5-قاڭتار كۇنى، ءتىلشىنىڭ شيحۋ قالالىق 2-ورتا مەكتەپتەن ۇعىسۋىنشا، بۇل مەكتەپتىڭ وقۋشىسى ابدۇقايىم شيرحان جۋىردا جۇڭگو فۋتبول سپورت ينستيتۋتىنىڭ تاڭداۋ سىناعىنان وتكەن، الدا جۇڭگو فۋتبول سپورتى ينستيتۋتىنىڭ چينحۋاڭداۋ مەكتەپ رايونىنا بارىپ جۇيەلى دە ارناۋلى كاسىپتىك تۇردە فۋتبول جاتتىعۋىن جۇرگىزەدى.
ۇعىسۋعا قاراعاندا،جۇڭگو فۋتبول سپورت ينستيتۋتى — جوعارى دەڭگەيدەگى فۋتبول شەبەرلەرى، جاتتىقتىرۋشى جانە تورەشىلەردى ءتۇيىن ەتكەن مەملەكەت دارەجەلى فۋتبول تۇرىنەن تاربيەلەيتىن ينستيتۋت، بەلگىلى مەرزىمدە مەملەكەت بويىنشا فۋتبول تالانتىنا جانە كومەسكى قابىلەتكە يە بولعان ەر دارىندىلاردى تاڭدايدى.
جاقىنعى جىلداردان بەرى، شيحۋ قالاسى فۋتبول دەنەتاربيە ىستەرىنىڭ دامۋىنا باسا ٴمان بەرىپ كەلەدى، شيحۋ قالالىق 2-ورتا مەكتەبىنىڭ تولىقسىز ورتا ءبولىمىنىڭ فۋتبول كومانداسى 1998-جىلى قۇرىلعاننان بەرى، كوپتەگەن باستاۋىش-ورتا مەكتەپتەردىڭ فو_ۋتبول جارىسىنا قاتىناسقان، 2017-جىلى تارباعاتاي ايماقتىق فۋتبول جارىسىنىڭ اعا جۇلدەگەرى بولعان.
شيحۋ قالالىق مادەنيەت راديو مەكەمەسى دەنەتاربيە سارايىنىڭ فۋتبول جاتتىقتىرۋشىسى سىمايىل يۇنۇس بىلاي دەدى: «جاقىنعى جىلداردان بەرى، شيحۋ قالاسىنىڭ فۋتبول كومانداسى تارباعاتاي ايماعىندا، اۆتونوميالى رايوندىق جارىستاردا جاقسى ناتيجەلەرگە قول جەتكىزدى، وسى ناتيجەلەردىڭ قولعا كەلۋى شيحۋ قالالىق پارتيا كوميتەتى جانە قالالىق حالىق ۇكىمەتىنىڭ بالالارعا تاماشا ۇيرەنۋ جانە پىكىر الماستىرۋ تەكشەسىن جاراتىپ، ولاردىڭ كوپتەگەن جاتتىعۋ ورايىنان يگىلكتەنىپ، فۋتبول ارمانىن ىسكە اسىرۋىنا كومەكتەستى.
ابدۇقايىم شيرحان ءوزىنىڭ بۇدان كەيىن قۇلشىنىپ، مەكتەپ پەن وقىتۋشىلارىنىڭ ءۇمىتىن اقتايتىندىعىن، جۇڭگو فۋتبول سپورت ينستيتۋتىنىڭ چينحۋاڭداۋ مەكتەپ رايونىنا بارعاننان كەيىن، ءتىپتى دە قۇلشىنىپ، ۇزدىك ناتيجەمەن تۋعان جەرىنە جاۋاپ قايتارتىندىعىن ءبىلدىردى.
