شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى جۇڭگوشا سوتسياليزم ىستەرىنىڭ جەڭىسىنە قول جەتكىزۋ جولىندا تالماي كۇرەس جۇرگىزەيىك
ءماجىلىستى چىن چۋانگو باسقاردى
10 - قاڭتار تۇستەن كەيىن، اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جاڭادان سايلانعان ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ راسىمىندەگى ماڭىزدى ءسوزىنىڭ رۋحىن جەتكىزدى، ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە تاريح پەن قازىرگى بولمىس ساباقتاستىرىلىپ، حالىقارالىق جانە ەل ءىشى جاعدايى بايلانىستىرىلىپ، نازاريا مەن اماليات ۇشتاستىرىلىپ، ۇرىمتال جەرى ءداپ باسىپ تابىلعان، مازمۇنى باي، وسكەلەڭ مۇرات - سەنىم، كۇشتى بورىشتى جاۋاپكەرشىلىك، ايقىن نازاريالىق قاسيەت، حالىققا دەگەن تەرەڭ سۇيىسپەنشىلىك ارقاۋ ەتىلىپ، شەكسىز ۇيتقى كۇشى، اقيقات كۇشى، سەنىم كۇشى مەن مۇندالايدى، بۇكىل پارتيانىڭ، بۇكىل ەلدەگى ءار ۇلت حالقىنىڭ يدەياسىن پارتيا 19 - قۇرىلتايىنىڭ رۋحىمەن بىرلىككە كەلتىرىپ، كۇش - قۋاتتى پارتيا 19 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋعا شوعىرلاندىرۋدا اسا كەلەلى ماڭىزعا يە. بۇكىل رايونىمىزداعى ءار دارەجەلى پارتيا ۇيىمى مەن قالىڭ پارتيالى كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ىشكەرىلەي ۇعىنىپ، يدەيا مەن ارەكەتتى شىن مانىندە ماڭىزدى ءسوزدىڭ رۋحىمەن بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى وسى جان جۇيەنى مىقتاپ يگەرىپ، جاڭا داۋىردەگى جۇڭگوشا سوتسياليزم ىستەرىنىڭ جاڭا جەڭىسىنە قول جەتكىزۋ جولىندا تالماي كۇرەس جۇرگىزۋى كەرەك. ساياسي دەڭگەيدى جوعارىلاتىپ، «4 تانىمدى» مىقتاپ ورناتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسىندىق، بۇكىل پارتيانىڭ ۇيتقىسىندىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، ساياسي تۇرعى، ساياسي بەتالىس، ساياسي پرينسيپ، ساياسي جول جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
مۇرات - سەنىمدى نىعايتىپ، «ءتورت سەنىمدى» كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ءتۇپ نۇسقانى وقىپ، اۋەلگى ءماتىندى ۇيرەنىپ، قاعيداسىن ۇعىنىپ، شىنايى ۇيرەنىپ، شىنايى ءتۇسىنىپ، شىنايى سەنىپ، شىنايى قولدانىپ، كوممۋنيستىك ۇلى مۇرات پەن جۇڭگوشا سوتسياليزم ورتاق مۇراتىن نىعايتىپ، جۇڭگوشا سوتسياليزمگە بۇلجىماستان دايەكتى تۇردە تاباندى بولۋ جانە ونى دامىتۋ كەرەك. وزىندىك توڭكەرىس جۇرگىزۋگە باتىل بولىپ، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، ماڭگى جالعاستىراتىن تاباندىلىقپەن پارتيانى قاتاڭ باسقارىپ، جونگە سالىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن تىڭعىلىقتى ىلگەرىلەتىپ، «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىبىنداعى تاربيەنى دەن قويا ورىستەتىپ، پارتيانىڭ العاباسارلىعىن، كىرشىكسىزدىگىن ۇزدىكسىز كۇشەيتىپ، پارتيانىڭ شينجياڭداعى بيلىك نەگىزىن نىعايتۋ كەرەك. تاۋقىمەت تانىمىن، ماسەلەنى نىشان ەتۋدى، تومەنگى شەكتە ويلاۋدى كۇشەيتىپ، ءتۇرلى حاۋىپ - قاتەردەن ساقتانۋ جانە شەشۋ تانىمى مەن قابىلەتىن شىن مانىندە جوعارىلاتىپ، العاشقى قادامدى جاقسى باسىپ، ىرىقتى شايقاستى ويداعىداي جۇرگىزىپ، ءتۇرلى اۋىر حاۋىپ - قاتەردەن ساقتانۋ جانە شەشۋ دايىندىقتارىن تولىق