2017 - جىلى 11 - قاڭتار كۇنى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇربان تۇلىم اتايدىڭ قىزى توحتىحان قۇربانعا جاۋاپ حات جازىپ، قۇربان اتايدىڭ ۇرپاقتارىن اۋىلداستارىمەن بىرگە پارتيانى ءسۇيۋدىڭ، وتاندى ءسۇيۋدىڭ، جۇڭحۋا ۇلتى ۇلى شاڭىراعىن ءسۇيۋدىڭ ۇلگىسى بولىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋعا شابىتتاندىردى. باس شۋجي شي جينپيڭنىڭ قۇربان اتايدىڭ ۇرپاقتارىنا دەگەن شىنايى تاپسىرماسى − تۇتاس شينجياڭداعى ءار ۇلت حالقىنا دەگەن شىنايى ءۇمىتى. ءبىر جىلدان بەرى، باس شۋجيدىڭ جاۋاپ حاتى شينجياڭداعى ءار ۇلت كادرلارى مەن بۇقاراسىن قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العاباسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا ءبىر نيەتپەن ىنتىماقتاسىپ، تىزە قوسا قايراتتانا ىلگەرىلەۋگە شابىتتاندىردى، ىنتالاندىردى.
وسى ءبىر جىلدا، حالىققا تيىمدىلىك جاساۋداعى 9 ءىرى ينجەنەريا جەر - جەردە تياناقتانىپ، ءار ۇلت بۇقاراسىنىڭ تابىس سەزىمى، باقىت سەزىمى كۇن سايىن ارتتى. اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، حالىق تۇرمىسىن الدىمەن ەسكەرۋگە، حالىق تۇرمىسىنا الدىمەن كىرىسۋگە باستان - اياق تاباندى بولىپ، ناقتى ءادىس - شارا قولدانىپ، ناقتى ىستەر ىستەپ، ناقتى ونىمدىلىككە قول جەتكىزدى. جالپى حالىقتىڭ دەنساۋلىعىن تەكسەرۋ، اۋىل - قىستاقتاردا مىندەتتى ەڭبەكتى جاپپاي كۇشىنەن قالدىرۋ، وڭتۇستىك شينجياڭنىڭ مەكتەپكە دەيىنگى «قوس ءتىل» تاربيەسىنە كادر جىبەرۋ قىزمەتىن ورىستەتۋ... وسىنداي ءار ۇلت بۇقاراسىنىڭ ءتول مۇددەسىنە ساياتىن ءبىرسىپىرا حالىق تۇرمىسى ينجەنەرياسى تيانشاننىڭ تۇستىگى مەن تەرىستىگىندە تياناقتانىپ، تەرەڭ تامىر تارتتى.
وسى ءبىر جىلدا، حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ بويىنشا قىستاقتا تۇرۋ قىزمەتى ىشكەرىلەي ورىستەتىلىپ، قوعام ورنىقتىلىعى مەن باياندى تىنىشتىقتىڭ ىرگەتاسى اناعۇرلىم بەكەمدەلدى. 2017 - جىل − «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى ورىستەتىلگەندىگىنىڭ 4 - جىلى، نەشە 10 مىڭداعان پارتيا مۇشەلەرى مەن كادرلار جىل بويى قاقاعان اياز بەن شىلىڭگىر ىستىققا قاراماي، نەگىزگى ساتىنىڭ ءبىرىنشى شەبىندە باستان - اياق تاپجىلماي، ورنىقتىلىق، دامۋ مىندەتتەرىن تياناقتاندىرىپ، كەدەيلىكتەن قۇتىلدىرۋدان قامال الۋدى بارىنشا ىلگەرىلەتىپ، تۇعىردى بەكەمدەپ، نەگىزدى كۇشەيتەتىن جاڭاشىل ناقتى ىستەر ارقىلى قوعام ورنىقتىلىعى مەن باياندى تىنىشتىقتى قورعاۋدىڭ نەگىزگى ساتى قامالىن بەكەمدەدى.
وسى ءبىر جىلدا، «ۇلتتار ىنتىماعىنىڭ بەرەكەلى شاڭىراعى» قيمىلى تيانشاننىڭ بايتاق دالاسىندا جاپپاي ورىستەتىلىپ، ۇلتتار ىنتىماعىنىڭ جان تەبىرەنتەرلىك گۇلدەرى تيانشاننىڭ تۇستىگى مەن تەرىستىگىندە قۇلپىرا اشىلدى.
ءبىر جىلدان بەرى، ءبىر ميلليوننان استام كادر، جۇمىسشى - قىزمەتكەر «ۇلتتار ىنتىماعىنىڭ بەرەكەلى شاڭىراعى» قيمىلىنا ات سالىستى. تۋىس ارالاسقان سايىن جاقىندايدى، سۇيىسپەنشىلىك توعىسقان سايىن كۇشەيەدى. ءار ۇلت كادرلارى مەن بۇقاراسى ءوزارا بارىس - كەلىس جاساۋ، ءبىر - بىرىنە كومەكتەسۋدەي وتە جاقىن ارالاسۋ بارىسىندا قول ۇستاسقان، جۇرەكتەرى توعىسقان ءبىر ءۇيلى جاندارعا اينالىپ، ۇلتتار ىنتىماعى ىستەرىن اناعۇرلىم بەكەمدەدى، دامىتتى.
