تيانشان تورى
تيانشان تورى   ›   جاڭالىقتار   ›   شينجياڭ حابارلارى

مەملەكەتتىك وركەنيەتتى وتباسىلارى جونىندەگى جەلىلەس راديو تەاتر شينجياڭ حالىق راديو ستانسياسىنىڭ اۋە تولقىنىندا تاراتىلدى

  اۆتونوميالى رايوننىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەسى مەن شينجياڭ حالىق راديو ستانسياسى بىرلەسىپ جاساعان مەملەكەتتىك وركەنيەتتى وتباسىلارى جونىندەگى جەلىلەس راديو تەاتر 8 - قاڭتاردان باستاپ اۋە تولقىنىندا تاراتىلدى. وسى جەلىلەس راديو تەاتر وركەنيەتتى وتباسىلارىنىڭ جان تەبىرەنتەرلىك ىزگى ىستەرىن شوعىرلى بەينەلەدى. ورتالىقتىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەسى شينجياڭنىڭ تاڭداۋلى وتباسىلارى ۇلگىلەرى ارقىلى ءار ۇلت حالقىن وتباسى سالتىنا، وتباسى تاربيەسىنە، ءۇي اقىلياسىنا ءمان بەرۋگە تاربيەلەگەنىن جانە جەتەلەگەنىن تولىق تۇراقتاندىردى.

  2016 - جىلى 12 - جەلتوقساندا ورتالىقتىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى تۇڭعىش كەزەكتى وركەنيەتتى وتباسىلارىن سالتاناتتى تۇردە ماداقتاپ - سيلادى. شينجياڭنان 10 وتباسى «مەملەكەتتىك وركەنيەتتى وتباسى» اتاعىن الدى. ولار: 4 ۇلتتان قۇرام تاپقان 10 جەتىم بالانى اسىراپ العان ءانيپا الىماحۇن وتباسى، ۇيعۇر ۇلتى مەن حانزۋ ۇلتىنان تاعدىر قوسىپ، مەملەكەتتىڭ قامىن جەگەن سۋ يان وتباسى، 54 جىل بويى ەلسىز مەكەندە تۇرىپ، وتان ءۇشىن شەكارانى كۇزەتكەن ۋي دىيوۋ وتباسى، قازاق ۇلتى مەن حانزۋ ۇلتىنان وتباسىن قۇراپ، ءوزارا سيلاسىپ وتكەن ۋاڭ فاڭ وتباسى، قاجىرلى ەڭبەگىمەن اۋقاتتانىپ، كەدەي وقۋشىلارعا قارجىلاي كومەكتەسىپ، وقۋىنا قول ۇشىن بەرگەن ۋ شيۋفاڭ وتباسى، ۇيدە قالعان 36 قارتقا كۇن شۋاعىنداي جىلۋ سيلاعان ءسانيحان ءاتام وتباسى، سۇيەنىشسىز حانزۋ قارتتى مىندەتتى تۇردە باعىپ - قاققان دورجى حازارحان وتباسى، قاجىرلىلىقپەن ۇيرەنىپ، بىرگە العا باسقان روزىمامەت باقى وتباسى، بيڭتۋانداعى اۋقاتتانۋعا باستاۋشى جاڭ ليحۋا وتباسى، كوپ ۇلتتان قۇرام تاپقان 10 نەشە جەتىم بالانى 25 جىل بويى باعىپ - قاققان كا شياۋحۋا وتباسى.

  اۆتونوميالى رايوننىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەسىنىڭ قولداۋىندا شينجياڭ حالىق راديو ستانسياسى ارناۋلى كۇش ۇيىمداستىرىپ، راديو تەاتر فورماسىمەن تىڭدارمان قاۋىمعا مەملەكەتتىك وركەنيەتتى وتباسىلارىنىڭ جان تەبىرەنتەرلىك ىزگى ىستەرىن تانىستىردى. 2017 - جىلدىڭ باسىندا شينجياڭ حالىق راديو ستانسياسى راديو تەاترىن جاساۋشى قىزمەتشىلەردى مەملەكەتتىك وركەنيەتتى 10 وتباسىلارىن ارالاپ سۇحبات جۇرگىزۋگە جىبەرىپ، ىلگەرىندى - كەيىندى 10 راديو تەاتر جاسادى. مۇنىڭ ىشىندە، ۋي دىيوۋ وتباسى مەن ءانيپا الىماحۇن وتباسىن تانىستىرعان 2 راديو تەاتر 2017 - جىلى ماۋسىمدا اۋە تولقىنىندا سىناق رەتىندە تاراتىلىپ، تىڭدارماندار اراسىندا ءبىرشاما جاقسى اڭىس قوزعادى. 2018 - جىلى 8 - قاڭتاردان 20 - قاڭتارعا دەيىن شينجياڭ راديو ستانسياسىنىڭ حانزۋ تىلىندەگى حابارلار ارناسىندا، حانزۋ تىلىندەگى ۋنيۆەرسال ارناسىندا جانە «1028» اڭگىمە ارناسىندا مەملەكەتتىك وركەنيەتتى وتباسىلارىنداعى تيپتىك ادامدارعا قاتىستى راديو تەاتر اۋە تولقىنىندا ءبىر ۋاقىتتا تاراتىلادى. ءتالىم - تاربيەنى قۋانىش ساناپ، تىڭدارمان قاۋىمى اراسىندا تاڭداۋلى وتباسى سالتىن اسقاقتاتىپ، تاماشا وتباسى سالتى، تاماشا وتباسى تاربيەسى، تاماشا ءۇي اقىلياسى ارقىلى قوعامدىق جاقسى سالتتى كوتەرىپ، وتباسى سالتى جاقسى، سالت - ساناسى قاراپايىم، پارتيا ستيلى دۇرىس، ۇكىمەت ستيلى پاك قوعامدىق جاعدايدى قالىپتاستىرۋعا قۇلشىنۋ كەرەك.

 اۋدارعان: ەسقات باعدات ۇلى (پراكتيكانت)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.