ءتىلشىمىز شى شين
15 - قاڭتاردا ءۇرىمجى قالاسى ميدۇڭ رايوندىق دەنساۋلىق ساقتاۋ، ازىق - تۇلىك، ءدارى - دارمەك باقىلاۋ - باسقارۋ مەكەمەسىنەن، ميدۇڭ رايوندىق جۇڭگوشا شيپاحاناسىنان ءسانداۋبا قالاشىعى شى - ىرحۋ باتىس قىستاعىنا تۇسكەن «ۇعىسۋ، تيىمدىلىك جاسۋ، توعىستىرۋ» قىزمەت اترەتىنىڭ مۇشەلەرى بۇقارانىڭ ۇيلەرىن ارالاپ، دەنساۋلىعىن تەگىن تەكسەردى، ولار كاسىپتىك باسىمدىعىن تولىق ساۋلەلەندىرىپ، قيىنشىلىعى بار بۇقارانى ۇيىنە بارىپ ەمدەدى.
باس شۋجي شي جينپيڭ پارتيا 19 - قۇرىلتايىنىڭ بايانداماسىندا: ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، جۇڭگوشا نەگىزگى ەمدەۋ، دەنساۋلىق ساقتاۋ ءتۇزىمىن، ەمدەلۋدى قامتاماسىز ەتۋ ءتۇزىمىن جانە ەمدەۋ، دەنساۋلىق ساقتاۋ جونىنەن ساپالى، ءونىمدى قىزمەت وتەۋ جۇيەسىن جاپپاي ورناتۋ كەرەك، شيپاحانالاردى ءدارى - دارمەك اقىسىمەن اسىراۋدى جاپپاي كۇشىنەن قالدىرىپ، ءدارى - دارمەكپەن قامداۋدى قامتاماسىز ەتۋ ءتۇزىمىن اقاۋسىزداندىرۋ كەرەك، - دەپ اتاپ كورسەتتى.
پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ ءۇشىن، 4 - قاڭتاردا اۆتونوميالى رايوندىق دامۋ جانە رەفورما كوميتەتى، دەنساۋلىق ساقتاۋ، جوسپارلى تۋىت كوميتەتى بىرلەسىپ حابارلاندىرۋ شىعارىپ، بۇكىل شينجياڭداعى 2 - دارەجەلى جانە ودان جوعارى ۇكىمەت شيپاحانالارىنىڭ اۋرۋ ءتۇرى بويىنشا اقى الۋ رەفورماسىن سول كۇنى باستاۋدى تالاپ ەتتى، تۇڭعىش توپتا 100 اۋرۋ تۇرىنە ەڭ جوعارى باعا شەكتەۋى قويىلدى.
بۇل وزگەرىس بۇكىل شينجياڭداعى 2 - دارەجەلى جانە ودان جوعارى ۇكىمەت شيپاحانالارىنىڭ اقى الۋ ءتاسىلىنىڭ ۇلكەن وزگەرىستى قارسى العانىنان نىسان بويىنشا اقى الۋ اۋرۋ ءتۇرى بويىنشا اقى الۋعا وزگەرتىلگەنىن، اۆتونوميالى رايونىمىزدىڭ ەمدەۋدەن قىزمەت كورسەتۋدىڭ باعا رەفورماسى كەزەڭدىك ىلگەرىلەۋشىلىككە قول جەتكىزگەنىن كورسەتەدى.
