قوعام حاۋىپسىزدىگى كۇزەت قىزمەتى جونىندەگى اۆتونوميالى رايوندىق ءماجىلىس 10 - قاڭتار تۇستەن بۇرىن ۇرىمجىدە اشىلدى. ءماجىلىس پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نازاردى باس نىساناعا بارىنشا شوعىرلاندىرىپ، قىزمەتتەردى قورىتىندىلاپ، جاعدايعا تالداۋ جاساپ، وزاتتاردى ماداقتاپ - سيلاپ، بيىلعى قوعام حاۋىپسىزدىگى كۇزەت قىزمەتى جونىندە ورنالاستىرۋ جاسادى، شينجياڭنىڭ كۇزەت قىزمەتىندە تىنباي جاڭا جاعداي اشۋدى العا قويدى.
اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن ماجىلىسكە قاتىناستى ءارى ءسوز سويلەدى.
جۋ حايلۇن مىنالاردى اتاپ كورسەتتى: 2017 - جىلى بۇكىل شينجياڭنىڭ ءار دارەجەلى كۇزەت تاراۋلارى ماڭىزدى اماندىق قورعاۋ كۇزەت قىزمەتتەرىن تابىسپەن ورىنداپ، شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسىپ، پارتيا مەن حالىققا رازى بولارلىقتاي جاۋاپ قايتاردى. اماليات شينجياڭنىڭ قوعام حاۋىپسىزدىگى كۇزەتشىلەرى قوسىنىنىڭ ەرەكشە قاجىرلى، ەرەكشە جاۋىنگەر قوسىن، اۆتونوميالى رايوندىق پارتكومدى الاڭسىز ەتەتىن، بۇكىل شينجياڭداعى ءار ۇلت بۇقاراسىن رازى ەتەتىن قوسىن ەكەنىن دالەلدەدى.
جۋ حايلۇن مىنالاردى تالاپ ەتتى: «4 تانىمدى» بەرىك ورناتىپ، «4 ءسوزسىزدى» تياناقتاندىرىپ، «4 ءسوزدى» امالياتتا ايگىلەپ، ساياسي دەڭگەيدى جوعارىلاتىپ، ساياسي جاۋاپكەرلىكتى كۇشەيتىپ، پارتيا ورتالىق كوميتەتى، اۆتونوميالى رايوندىق پارتكوم جۇكتەگەن مىندەتتەر مەن بورىشتاردى باتىل اتقارىپ، مەملەكەتتىڭ ساياسي حاۋىپسىزدىگىنە جانە شينجياڭنىڭ قوعامدىق جالپى جاعدايىنىڭ ورنىقتىلىعىنا شىنايى كەپىلدىك ەتۋ كەرەك. نازاردى باس نىساناعا بارىنشا شوعىرلاندىرىپ، كەزەكتەگى لاڭكەستىككە قارسى تۇرىپ، ورنىقتىلىقتى قورعاۋ جاعدايىن ءداپ باسىپ يگەرۋ جاعىنا، جاۋىنگەرلىك قۋات سىندى وسى بىردەن - ءبىر تۇپكى ولشەمگە تاباندى بولۋ جاعىنا، تىڭعىلىقتى ورنالاستىرۋ جاعىنا كۇش سالىپ، شينجياڭنىڭ كۇزەت قىزمەتىن شىن مانىندە ويداعىداي ىستەپ، بۇكىلدەي حاۋىپسىزدىككە، مۇلدە حاۋىپسىز بولۋعا شىنايى كەپىلدىك ەتۋ كەرەك.
جۋ حايلۇن مىنالاردى باس دارىپتەدى: بۇكىل شينجياڭنىڭ كۇزەت تاراۋلارى ساياسيدى باسشىلىققا العان ساقشى قوسىنىن قۇرۋعا، ساقشىلاردى قاتاڭ جونگە سالۋعا مىزعىماستان تاباندى بولىپ، پارتياعا ادال، حالىققا قىزمەت كورسەتەتىن، زاڭدى ءادىل اتقاراتىن، ءتارتىبى قاتاڭ ىسىلعان قوسىن قۇرۋعا كۇش سالۋ كەرەك. ساياسيدى باسشىلىققا العان ساقشى قوسىنىن قۇرۋدى قاشاندا ماڭداي الدى ورىنعا قويىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن جانە ارميانى قۇدىرەتتەندىرۋ يدەياسىمەن وي - سانانى قارۋلاندىرۋعا تاباندى بولىپ، باسشىلىق القا جانە كادرلار قوسىنى قۇرىلىسىن شىن مانىندە كۇشەيتىپ، تاماشا قىزمەت باعىتى مەن ادام ىستەتۋ باعىتىن ورناتىپ، جاڭا ءداۋىردىڭ ار - ۇجداندى، ونەرلى، جالىندى، ءمورالدى كۇزەتشى اسكەريلەرىن تۇلعالاۋ قاجەت. ستيل قۇرىلىسىن ۇزدىكسىز ىشكەرىلەي كۇشەيتىپ، تەمىردەي تارتىپپەن قۇرىشتاي قوسىن قۇرىپ، ماڭداي الدى القا، ماڭداي الدى قوسىن، ماڭداي الدى ناتيجە ارقىلى جاڭا داۋىردەگى شينجياڭنىڭ كۇزەت قىزمەتىنىڭ تىڭ داستانىن جازىپ، شينجياڭنىڭ قوعام ورنىقتىلىعى مەن باياندى تىنىشتىعىنا تىڭ ۇلەس قوسۋ ءتيىس.
اۆتونوميالى رايوننىڭ ورىنباسار ءتوراعاسى جۋ چاڭجيە ءماجىلىستى باسقاردى.
ءماجىلىس بۇكىل شينجياڭنىڭ قوعام حاۋىپسىزدىگى كۇزەت جۇيەسىندەگى 2017 - جىلعى وزات كوللەكتيۆتەر مەن ەڭبەك سىڭىرگەندەردى ماداقتاپ - سيلادى.
