3 كۇنگە جالعاساتىن جۇڭگو باتىس ءوڭىر قار - مۇز ساياحات مەرەكەسى جانە جۇڭگو شينجياڭ 12 - كەزەكتى قىسقى ساياحات - ساۋدا كورمەسى (تومەندە قىسقارتىلىپ «قىسقى كورمە» دەلىنەدى) 12 - قاڭتار (بۇگىن) شينجياڭ حالىقارالىق كورمە ورتالىعىندا اشىلدى.
ءتىلشىنىڭ قىسقى كورمەنى ۇيىمداستىرۋ كوميتەتىنەن ۇعىسۋىنشا، بۇل كەزەكتى قىسقى كورمە ورنىنىڭ كولەمى 18470 شارشى مەتر بولىپ، 792 كورمە ورنى بار. جيىنى 3 كورمە سارايى بولىپ، 1 - زال ساياحات ۋنيۆەرسال تۇتىنۋ سارايى؛ 2 - زال تۋريستىك كورمە سارايى؛ 3 - زال شينجياڭ قار - مۇز ساياحات سارايى. 9 - قاڭتاردان باستاپ، 13 - قاڭتارعا دەيىن ءۇرىمجى كەشكى گازەتى گازەتپەن قوسا قىسقى كورمەنىڭ بەلەتىن باسىپ تاراتادى. سونداي - اق قالا تۇرعىندارىنىڭ قالا ىشىندەگى 320 «ساعات سەگىز جارىم» بىرلەسپە دۇكەنىنەن، 21 كەشكى گازەت تاراتۋ ورنى جانە توڭىرەكتەگى ۇلكەن الەۋمەتتىك اۋماقتان، 20 اۆتوماتتى زات ساتىپ الۋ بىرلەسپە دۇكەننەن، 100 دەنەتاربيە ۇتىس بەلەتىن ساتۋ بەكەتىنەن، 10 ءىرى ساۋدا سارايى ەرەن بازارىنان تەگىن بەلەت الۋىنا بولادى. بۇدان سىرت جىبەك جولى جانە باييۇن حالىقارالىق قار شاڭعى الاڭى قاتارلى 6 ورىننان دا تەگىن بەلەت الۋعا بولادى.