ەمدەۋدەن قىزمەت كورسەتۋدىڭ باعا رەفورماسى شينجياڭداعى 23 ميلليون ءار ۇلت بۇقاراسىنىڭ ءتول مۇددەسىنە سايادى، ول شينجياڭنىڭ قوعام ورنىقتىلىعى جانە باياندى تىنىشتىعىمەن تىعىز بايلانىستى. 2017 - جىلى اۆتونوميالى رايوندىق دامۋ جانە رەفورما كوميتەتى «شينجياڭ ۇيعۇر اۆتونوميالى رايونىنىڭ ەمدەۋدەن قىزمەت كورسەتۋدىڭ باعا ولشەمىن (سىناق رەتىندە اتقارىلاتىن نۇسقا)» جاريالاپ، ەمدەۋدەن قىزمەت كورسەتۋدىڭ 4395 ءتۇرلى باعا نىسانىن ارناعا ءتۇسىرىپ، رەتتەپ، اۋرۋ ءتۇرى بويىنشا اقى الۋدىڭ ەڭ جوعارى باعا شەكتەۋىن اتقارىپ، اۆتونوميالى رايونىمىزدىڭ ەمدەۋ، ءدارى - دارمەك باعاسىنىڭ بىرتىندەپ ارناعا تۇسۋىنە مۇمكىندىك جاسادى. ءسويتىپ، جاڭاشا ەمدەۋ، ءدارى - دارمەك باعا مەحانيزمى قالىپتاسۋدا. بۇقاراعا پايدا جەتكىزۋدى نىسانا ەتكەن اۆتونوميالى رايونىمىزدىڭ ەمدەۋدەن قىزمەت كورسەتۋدىڭ باعا رەفورماسى «تەرەڭ قويناۋعا» كىرىپ كەلەدى.
ءدارى - دارمەكتىڭ ۇستەمە باعاسى جاپپاي كۇشىنەن قالىپ، «ءدارى - دارمەك ارقىلى ەمدەۋ اقىسىن ءوندىرىپ الۋ» كەلمەسكە كەتتى
«ەمدەۋدەن قىزمەت كورسەتۋدىڭ وسى كەزەكتى باعا رەفورماسىنىڭ ەڭ ۇلكەن جارقىن ءتۇيىنى ءدارى - دارمەكتىڭ ۇستەمە باعاسىن جاپپاي كۇشىنەن قالدىرۋ، ەمدەۋدەن قىزمەت كورسەتۋ باعاسىن وسىمەن ءبىر ۋاقىتتا رەتتەۋ، شيپاحانانىڭ ازايعان، ورىندى كىرىسىن تولىقتاۋ، ەمدەۋ قۇرىلىمدارى اينالىمىنىڭ ءدارى - دارمەك ۇستەمە باعاسى، قىزمەت كورسەتۋ كىرىسى جانە قازىنالىق جاردەماقى سىندى بۇرىنعى 3 ءتۇرلى ءوندىرىپ الۋ ارناسىن قىزمەت كورسەتۋ كىرىسى مەن قازىنالىق جاردەماقى سىندى 2 ارناعا وزگەرتۋ بولىپ تابىلادى، بۇل 60 نەشە جىلدان بەرگى <ءدارى - دارمەك ارقىلى ەمدەۋ اقىسىن ءوندىرىپ الۋدى> ءبىر جولدا اقىرلاستىرادى»، - دەيدى اۆتونوميالى رايوندىق دامۋ جانە رەفورما كوميتەتى مەڭگەرۋشىسىنىڭ كومەكشىسى لي چاڭچيڭ.
مەملەكەتتىڭ جالپى مولشەردى مەڭگەرۋ، قۇرىلىمدى رەتتەۋ، جوعارىلاتۋ دا، تومەندەتۋ دە بولۋ، بىرتىندەپ تياناقتاندىرۋ ارقىلى ەمدەۋدەن قىزمەت كورسەتۋ باعا رەفورماسىن ىلگەرىلەتۋ پرينسيبى بويىنشا، 2017 - جىلى اۆتونوميالى رايون ەمدەۋدەن قىزمەت كورسەتۋدىڭ 5 ۇلكەن تۇردەگى 4395 نىسانىنىڭ باعاسىن رەتتەدى.