وسى ءبىر جىلدا، تيانشاننىڭ تۇستىگى مەن تەرىستىگىندە كىسىنى سۇيىندىرەتىن وزگەرىستەر تۋىلدى؛ وسى ءبىر جىلدا، اسقاق تا مەيىرىمدى جاراسىمدىلىق سيمفونياسى تيانشان الابىندا شىرقالدى. بۇل باس شۋجي شي جينپيڭنىڭ شينجياڭداعى ءار ۇلت پەرزەنتتەرىنە دەگەن ىقىلاستى قامقورلىعى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭنىڭ بايتاق دالاسىندا قول جەتكىزگەن تابىسى. سۋدىڭ مەيىرىن بالىق بىلەدى، باقىتتىڭ قاينارى دەگەن وسى. باس شۋجي شي جينپيڭنىڭ تاپسىرماسىن ەستە بەرىك ساقتاعان ءار ۇلت تيانشان پەرزەنتتەرى پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، پارتيانى ءسۇيۋ، وتاندى ءسۇيۋ، جۇڭحۋا ۇلتى ۇلى شاڭىراعىن ءسۇيۋ سىندى تەرەڭ سۇيىسپەنشىلىكتى ءىس جۇزىندىك ارەكەتتەرىمەن ايگىلەدى. وسى ءبىر جىلدا، رايونىمىزداعى ءار ۇلت، ءار سالا قايراتكەرلەرى تۇس - تۇستان باتىل ءۇن قاتىپ، ايقىن پوزيتسيا ءبىلدىرىپ، جاۋعا تەڭ كەكتەنە وتىرىپ «ءۇش ءتۇرلى كۇشكە» نالەت جاۋدىرىپ، ۇلتتار ىنتىماعىن، وتان تۇتاستىعىن قورعاۋدىڭ ورتاق جۇرەك ءۇنىن بەينەلەدى؛ وسى ءبىر جىلدا، رايونىمىزداعى ءار ۇلت باۋىرلاستارى شىنايى سۇيىسپەنشىلىكتەرى ارقىلى ءوزارا ىقپال كورسەتىپ، تاتۋ - ءتاتتى، بەرەكەلى ءوتىپ، اناردىڭ دانىندەي تىعىز ۇيىستى؛ وسى ءبىر جىلدا، رايونىمىزدا جوعارىدان تومەنگە دەيىن كەدەيلىكتەن قۇتىلدىرۋدان قامال الۋعا ءبىر نيەتپەن كۇش سالىپ، جاپپاي دوڭگەلەك داۋلەتتىلىكتى جۇزەگە اسىرۋ ساپارىندا بىردە - ءبىر ادام قاعىس قالمادى؛ وسى ءبىر جىلدا، رايونىمىز ورايدى مىقتاپ يگەرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جىلدام ءارى ورنىقتى ىلگەرىلەتتى... وسى قۇلشىنىستاردىڭ بارلىعى شينجياڭداعى ءار ۇلت كادرلارى مەن بۇقاراسىنىڭ باس شۋجي شي جينپيڭنىڭ شىنايى ۇمىتىنە ساي وسكەلەڭ ساياسي سانالىلىقتى، يدەيالىق سانالىلىقتى جانە ارەكەت سانالىلىعىن ايگىلەۋى، تيانشان پەرزەنتتەرىنىڭ پارتيا ورتالىق كوميتەتىنىڭ، باس شۋجيدىڭ قامقورلىعى مەن كوڭىل بولۋىنە دەگەن ەڭ تاماشا جاۋابى بولىپ تابىلادى.
ءبىر جىل وتە قىسقا مەزگىل، سول ءبىر ىقىلاستى سوزدەر ءالى دە قۇلاعىمىزدىڭ تۇبىندە، وسى سوزدەر ءۇشىن قۇلشىنا جاسالعان كۇرەستەر ءتىپتى دە ارىنداي تۇسۋدە.
ءبىر جىل دا وتە ۇزاق مەزگىل، باس شۋجيدىڭ شىنايى ءۇمىتى شينجياڭداعى ءار ۇلت حالقىنىڭ جۇرەگىنە تەرەڭ ۇيالاپ، وسىناۋ وڭىرگە ءسىڭىپ، ادامداردىڭ تىنباي كۇرەس جاساۋى بارىسىندا شىت جاڭا شۇعىلا شاشتى.
پارتيا 19 - قۇرىلتايىنىڭ رۋحىن مۇقيات ۇيرەنۋ، دايەكتىلەندىرۋ − ءبىزدىڭ كەزەكتەگى جانە بۇدان بىلايعى ءبىر مەزگىلدەگى ماڭىزدى مىندەتىمىز. «ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعاسى تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ءار ۇلتتىڭ اناردىڭ دانىندەي تىعىز ۇيىسۋىن جەبەپ، بىرگە ىنتىماقتاسا كۇرەس جاساۋ، بىرگە گۇلدەنىپ - كوركەيۋ، دامۋ كەرەك». پارتيا 19 - قۇرىلتايىنىڭ رۋحىن ءبىر جىلدىڭ الدىنداعى باس شۋجي شي جينپيڭنىڭ جاۋاپ حاتىنداعى شىنايى ۇمىتىمەن بىرگە بۇلجىماستان دايەكتىلەندىرۋ قاجەت. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شينجياڭنىڭ اناعۇرلىم كوركەم بولاشاعىن ءىس جۇزىندىك ارەكەتىمىزبەن اشايىق!
