الدار كوكسەگەن ۇلى، باعيگۇل قامەت قىزى حابارلايدى. كوڭىلدى ورتا، كوركەم تابيعاتتان ءلاززات الۋ ادامداردىڭ كۇن سايىن تالعامىنا اينالىپ وتىرعان بۇگىنگى تاڭدا، موري قازاق اۆتونوميالى اۋدانى اۋدان حالقى مەن توڭىرەكتىڭ ءتورت بۇرىشىنان كەلەتىن ساياحاتشىلاردىڭ قاجەتىن قاناعاتتاندىرۋ ءۇشىن موريدى روزا مەكەنىنە اينالدىرعا قۇلشىنۋدا.
وتكەن ءبىر جىلدا بۇل اۋدان ءبىر ميلليارد 500 ميلليون يۋان قارجى قوسىپ، روزا گۇلى بازاسىن قالاشىق سەنترىنە ورنالاسقان قازاق اۋىلى سالت - سانا باقشاسىنا ورنالاستىرىپ، بۇكىل مەملەكەت بويىنشا قازاق سالت - سانا مادەنيەتى مەن روزانى تاقىرىپ ەتكەن 5A دارەجەلى ساياحات شاعىن قالاشىعىن قۇرۋعا نەگىز قالادى. قازىر بۇل باقشاداعى روزا ەگىلگەن جەر اۋماعى 540 مۋعا جەتىپ، باقشانىڭ سۋ، توك جولى قاتارلى قۇرىلىستارىن قاۋىرت جۇرگىزۋدە.
بيىلعى جوبادا بۇل باقشاعا 10 مىڭ شارشى مەترلىك زەردەلى جىلىجاي، 10 ورىننان 1800 شارشى مەترلىك كۇن نۇرى جىلىجاي، بۇرىنعى بار 117 جىلىجايدى جاڭالاۋ جانە 32 كيلومەتر جولعا اسفاليت جاتقىزۋ، 1500 مۋ جەرگە روزا ەگۋ، 5000 شارشى مەترلىك ساياحاتشىلارعا قىزمەت وتەۋ ورتالعىن جاڭادان سالۋ، روزا ونىمدەرىن زەرتتەۋ، مانەرلەۋ بازاسى قاتارلى نىسانداردى قولعا الدى.
بۇل نىسان جۇزەگە اسقان سوڭ، روزا ونىمدەرىن مانەرلەۋ، ساتۋ، ساياحاتتاۋ، قوناق قابىلداۋ، نەكە سالتىن وتكىزۋگە قىزمەت وتەۋدەن جىلىنا 100 مىڭ ساياحاتشى قابىلدانىپ، بۇدان كىرگەن كىرىس 22 ميلليون 500 مىڭ يۋانعا جەتەدى.
تىلشىلەردىڭ قىزمەت ورنى: موري قازاق اۆتونوميالى اۋداندىق پارتيا مەكتەبى
موري قازاق اۆتونوميالى اۋداندىق حالىق ىستەرى مەكەمەسى
