوميكالىق قىزمەتتى ويداعىداي ىستەۋدىڭ تەتىگى − تياناقتاندىرۋدى جەبەۋدە. ورنالاستىرۋ جاسالعان ەكەن، تياناقتاندىرۋدى مىقتاپ يگەرۋ كەرەك. قىزمەت ىستەگەندە ءماجىلىستى ماجىلىسپەن دايەكتىلەندىرۋگە، حۇجاتتى حۇجاتپەن تياناقتاندىرۋعا، ساياسات - شارالاردى «قۇر قاڭقاعا» اينالدىرۋعا، قول ۇشىمەن ىستەپ، اياقسىز قالدىرۋعا استە بولمايدى. ىرىقتىلىقپەن ناتيجە جاراتىپ، شىنايى يگەرىپ، ناقتاپ ىستەپ، قۇلشىنا ءىس تىندىرىپ، امالياتپەن ۇشتاستىرا وتىرىپ جاسامپازدىقپەن ىستەۋ، قىزمەتتى ءبىر - بىرلەپ ىلگەرىلەتىپ، ءبىر بۋىن - ءبىر بۋىننان مىقتى ۇستاپ، ماسەلەلەردى ءبىر - بىرلەپ شەشۋ كەرەك، وسىلاي ىستەگەندە عانا، ءتۇرلى شەشىمدەردىڭ، ورنالاستىرۋلاردىڭ پارمەندى تياناقتانۋىنا، تامىر تارتىپ وركەن جايۋىنا، ناقتى ونىمدىلىككە قول جەتكىزىنە كەپىلدىك ەتۋگە بولادى. ستيلدى جاقسارتىپ، ورتانى ساپالىلاندىرۋ كەرەك. ەكونوميكانىڭ ساپالى دامۋىن ىلگەرىلەتۋدى، ءسوز جوق، تاماشا ستيلمەن قامتاماسىز ەتۋ كەرەك، «ۇكىمەت ورىندارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت ەتۋدى ساپالىلاندىرۋ» رەفورماسىن ۇزدىكسىز تەرەڭدەتىپ، قىزمەت ەتۋشى ۇكىمەت، قىزمەت ەتۋشى ورگان قۇرۋدى ىلگەرىلەتىپ، باس نىسانانى ىسكە اسىرىپ، ەكونوميكالىق، قوعامدىق دامۋعا تاماشا ورتا ازىرلەۋ كەرەك. باقىلاۋ - تەكسەرۋدى كۇشەيتىپ، سيلاۋ - جازالاۋدى تياناقتاندىرۋ كەرەك. قىسىمدى ساتى - ساتى بويىنشا جەتكىزىپ، جاۋاپكەرشىلىكتى ساتى - ساتى بويىنشا تياناقتاندىرعاندا عانا، ءتۇرلى قىزمەتتەردە ورنالاستىرۋ، قۋزاۋ، تياناقتاندىرۋ بولۋعا كەپىلدىك ەتۋگە، شىنايى اتقارۋعا كەپىلدىك ەتۋگە بولادى.
 ءبىز العان بەتىمىزدەن قايتپاي، تاۋ قوپارىپ، تەڭىز قوتاراتىن قايراتقا كەلىپ، تابانداپ ىستەيتىن، شىندىققا جۇگىنىپ، ناقتى ىستەر تىندىراتىن ستيلدى ساۋلەلەندىرىپ، بيىلعى ەكونوميكالىق قىزمەتتە جاقسى باستاما جاراتىپ، العاشقى قادامدى ءساتتى باسۋعا، ۇزدىكسىز، اقاۋسىز دامۋعا كەپىلدىك ەتىپ، جاپپاي دوڭگەلەك داۋلەتتى قوعام ورناتۋعا بەرىك نەگىز قالاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جاساۋىمىز كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.