جەڭىسحان اسقار ۇلى، اۋاحان تۇراپ قىزى حابارلايدى. جۇرتتىڭ قيىنشىلىعىن شىنايى شەشىم ەتىپ، حالىق تۇرمىسىن جاقسارتۋعا كۇش سالدى. ايماقتىق سۋ ىستەرى مەكەمەسىنەن سىداۋحىزى قالاشىعى لۇڭكۋ قىستاعىنا تۇسكەن قىزمەت اترەتىندەگى كادرلار، باستان - اقىر بۇقارانىڭ ءىسىن ءبىرىنشى ورىنعا قويىپ، بۇقارانىڭ قيىنشىلىعىن شەشىپ، ناقتى ىستەر ىستەپ، حالىق تۇرمىسىنا قاتىستى ءتيىمدى ساياساتتاردى ءبىر - بىرلەپ اتقارىپ، حالىق ءۇشىن شىنايى قىزمەت وتەپ، ءار ۇلت بۇقاراسىنىڭ ماداقتاۋىنا يە بولدى.
سىداۋحىزى قالاشىعى لۇڭكۋ قىستاعىنا بارا قالساڭىز، كوگىلدىر اسپانعا بوي سوزىپ تۇرعان بيىك سۋ مۇناراسىن كورەسىز، ايماقتىق سۋ ىستەرى مەكەمەسىنىڭ كادرلارى اۆتونوميالى رايوندىق «حالىق تۇرمىسىنا تيىمدىلىك جاساۋ» نىسانىنا ءوتىنىش بەرىپ، قىستاقتىڭ اۋىز سۋ قۇرىلىسىن جاڭادان سالدىرىپ، وتكەن جىلى قازان ايىندا پايدالانۋعا بەرىلىپ، بۇكىل قىستاقتا 24 ساعات بويى اۋىز سۋ توقتاماۋدى جۇزەگە اسىرىپ، اۋىز سۋ تاپشىلىعى تاريحىنا تۇبەگەيلى قوش ايتتى.
بۇقارانىڭ ارامان - تىلەگى، قىستاققا تۇسكەن قىزمەت اترەتىنىڭ تىرىسىپ ىستەۋگە ءتيستى ءىسى. ايماقتىق سۋ ىستەرى مەكەمەسىنەن لۇڭكۋ قىستاعىنا تۇسكەن قىزمەت اترەتىندەگى كادرلار باستان - اياق بۇقارانىڭ ءىسىن ءبىرىنشى ورىنعا قويىپ كەلەدى، وزدەرىن قىستاققا جىبەرگەن ورىننىڭ ابزالدىلىعى مەن وزدەرىنىڭ ابزالدىلىقتارىن ويداعىداي ساۋلەندىرىپ، بەلسەندى تۇردە نىسان قارجىسىنا قول جەتكىزىپ، شامالارىنىڭ كەلىسىنشە قىستاق تۇرعىندارىنىڭ قيىنشىلىقتارىن شەشىم ەتتى. 2017 - جىلى ىلگەرىندى - كەيىندى قىستاق بازا قۇرىلىسى مەن كادرلار اينالىمعا تۇسەتىن ۇيلەرىن كەمەلدەندىردى، 2 ميلليون يۋان نىسان قارجىسىنا قول جەتكىزىپ، قىستاق اترەتىنە 5 كيلومەتر سۋ سىڭبەيتىن توعان جانە سۋ وتكەرمەلەيتىن ناۋا قۇرىلىسىن سالدى، جانە 4 ميلليون نىسان قارجىسىنا قول جەتكىزىپ، ماناس وزەنىنە جاڭادا كوپىر سالدىردى، قازىر قۇرىلىس مولشەرىنىڭ 90 پايىزىن ورىنداپ، قىستاق تۇرعىندارىنىڭ ءجۇرىس - تۇرىسى قيىن بولۋ ماسەلەلەسىن شەشتى. جوعارى ورىندارمەن سايكەسىپ، جايلىمعا تيىم سالۋ قىزمەتىن جاقسى ىستەپ، جايلىمدى سيلاۋ - تولىقتاۋ كومەك قارجىسىنان 600 مىڭ يۋان تارقاتتى.
سىداۋحىزى قالاشىعى لۇڭكۋ قىستاعىنىڭ تۇرعىنى اقان شاماي ۇلى : «قىستاققا تۇسكەن قىزمەت اترەتىندەگى كادرلاردىڭ ىستەۋى وتە جاقسى، 2015 -جىلى اتىز اراسىنداعى جولدى جوندەپ شاعىل توگىپ بەردى، بۇرىنعى كەزدە جاڭبىرلى كۇنى لاي - باتپاق، كۇن اشىق كۇنى بۇرقىراپ اق شاڭ بولىپ جاتاتىن، قازىر كوكتەم مەن كۇز كەزىندەگى قاربالاستىقتا اۋىل شارۋاشىلىق ماشينالارىنىڭ جۇمىس جۇرگىزۋىنە وتە قولايلى بولدى، وتكەن جىلى قىستاقتىڭ نەگىزگى جول شەتتەرىنە شىراق ورناتىپ بەردى، ال بيىلعى جىلى اۋىز سۋ قۇرىلىسىن جاڭادان جوندەپ بەردى، ءبىزدىڭ ولارعا راقىمەتتەن باسقار ايتارمىز جوق»،-دەدى.
حالىقتىڭ مۇڭ - مۇقتاجىن شەشىپ، ناقتىلى ءىس ىستەپ بەرۋمەن بىرگە، قىستاققا تۇسكەن قىزمەت اترەتىندەگى كادرلار اۋدان، اۋىل - قالاشىق ەكى دارەجەلى پارتكوم ورىندارىمەن تىعىز سايكەسىپ، ءتۇرلى شارالاردى قاتار جۇرگىزىپ، جالپىلىق شارا قولدانىپ، قىستاق ەكى كوميتەتى جوبا - جوسپارلارىنا رەتتەۋ جۇرگىزىپ، قىستاققا تۇسكەن كادرلاردىڭ تاڭداۋلى ستيلىن قىستاققا ورىستەتىپ، قىستاق كادرلارىنا وزىق كادرلاردى باسقارۋ ءادىسىن ۇيرەتىپ، نەگىزگى ساتىنىڭ نەگىزىن ونان ارى بەكەمدەپ، نەگىزگى ساتى ۇيىمدىق قۇرىلىسىن ونان ارى كۇشەيتى.
تىلشىلەردىڭ قىزمەت ورنى : ساۋان اۋداندىق مادەنيەت، دەنەتاربيە مەكەمەسى
