شينجياڭ گازەتى مەكەمەسى 3 - رەداكسيا ءتىلشى - رەداكتورلار ءبولىمىنىڭ ورىنباسار مەڭگەرۋشىسى
ءادىل سەمەيقان ۇلى
مەن ءبىر مالشىنىڭ بالاسىمىن، اكەم ساقا پارتيا مۇشەسى، ول كىسىنىڭ مادەنيەت ورەسى جوعارى بولماعانىمەن، پارتيانىڭ مەيىر - شاپاعاتىن ماڭگى كوكەيىندە ساقتادى. از ۇلت پارتيالى كادر رەتىندە، مەن سانالى تۇردە سەنىمى بەرىك اڭعارلى ادام، ءىشى - سىرتى بىردەي شىنايى ادام، تارتىپكە قاتاڭ بويسۇناتىن ءجون - جوسىقتى ادام بولىپ، «ءۇش ءتۇرلى كۇشپەن» جانە «ەكىبەتكەيلەرمەن» بەرىك، بەكەم تۇرعىدا باتىل كۇرەسەمىن.
«ءۇش ءتۇرلى كۇشپەن» كۇرەسۋدەي ۇلكەن دۇرىس پەن ۇلكەن بۇرىس ماسەلەسىندە «ەكىبەتكەيلەردىڭ» پوزيتسياسى ايقىن بولمادى، ءسوزى مەن ويى قابىسپادى، ءىشى مەن سىرتى بىردەي بولمادى، اۋەلى، «ءۇش ءتۇرلى كۇشپەن» استاسىپ، ءتىل بىرىكتىرىپ، اۋىز جالاستى، قاساقانا پالە تۋدىراتىن زورلىقتى كۇش لاڭكەستەرىمەن سالىستىرعاندا «ەكىبەتكەيلەر» ءتىپتى دە الاياق، ءتىپتى دە سۇرقيا، ولاردىڭ زاردابى ءتىپتى دە ۇزاققا سوزىلىپ، توتەنشە اۋىر بولادى. ولار «ءپانىسلاميزم»، «پانتۇركيزم» يدەياسىن تاراتىپ، ۇلتتىق بولشەكتەۋشىلىك تۋدىرۋعا ۇرىندى، پاسىق ءتاسىل قولدانىپ، سۇم نيەت، ارام ويدا بولىپ، پارتيا مەن حالىقتىڭ ءتۇرلى ىستەرىنە بارىنشا زيان جەتكىزىپ، ءار ۇلت بۇقاراسىنىڭ سۇيىسپەنشىلىگىنە مەيلىنشە قاياۋ سالدى. «ەكىبەتكەيلەر» پارتيا مەن حالىق ىستەرىنىڭ دامۋىنا تۇساۋ بولاتىن كەدەرگى، ۇلتتار ىنتىماعىن بۇلدىرەتىن ۋلى مەرەز، قوعامنىڭ ورنىقتىلىعى مەن باياندى تىنىشتىعىنا ىقپال جاسايتىن پالەكەت.
پارتيانىڭ اقپارات قىزمەتكەرى بولعان مەن بۇدان بىلايعى قىزمەتىمدە پارتيا گازەتىنىڭ ۇگىت جاعىنداعى باسىمدىعىن جەتە ساۋلەلەندىرىپ، نەگىزگى اقپارات قۇرالدارىنىڭ قوعامدىق پىكىرگە جەتەكشىلىك ىستەۋ رولىن ويداعىداي ساۋلەلەندىرىپ، ءار ۇلت كادر - بۇقاراسىن «ءۇش ءتۇرلى كۇشتىڭ» كەرتارتپا ءمانى مەن زالالىن ىشكەرىلەي تانۋعا باستايمىن جانە تاربيەلەيمىن، ماركسيزمدىك «5 كوزقاراستى» بەرىك ورناتامىن. يدەولوگيا سالاسىنداعى ساياسي جاۋاپكەرشىلىگىمدى مۇقيات ارقالاپ،ءدال، ناقتاپ يگەرىپ، ءار رەتكى ۇگىت حابارلارىن تىڭعىلىقتى ۇيىمداستىرىپ، ءاربىر ماقالانى قاتاڭ، مۇقيات سالىستىرىپ، قىزمەتتىڭ ءاربىر بۋىنى مەن تارتىبىنە قاتاڭ بويسۇنىپ، ءوز جاۋاپكەرلىگىمدى ءبىلىپ، ءوز جاۋاپكەرلىگىمدى ارقالاپ، ءوز جاۋاپكەرلىگىمدى ادا ەتەمىن.
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى كۇشەيتىپ، يدەيامدى جانە ارەكەتىمدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىنداعى» ناقتى تالاپتارمەن بىرلىككە كەلتىرەمىن. پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، ساياسيدا پارمەندى بولۋدى ماڭداي الدى ولشەم ەتۋدەن قاي - قاشان دا اۋىتقىمايمىن، تۇرعىدا بەرىك بولىپ، باتىل جاۋاپكەرشىلىك ارقالايمىن، ۇلتتىق بولشەكتەۋشىلىككە قارسى تۇرىپ، قوعام ورنىقتىلىعىن قورعاۋداي كەلەلى ماسەلەدە تانىمدا ايقىن، پوزيتسيادا باتىل بولامىن، ارەكەتتە تۇرلاۋسىزدىق ىستەمەيمىن، «ءۇش ءتۇرلى كۇشكە» جانە «ەكىبەتكەيلەرگە» قارسى كۇرەستە باستاماشى بولامىن، ونەگە كورسەتەمىن. اشىق ورتادا، تۋىس - تۋعان، دوس - جاراندارىم الدىندا ىرىقتىلىقپەن باتىل ءۇن قاتىپ، ايقىن پوزيتسيا بىلدىرەمىن، تۇرعىمدى جانە پوزيتسيامدى ايقىنداپ، قوعامدىق پىكىرگە دۇرىس جەتەكشىلىك ىستەپ، ءدىني ۇشقارى يدەيانىڭ كەۋلەپ كىرۋىن تەجەپ، يدەولوگيا سالاسىنىڭ بۇكىلدەي حاۋىپسىزدىگىنە شىنداپ كەپىلدىك ەتەمىن. «ۇلتتار ىنتىماعىنىڭ بەرەكەلى شاڭىراعى» قيمىلى مەن ۇلتتار ىنتىماعى دوستىق قيمىلىن تىڭعىلىقتى ورىستەتىپ، ماڭايىمداعى ءار ۇلت بۇقاراسىمەن تۋىس بولىپ، دوستاسىپ، ۇلتتاردىڭ قول ۇستاسا ىنتىماقتاسىپ كۇرەس جاساۋىنداعى يدەيالىق نەگىزىن بەكەمدەپ، ءىس جۇزىندىك ارەكەتىم ارقىلى وتاننىڭ تۇتاستىعىن قورعاۋدىڭ، ۇلتتىق بولشەكتەۋشىلىككە قارسى تۇرۋدىڭ قۇرىش قورعانىن بەكەم سوعۋعا قۇلشىنامىن.
