وڭىرلىك ىنتىماقتاستىقتى كۇشەيتىپ، ءوزارا تۇتاستىرۋدى بىرگە جەبەدى
9 - قاڭتاردا چىڭدۋ ەركىن ساۋدا سىناق رايونىنداعى ءۇرىمجى ىنتىماقتاستىق اۋىس - كۇيىس ماجىلىسىندە چىڭدۋ قالاسى ءۇرىمجى قالاسىمەن شەكارادان كىرۋ - شىعۋدى تەكسەرۋ - كارانتيندەۋ سياقتى سالالار بويىنشا كوپ ءتۇرلى ىنتىماقتاستىق كەلىسىمىنە قول قويىسىپ، ەكى جەردىڭ ءوزارا تۇتاسۋىن بىرگە جەبەپ، سىرتقا ەسىك اشۋدىڭ جاعدايىن بىرگە جاراتتى. بۇل − چىڭدۋ ەركىن ساۋدا سىناق رايونىنىڭ بيىلعى «سىرتقا شىعۋدى» تانىستىرۋىنىڭ العاشقى بەكەتى.
تانىستىرۋعا قاراعاندا، 2013 - جىلى چىڭدۋ - ەۆروپا تەز قارقىندى تەمىر جولىنىڭ قاتىناۋى تاراپتاردىڭ ىشكەرىلەي ىنتىماقتاسا دامۋىنىڭ شىمىلدىعىن اشقان. 2017 - جىلى 20 - جەلتوقساندا ءۇرىمجى جينالۋ ورتالىعى «چىڭدۋ - ءۇرىمجى - تيلبۋرگ» جينالۋ، تاسىمالداۋ بويىنشا جۇڭگو - ەۆروپا كەزەكتى پويەزىن العاش سىناق رەتىندە اتتاندىرىپ، ەكى جاقتىڭ ەكونوميكا، ساۋدا، زات اينالىمى سياقتى جاقتارىنداعى ىنتىماقتاستىعىن ونان ارى جەدەلدەتتى.
كەزەكتە، چىڭدۋ حالىقارالىق تەمىر جول پورتىن باسقارۋ كوميتەتى چىڭدۋ كەدەنىمەن، ءۇرىمجى كەدەنىمەن جۇڭگو - ەۆروپا كەزەكتى پويەزىنىڭ (چىڭدۋ - ەۆروپا تەز پويەزى) ۇرىمجىدە جينالۋ، تاسىمالداۋ سىندى جاڭاشا تاسىمال ءتاسىلىن ورىستەتۋدى بىرگە زەرتتەپ، چىڭدۋ مەن ءۇرىمجىنىڭ كاسىپ سالاسى بويىنشا سەلبەسىپ، بىرگە يگىلىككە كەنەلە دامۋىن پارمەندى جەدەلدەتتى.
ءۇرىمجى قالالىق حالىق ۇكىمەتىنىڭ ورىنباسار باس حاتشىسى لي يانجۇن بىلاي دەدى: جۇڭگو - ەۆروپا كەزەكتى پويەزىن (چىڭدۋ - ەۆروپا تەز پويەزى) جونەلتۋ جۇمىسى قارقىندى ءجۇرىلدى، بىلتىر 1000نان استام كەزەكتى پويەز جونەلتىلىپ، بۇكىل ەل بويىنشا جۇڭگو - ەۆروپا كەزەكتى پويەزىن جونەلتۋدە اعالاپ العا شىقتى، كەزەكتى پويەز جونەلتۋدىڭ مول تاجىريبەسى بار. ەكى جەردىڭ قول ۇستاسىپ، شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىنا تەڭ ۇلەس قوسۋىن ءۇمىت ەتەمىز.
بۇدان تىس، چىڭدۋ حالىقارالىق تەمىر جول پورتىن باسقارۋ كوميتەتى ءۇرىمجى ەكونوميكالىق، تەحنيكالىق اشۋ رايونىمەن ىنتىماقتاستىق اۋىس - كۇيىس ءتۇزىمىن ورناتىپ، جۇڭگو - ەۆروپا كەزەكتى پويەزىنىڭ جينالۋىن - تاسىمالداۋىن، ساۋدا، ءوندىرىس قۋاتى جاعىنداعى سەلبەستىگىن كۇشەيتۋ، ەركىن ساۋدا رايونى ىقپالداستىق سىناعىن جانە دارىندىلار اۋىس - كۇيىسىن كۇشەيتۋ سياقتى جاقتاردا ىنتىماقتاستىق كەلىسىمىنە قول قويىستى. ساۋدا، ءوندىرىس قۋاتى ىنتىماقتاستىعى جاعىندا ەكى جاق «چىڭدۋ - ءۇرىمجى كاسىپ سالاسى بويىشا سەلبەسۋ باقشا رايونىن» بىرگە قۇرۋدى ورتاعا قويىپ، چىڭدۋ حالىقارالىق تەمىر جول پورتى مەن ءۇرىمجى حالىقارالىق قۇرلىق پورتىندا ماڭدايشالىق اسىپ، بايلىقتاردى ۇشتاستىرۋ، ينفورماتسيالاردى بىرگە يگىلىكتەنۋ سياقتى تاسىلدەر ارقىلى ەكى جەردىڭ باسىم ءوندىرىس قۋاتى جاعىنداعى ىنتىماقتاستىقتى جەبەدى.