ءدارى - دارمەك ۇستەمە باعاسىن كۇشىنەن قالدىرۋ نەگىزىندە، ەمدەۋگە جۇمسالاتىن ماتەريالداردىڭ جانە ءىرى تۇرپاتتى ەمدەۋ جابدىقتارىمەن تەكسەرۋدىڭ، ساراپتاۋدىڭ باعاسىن ونان ارى تومەندەتتى. مۇنىڭ ىشىندە 3 - دارەجەلى ۇكىمەتتىك ەمدەۋ قۇرىلىمدارىنىڭ تەكسەرۋ تۇرىندەگى نىساندارىنىڭ باعاسى %15، لابوراتوريالىق تەكسەرۋ تۇرىندەگى نىساندارىنىڭ باعاسى %15، 2 - دارەجەلى جانە 1 - دارەجەلى ۇكىمەتتىك ەمدەۋ قۇرىلىمدارىنىڭ تەكسەرۋ تۇرىندەگى نىساندارىنىڭ باعاسى %19، لابوراتوريالىق تەكسەرۋ تۇرىندەگى نىساندارىنىڭ باعاسى %20 تومەندەدى؛ دياگنوز قويۋ، ەمدەۋ، وپەراتسيا جاساۋ، دەنساۋلىعىن قالپىنا كەلتىرۋ، كۇتىمدەۋ، جۇڭگوشا شيپاگەرلىك سياقتى ەمدەۋ قىزمەتكەرلەرىنىڭ تەحنيكالىق ەڭبەگىنىڭ قۇنىن كورسەتەتىن نىسانداردىڭ باعاسىن جوعارىلاتىپ، «شينجياڭ ۇيعۇر اۆتونوميالى رايونىنىڭ ەمدەۋدەن قىزمەت كورسەتۋدىڭ باعا ولشەمىن (سىناق رەتىندە اتقارىلاتىن نۇسقا)» قالىپتاستىرىپ، ونى 2017 - جىلى 9 - قىركۇيەكتە بۇكىل رايون بويىنشا ورنىقتى، ءتارتىپتى تۇردە اتقارا باستادى.
اۆتونوميالى رايوندىق دامۋ جانە رەفورما كوميتەتىنىڭ ەمدەۋ، ءدارى - دارمەك جانە قىزمەت كورسەتۋ باعاسى باسقارماسىنىڭ ەسەپتەۋىنشە، ەمدەۋدەن قىزمەت كورسەتۋدىڭ باعاسى رەتتەلگەننەن كەيىن، ناۋقاستار كوتەرەتىن جالپىلىق اقىنىڭ دەڭگەيى وسپەگەن، دەسە دە جەكە ناۋقاس ادامدار ءۇشىن، ەمدەلەتىن اۋرۋى، ەمدەۋ جوباسى، ەمدەلۋ مەزگىلى سياقتى جاقتاردا جەكە ايىرماشىلىقتار بولاتىنى سەبەپتى، تۇرلىشە ىقپال بولۋى مۇمكىن ەكەن.
بيىل قىستا تۋىلعان B تيپتى تۇماۋدى مىسالعا الساق، رەفورمادان بۇرىن، ناۋقاستاردىڭ 3A شيپاحانالاردىڭ امبالاتورياسىندا ەمدەلۋ اقىسى ورتا ەسەپپەن 700 يۋانداي بولاتىن؛ رەفورمادان كەيىن، اعا شيپاگەردىڭ تەحنيكاسى مەن ەڭبەگىنىڭ قۇنىن كورسەتەتىن تەكسەرۋ - دياگنوز قويۋ اقىسى 8 يۋان وسكەنىمەن، ناۋقاستىڭ داعدىلى قان ساراپتاما اقىسى 4 يۋان، كوكىرەك ءبولىمىن رەنتىگەنمەن تەكسەرۋ باعاسى 14 يۋان، B تيپتى تۇماۋدى ەمدەۋدە ۇنەمى قولدانىلاتىن وسەلتاميۆير (يمپورت ەتىلگەن) ءدارىسىنىڭ باعاسى 35 يۋان تومەندەپ، باسقا دا سايكەستى دارىلەردىڭ باعاسى دا تۇرلىشە دەڭگەيدە ارزانداپ، جالپى ەمدەلۋ اقىسى 620 يۋانعا ءتۇسىپ، رەفورمادان بۇرىنعى كەزدەن 80 يۋان، %12 ارزانداعان.
اۋرۋ تۇرىنە قاراي اقى الۋدى سىناق ەتىپ، ەمدەۋ اقىسىنىڭ ءوسۋىن تەجەدى
2018 - جىلى 4 - قاڭتاردا اۆتونوميالى رايوندىق دامۋ جانە رەفورما كوميتەتى 100 ءتۇرلى جەكە اۋرۋ ءتۇرى بويىنشا ەمدەۋدەن قىزمەت كورسەتۋدىڭ ەڭ جوعارى شەكتەگى باعاسىن اۋرۋ تۇرىنە قاراي بەلگىلەدى ءارى جاريالادى.
ەمدەۋدەن قىزمەت كورسەتۋدە اۋرۋ تۇرىنە قاراي اقى الۋ دەگەنىمىز ەمدەۋ قۇرىلىمى ەمدەۋدەن قىزمەت كورسەتۋ بارىسىندا اۋرۋ ءتۇرىن اقى ەسەپتەۋدىڭ بىرلىگى ەتىپ ناۋقاستان اقى الۋى، مۇندا ناۋقاس بالنيتساعا جاتقان كەزدەگى دياگنوز قويۋ جانە ەمدەۋ سياقتى بارلىق اقىلار، ياعني ناۋقاس اۋرۋحاناعا الىنعاننان باستاپ، اۋرۋ تۇرىنە قاراي ەمدەۋ، باسقارۋ ءتارتىبى بويىنشا ولشەمدى ەمدەلىپ، اقىرىندا ەمدەۋ ونىمىنە جەتىپ اۋرۋحانادان شىققانعا دەيىنگى تۇتاس بارىستا بولعان دياگنوز قويۋ، ەمدەۋ، وپەراتسيا، ناركوز، تەكسەرۋ، سىناۋ، كۇتىمدەۋ جانە توسەك ورنى، ءدارى - دارمەك، شيپاگەرلىك ماتەريالدارى سياقتىلاردىڭ ءتۇرلى اقىلارى قامتىلادى.
اۆتونوميالى رايوندىق دامۋ جانە رەفورما كوميتەتى ءدارى - دارمەك جانە قىزمەت كورسەتۋ باعاسىن باسقارۋ باسقارماسىنىڭ باستىعى دۋان لي بىلاي دەپ تانىستىردى: اۋرۋ تۇرىنە قاراي اقى الۋ ناۋقاستىڭ جاعدايدى ءبىلۋ ۇقىعىن، تاڭداۋ ۇقىعىن قامتاماسىز ەتۋگە ءتيىمدى، ەمدەۋ قۇرىلىمدارىن اناعۇرلىم عىلمي، لايىقتى، ولشەمدى ەمدەۋ ارەكەتىن قالىپتاستىرۋعا جەتەكتەۋگە ءتيىمدى. كەزەكتە، تۇتاس رايونىمىزداعى 2 - دارەجەلى جانە ونان جوعارعى ۇكىمەت شيپاحانالارى اۋرۋ تۇرىنە قاراي اقى الۋدى رەسمي جولعا قويعان 100 ءتۇرلى اۋرۋ ءتۇرى، باستىسى، رايونىمىزدا ۇنەمى تۋىلاتىن نەمەسە بىرىكپە، قوسالقى اۋرۋلارى از اۋرۋ تۇرلەرى ەسەپتەلەدى، بۇندا، باستىسى، ديابەت، كەڭىردەكشە دەمىكپەسى ۇستاۋ، سوقىر ىشەكتىڭ شۇعىل حاراكتەرلى جەڭىل قابىنۋى، ءوت قالتاسى قابىنۋ، بالانى ءساتتى بوساندىرۋ، قۇرساق جارىپ بوساندىرۋ وپەراتسياسى سياقتىلار بار.
ءداستۇرلى ەمدەۋ ءتۇرى بويىنشا اقى الۋ فورماسىمەن سالىستىرعاندا، اۋرۋ تۇرىنە قاراي اقى الۋ ارقىلى ناۋقاستىڭ قاراجات اۋىرتپالىعىن ىشكەرىلەي جەڭىلدەتۋگە بولادى. كەڭىردەكشە، وكپە راگىن مىسالعا الساق، اۆتونوميالى رايونىمىزداعى 3 ءىرى شيپاحانانىڭ 2014 - جىلدان 2016 - جىلعا دەيىنگى ۇستەمەلەنگەن ورتاشا ەسەپ اقىسى جەكە - جەكە 82 مىڭ 600 يۋان، 90 مىڭ 184 يۋان، 54 مىڭ 851 يۋان بولعان. 2017 - جىلى قىركۇيەكتە «شينجياڭ ۇيعۇر اۆتونوميالى رايونىنىڭ ەمدەۋدەن قىزمەت كورسەتۋ اقى ولشەمى (سىناق رەتىندە اتقارىلاتىن نۇسقا)» اتقارىلعاننان كەيىن، وسى اۋرۋ ءتۇرىنىڭ شيپاحاناداعى اقىسى 73 مىڭ 800 يۋان بولعان، مۇنىڭ ىشىندە تەكسەرۋ، ساراپتاۋ اقىسى 15 مىڭ يۋانعا جۋىق، جالپى اقىنىڭ %20ىن ۇستايدى؛ ماتەريال اقىسى 31 مىڭ يۋان، جالپى اقىنىڭ %42ىن ۇستايدى.
ۇزاق ۋاقىتتىق ءونىمدى مەحانيزم ورناتىپ، جاڭاشا ەمدەۋدەن قىزمەت كورسەتۋدىڭ باعا سالىستىرماسى قاتىناسىن قالىپتاستىردى
«ەمدەۋدەن قىزمەت كورسەتۋدىڭ باعا رەفورماسىن ءدارى - دارمەك، دەنساۋلىق ساقتاۋ ءتۇزىلىسى رەفورماسىنداعى <ماڭىزدى ءتۇيىن> ەتىپ، مەيلى نىسان الدە اۋرۋ ءتۇرى بويىنشا ەمدەۋدەن قىزمەت كورسەتۋ اقىسى ولشەمىن رەتتەۋ جاعىندا بولسىن، شەشۋگە ءتيىستى وزەكتى ماسەلە - بۇقارانىڭ اۋرۋ كورسەتۋى قيىنعا سوعۋ، اۋرۋ كورسەتۋى قىمبات بولۋ ماسەلەسى، ۇكىمەت شيپاحانالارىنىڭ الەۋمەتتىك يگىلىك سيپاتىن، شيپاگەرلەردىڭ اۋرۋدى ەمدەپ، ادامدى قۇتقارۋ ءمانىن قالپىنا كەلتىرۋ، ۇيلەسىمسىز ءتۇزىلىس مەحانيزمىن تالقانداپ، ەمدەۋ قىزمەتكەرلەرىنىڭ ەڭبەك قۇنىن اناعۇرلىم ايگىلەپ، جاڭاشا ەمدەۋدەن قىزمەت كورسەتۋدىڭ باعا سالىستىرماسى قاتىناسىن قالىپتاستىرۋ كەرەك»، - دەدى لي چاڭچيڭ.