ىستەپ، قيىندىقتاردان تايسالماي العا ۇمتىلىپ، بەلسەنە توتەپ بەرىپ، ىرىقتىلىققا قول جەتكىزۋ كەرەك. شەشۋشى ازشىلىقتى مىقتى يگەرۋ قاجەت، ءار دارەجەلى باسشى كادرلار سەنىمدە بەرىك بولۋ، ساياسيدا قاتاڭ بولۋ، جاۋاپكەرشىلىكتە تاباندى بولۋ، قابىلەتكە جەتىك بولۋ، ستيلدە شىمىر بولۋ تالابىن مۇقيات تۇردە امالياتتا ايگىلەپ، ساياسيدا اڭعارلى ادام، ۇيرەنۋدە سانالى ادام، قىزمەتتە جاۋاپتى ادام، حالىققا ەتەنە ادام، ستيلدە شىنايى ادام، پاك، كىرشىكسىز ادام بولىپ، ۇيرەنۋ قابىلەتىن، ساياسي باسشىلىق قابىلەتىن، رەفورما، جاڭالىق اشۋ قابىلەتىن، عىلمي دامۋ قابىلەتىن، زاڭ بويىنشا بيلىك جۇرگىزۋ قابىلەتىن، بۇقارالىق قىزمەت قابىلەتىن، تياناقتاندىرۋدى مىقتى يگەرۋ قابىلەتىن، حاۋىپ - قاتەردى مەڭگەرۋ قابىلەتىن جاپپاي كۇشەيتۋى كەرەك. قۇدىرەتتى بىرىككەن كۇشتى ۇيىستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، بۇكىل رايونداعىلاردىڭ يدەياسىن پارتيا 19 - قۇرىلتايىنىڭ رۋحىمەن بىرلىككە كەلتىرىپ، ءار ۇلت كادر - بۇقاراسىنىڭ كۇش - قۋاتىن پارتيانىڭ 19 - قۇرىلتايىندا بەلگىلەنگەن نىسانا - مىندەتتەرگە شوعىرلاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانۋىن ىلگەرىلەتۋدىڭ قۇدىرەتتى بىرىككەن كۇشىن ۇيىستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ ءتۇپ نەگىزىن ۇزدىكسىز بەكەمدەۋ كەرەك.
ءماجىلىس ج ك پ ورتالىق كوميتەتى ساياسي بيۋروسىنىڭ 2017 - جىلى 27 - جەلتوقسانداعى ءماجىلىسىنىڭ رۋحىن جەتكىزدى. ءماجىلىس بىلاي دەپ اتاپ كورسەتتى: پارتيا 19 - قۇرىلتايىنىڭ رۋحى سىندى ارقاۋدى مىقتاپ يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيا قۇرىلىسىنىڭ باس تالابىن مىقتاپ ارقاۋ ەتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، جۇيەلىلىگىن، جاسامپازدىعىن، ناقتى ونىمدىلىگىن ۇزدىكسىز ارتتىرۋ كەرەك. شينجياڭ بولشەكتەۋشىلىككە قارسى كۇرەستىڭ الدىڭعى شەبىندە جانە نەگىزگى مايدانىندا بولسا دا لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر بولسا دا، پارتيا ستيلى، پاكتىك قۇرىلىسى جانە ءىرىپ - شىرۋگە قارسى تۇرۋ كۇرەسى ماسەلەسىندە ەشقانداي وزگەشەلىگى جوق دەگەن يدەيانى مىقتاپ ورناتىپ، «ەكى جاۋاپكەرشىلىكتى» قاتاڭ تياناقتاندىرىپ، ءبىر جاعىنان، بولشەكتەۋشىلىككە قارسى كۇرەستى يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە ءىرىپ - شىرۋگە قارسى كۇرەستى يگەرۋگە تاباندى بولۋ كەرەك. ساياسي ءتارتىپ پەن ساياسي قاعيدانى قاتايتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاۋ؛ ستيلگە توقتاۋسىز بۇرىلىس جاساپ، ورتالىقتىڭ 8 ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرىپ، اۆتونوميالى رايوننىڭ ستيل قۇرىلىسى جونىندەگى ەرەجە - تۇزىمدەرىن قاتاڭ اتقارىپ، «4 ءتۇرلى بۇرىس ستيلدى» تۇزەتىپ، «4 تەرىس پيعىلدى» جونگە سالىپ، جاڭا ستيل، دۇرىس سالتتىڭ ۇدايىلىققا، ۇزاق ونىمدىلىككە يە بولۋىنا مۇمكىندىك جاساۋ؛ ءىرىپ - شىرۋگە قارسى كۇرەستىڭ تەگەۋرىندى كۇيىن بەكەمدەپ، كۇشەيتىپ، باقىلاۋ - تەكسەرۋ ءتۇزىلىسى رەفورماسىنىڭ سىناق ءتۇيىن قىزمەتىن جاپپاي تەرەڭدەتىپ، «جولبارىس» سوعۋ مەن «شىبىن» قاعۋدى قاتار جۇرگىزۋگە تاباندى بولىپ، بۇقارانىڭ جانىندا جارىققا شىققان ءىرىپ - ءشىرۋ جانە ستيل ماسەلەلەرىن قاتاڭ وڭاۋ كەرەك.
