تيانشان تورابى   ›   جاڭالىقتار   ›   شينجياڭ حابارلارى

شينجياڭ قاشقار كەشەندى باجىسىز اۋماعىنىڭ بىلتىرعى ساۋدا سوماسى 60 ميلليون دوللاردان استى

  شينحۋا اگەنتتىگىنىڭ 17 - قاڭتاردا ۇرىمجىدەن بەرگەن حابارى. شينجياڭ قاشقار كەدەنى جاريالاعان ساندى مالىمەتكە قاراعاندا، بىلتىر قاشقار كەشەندى باجىسىز اۋماعىنىڭ يمپورت - ەكسپورت ساۋدا سوماسى 60 ميلليون 49 مىڭ دوللارعا جەتىپ، سايكەستى مەزگىلدەگىدەن 17718.7٪ ارتقان، جۇك تاسىمال مولشەرى 1856 توننا بولىپ، سايكەستى مەزگىلدەگىدەن %1650.9ارتقان.

  قاشقار كەشەندى باجىسىز اۋماعى 2014 - جىلى قىركۇيەكتە مەملەكەتتىك كەڭەستىڭ بەكىتۋىمەن قۇرىلعان، كەلەسى جىلى ساۋىردەن باستاپ جابىق كەدەندىك جۇمىس جۇرگىزىپ، شينجياڭنىڭ وڭتۇستىگىندەگى تۇڭعىش، شينجياڭداعى 2 - ۋنيۆەرسال قورعامالى باجى رايونىنا اينالدى.

  قاشقار ەرەكشە رايونىن باسقارۋ كوميتەتىنىڭ ورىنباسار مەڭگەرۋشىسى، كەشەندى باجىسىز اۋماعى باسقارۋ كوميتەتىنىڭ مەڭگەرۋشىسى باي سان بىلاي دەپ تانىستىردى: قاشقار كەشەندى باجىسىز اۋماعىنىڭ 2016 - جىلعى يمپورت - ەكسپورت ساۋدا سوماسى 337 مىڭ دوللاردى قۇرادى، 2017 - جىلى قاشقار كەشەندى باجىسىز اۋماعى ي - ۋدان (شىعىس جۇڭگو باعىتى) شىعىپ، قاشقاردى باسىپ، ورتا ازياعا، وڭتۇستىك ازياعا باراتىن كوپ ۇلگىدەگى تىزبەكتى تاسىمال كەزەكشى پويەزى، باۋديڭنەن (بەيجيڭ، تيانجين، حىبەي باعىتى) شىعىپ، قاشقاردى باسىپ، ورتا ازياعا، وڭتۇستىك ازياعا باراتىن كوپ ۇلگىدەگى تىزبەكتى تاسىمال كەزەكشى پويەزى، شىنجىن - گۋاڭجوۋدان (وڭتۇستىك جۇڭگو باعىتى) شىعىپ، قاشقاردى باسىپ، ورتا ازياعا، وڭتۇستىك ازياعا باراتىن كوپ ۇلگىدەگى تىزبەكتى تاسىمال كەزەكشى پويەزى سياقتى زات جونەلتۋ ارنالارىن اشتى، ىرگەلەس ەلدەرگە ساتىلاتىن قاتىستى تاۋارلار قاشقار كەشەندى باجىسىز اۋماعىندا تۇرگە ايىرىلىپ، تاراتىلاتىن جانە جيىپ قوراپتالاتىن بولدى. «بۇل بىلتىرعى ساۋدا سوماسىنىڭ قاۋىرت ارتۋىنداعى ماڭىزدى سەبەپ».

 بۇدان سىرت، بىلتىر قاشقار كەشەندى باجىسىز اۋماعىنىڭ مانەرلەۋ ساۋداسى تابىستى بولىپ، ەلەكتروندى مانەرلەۋ كاسىبىنىڭ تاۋار مولشەرى 15 ميلليون 440 مىڭ دوللار بولدى؛ باجىسىز قامبادا ساقتاۋ، باجىسىز كورمەگە قويىپ ساتۋ سياقتى جاڭادان گۇلدەنگەن كاسىپ سالالارى جەدەل دامىپ، باجىسىز قامبادا ساقتاۋ كاسىبى كىرىسى 45 ميلليون دوللاردان استى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى