ەرگۇل مۇقاتاي قىزى حابارلايدى. تاياۋدان بەرى تەمپەراتۋرانىڭ تومەندەۋىنە بايلانىستى، شاۋەشەك قالالىق ءتارتىپ تەكسەرۋ كوميتەتىنەن قاراقاباق اۋىلى كەنجەباي قىستاعىنا تۇسكەن قىزمەت اترەتى، قىستاق «ەكى كوميتەتى» قىزمەت اترەتىن جىبەرگەن ورىنمەن بىرلەسىپ، قىستاقتاعى «ءتورت قارتتىڭ»، كىرىسى تومەن وتباسىلارىنىڭ، قيىنشىلىعى اۋىر بۇقارانىڭ حال - جاعدايىن، جاقىننان بەرگى ءوندىرىس - تۇرمىس جاعدايلارىن ۇعىسىپ، ولاردىڭ قىس قىرىنان قىسىلماي وتۋىنە كومەكتەسىپ، پارتيانىڭ مەيىر - شاپاعاتىن جەتكىزدى ءارى كۇرىش، ۇن، ماي قاتارلى حال سۇراۋ بۇيىمدارىن جەتكىزىپ مەيىر باعىشتادى.
قىستاق «ەكى كوميتەتى» مەن قىزمەت اترەتىندەگىلەر ۇزاق جىل اۋىرعان، ءال - اۋقاتى تومەن ءۇمىتتىڭ وتباسىنا كەلىپ، قارتتىڭ دەنساۋلىق جاعدايىن ۇعىستى. ءۇمىت: «قازىر تيىمدىلىك كوپ، شيپاحاناعا جاتىپ ەمدەلسەك تە ەسەپتەن كوتەرىپ، قيىنشىلىعىمىزدى شەشىم ەتۋدە، قىستاقتا تۇراتىن قىزمەت اترەتى مەن قىستاق «ەكى كوميتەتى» ۇنەمى مەنىڭ جاعدايىمدى ۇعىسىپ، حال سۇراپ كەلىپ تۇرادى، كوپشىلىككە راقىمەت، مەنىڭ دەنساۋلىعىمنىڭ جاقسارىپ كەتەتىنىنە سەنەمىن»،-دەدى.
قىزمەت اترەتىن جىبەرگەن ورىننىڭ باسشىلارى تاعى دا «ءتورت قارت» ما دىڭشياۋ وتباسىنا بارىپ، ولاردىڭ ءوندىرىس - تۇرمىس جاعدايىنان حابار الىپ، قارتتىڭ جاعدايىن ۇعىستى.
بۇل رەتكى حال سۇراۋ قيمىلىندا «ءتورت قارتتىڭ»، كىرىسى تومەن وتباسىلارىنىڭ، قيىنشىلىعى اۋىر وتباسىلارىنىڭ حال - جاعدايىن ۇعىستى ءارى ءاربىر وتباسىنا حال سۇراۋ بۇيىمدارىن تاراتتى.
ءتىلشىنىڭ قىزمەت ورنى: شاۋەشەك قالالىق «ۇعىسۋ، تيىمدىلىك جاساۋ، توعىستىرۋ» قىزمەت كەڭسەسى