ءماجىلىس باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ ماجىلىسىندە «جۇڭگو كوممۋنيستىك پارتياسىنىڭ پارتيا ىستەرىن اشىق ۇستاۋ ەرەجەسىن (سىناق رەتىندە اتقارىلادى)» قاراپ ماقۇلداعانداعى ماڭىزدى ءسوزىنىڭ رۋحىن جەتكىزدى. ءماجىلىس بىلاي دەپ اتاپ كورسەتتى: پارتيا ىستەرىنىڭ جاريالىلىعىن ىلگەرىلەتۋ − پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، پارتيا ىشىندەگى دەموكراتيانى ساۋلەلەندىرۋدىڭ، سوتسياليستىك دەموكراتيالىق ساياسيدى دامىتۋدىڭ تابيعي تالابى، پارتيانى جاپپاي قاتاڭ جونگە سالۋدى ىلگەرىلەتۋدىڭ، پارتيا ىشىندەگى باقىلاۋدى كۇشەيتۋدىڭ ماڭىزدى كەپىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات دايەكتىلەندىرىپ، تياناقتاندىرىپ، «ءتورت تانىمدى» مىقتاپ ورناتىپ، «ءتورت سەنىمدى» نىعايتىپ، پارتيا ىستەرىن جاريا ۇستاۋدى جاڭا داۋىردەگى جۇڭگوشا سوتسياليزمنىڭ ۇلى امالياتى بارىسىندا جوبالاپ جانە ىلگەرىلەتىپ، پارتيانىڭ باسشىلىعىنا تاباندى بولۋ مەن ونى كەمەلدەندىرۋ تالابىن پارتيا ىستەرىن جاريا ۇستاۋدىڭ جالپى بارىسىمەن جانە ءار جاعىمەن ساباقتاستىرۋ كەرەك. دەموكراتيانى تولىق ساۋلەلەندىرىپ، بەلسەندى، ورنىقتى تۇردە ىلگەرىلەتىپ، زاڭ بويىنشا، ەرەجە بويىنشا جۇرگىزىپ، پارتيا ىستەرىن جاريا ۇستاۋ قىزمەتىنىڭ تىڭعىلىقتى، ءونىمدى تۇردە ورىستەتىلۋىنە شىنايى كەپىلدىك ەتۋ كەرەك. ۇيرەنۋدى، تاربيەنى مىقتاپ يگەرىپ، قالىڭ پارتيالى كادرلاردىڭ «ەرەجەنىڭ» نەگىزگى رۋحىن، باستى مازمۇنىن جانە قىزمەت تالابىن جاپپاي ءدال يگەرۋىنە مۇمكىندىك جاساۋ كەرەك. شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، اتقارۋ جوباسىن جاساپ، پارتيا ىستەرىن جاريا ۇستاۋ قىزمەتىنىڭ جاپپاي تياناقتاندىرىلۋىن جەبەۋ كەرەك.
ءماجىلىس تاعى ۇگىت بولىمدەرى باستىقتارىنىڭ مەملەكەتتىك ءماجىلىسىنىڭ، ۇيىمداستىرۋ بولىمدەرى باستىقتارىنىڭ مەملەكەتتىك ءماجىلىسىنىڭ رۋحىن جەتكىزدى، ۇيرەندى. اۆتونوميالى رايون باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، سارقىت اقان ۇلى ماجىلىسكە قاتىناستى.
