نۇراي ەسەنجان قىزى حابارلايدى. جۋىقتا، قوبىقسارى موڭعۇل اۆتونوميالى اۋدانىنىڭ نەگىزگى ساتى مادەنيەت شەبەرلەرى مەن حالىق ۇگىتشىلەرىنەن قۇرالعان ۇگىت -لەكسيا اترەتى باينوبا اۋىلىنا كەلىپ، پارتيا 19 - قۇرىلتايىنىڭ رۋحىن ۇگىتتەدى.
نەگىزگى ساتى مادەنيەت شەبەرلەرى پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ ادەبيەت - كوركەمونەر قيمىلىن ورىستەتتى. 100 دەن استام بۇقارا قيمىلدى سوڭىنا دەيىن تاماشالادى. 30 عا تارتا نەگىزگى ساتى مادەنيەت شەبەرى ايتىس، تەرمە قاتارلى ويىن نومىرلەرىن ورىنداپ، پارتيا 19 - قۇرىلتايىنىڭ رۋحىن حالىق ۇناتاتىن ءارى وڭاي تۇسىنەتىن تاسىلدەرمەن جەتكىزدى.
التىنبۇلاق قىستاعىنىڭ تۇرعىنى ەرجان بىلاي دەدى: «وسىنداي تارتىمدى ويىن نومىرلەرى ارقىلى پارتيا 19 - قۇرىلتايىنىڭ رۋحىن ۇگىتتەۋ وتە كەرەمەت بولدى، ءبىز ءبىر جاعىنان كوركەمونەردەن ءلاززاتتانىپ، ەندى ءبىر جاعىنان قۇرىلتاي رۋحىن ۇيرەندىك، بۇدان بىلاي دا وسىنداي كوركەمونەر ويىندارىن كوپ ۇيىمداستىرىپ، بۇقارانى رۋحاني جاقتان سۋسىنداتىپ، پارتيا 19 - قۇرىلتايىنىڭ رۋحىن، قۇرىلتايعا قاتىستى بىلىمدەردى جالعاستى ۇگىتتەۋىن ءۇمىت ەتەمىن».
ءتىلشىنىڭ قىزمەت ورنى: قوبىقسارى موڭعۇل اۆتونوميالى اۋدانى باينوبا اۋىلدىق حالىق ۇكىمەتى