كەلەسى قادامدا، اۆتونوميالى رايوندىق دامۋ، رەفورما كوميتەتى تۇتاس رايونىمىزدا ەمدەۋ اسپاپتارى مەن ماتەريالدارىنىڭ ۇستەمە اقى كىرىسىن جاپپاي كۇشىنەن قالدىرىپ، وزىندىك قۇن مەن كىرىس قۇرىلىمى وزگەرىسىن نەگىز ەتكەن ەمدەۋدەن قىزمەت كورسەتۋ باعاسىن يكەمدى رەتتەۋ مەحانيزمىن ورناتىپ، قاتىستى كورسەتكىشتەر جۇيەسىن تۇراقتاندىرىپ، ەمدەۋدەن قىزمەت كورسەتۋ باعاسىن يكەمدى رەتتەۋ مەحانيزمىن بىرتىندەپ ورناتۋ ءادىسىن، جولىن، ناقتى ورنالاستىرۋىن جۇيەلى العا قويىپ، ەمدەۋدەن قىزمەت كورسەتۋدىڭ باعا سالىستىرماسى قاتىناسىن ونان ارى رەتتەپ، ناۋقاستاردىڭ ءدارى - دارمەك قاراجاتىن «كەرەكتى جەرگە» جۇمساۋىنا مۇمكىندىك جاساپ، ەمدەۋدەن قىزمەت كورسەتۋ جاعىنداعى تابىس سەزىمىن جوعارىلاتۋعا كۇش سالادى.
سونىمەن قاتار، باقىلاۋ، تەكسەرۋ تەبىنىن ارتتىرىپ، جالپىلىق باقىلاۋ - باسقارۋ مەحانيزمىن كۇشەيتىپ، دەنساۋلىق ساقتاۋ - جوسپارلى تۋىت، دامۋ - رەفورما، ادام كۇشى بايلىعى جانە قوعامدىق قامتاماسىزداندىرۋ، ءدارى - دارمەك باقىلاۋ سياقتى تاراۋلار دا ارناۋلى زاڭ اتقارۋ جانە بىرلەسىپ زاڭ اتقارۋ تەبىنىن ارتتىرىپ، ەمدەۋدەن قىزمەت كورسەتۋ سالاسىنداعى زاڭعا، ەرەجەگە قايشى ارەكەتتەردى قاتاڭ تەكسەرىپ ءبىر جايلى ەتىپ، مالىمدەگەن ىستەردى، ءسوز جوق، تەكسەرىپ، زاڭعا قايشى ارەكەتتەردى، ءسوز جوق، قۋزاستىرىپ، بايقالعاندارىن الاستاپ، زاردابى اۋىر، سيپاتى ناشار تيپتىك دەلولاردىڭ تەكسەرىپ انىقتالعانىن اشىق جاريالاپ، ناۋقاستاردىڭ زاڭدى مۇددەسىن شىن مانىندە قورعايدى.
بۇقارانىڭ كەڭەس سۇراۋىنا، اشكەرەلەۋىنە قولايلى بولۋ ءۇشىن، اۆتونوميالى رايون ىستىق لەنيالى قىزمەت ەتۋ تەلەفون جەلىسىنەن تورتەۋىن اشتى، مۇنىڭ ىشىندە ەمدەۋ ارەكەتتەرىن ارناعا ءتۇسىرۋ ماسەلەسىنە قاتىستى دەنساۋلىق ساقتاۋ، قىزمەت ەتۋ ىستىق لەنياسى 12320؛ باعاعا قاتىستى زاڭعا قايشى ماسەلەلەر جونىندە 12358 اشكەرەلەۋ تەلەفونى، ينتەرنەت ارقىلى كەڭەس سۇراۋعا، اشكەرەلەۋگە، سونداي - اق سىپات ماتەريالدارىن ساقتاۋعا بولادى؛ ەمدەلۋدى قامسىزداندىرۋ قاراجاتىن ۇكىمەت ەسەبىنە جاتقىزۋ ماسەلەسىنە قاتىستى ەمدەلۋدى قامسىزداندىرۋعا قىزمەت كورسەتۋ ىستىق لەنياسى 12333؛ قوعامدىق قۇتقارۋ - كومەك كورسەتۋ ساياساتى ماسەلەسىنە قاتىستى قىزمەت كورسەتۋ ىستىق لەنياسى 96156.
