تيانشان تورى
تيانشان تورى   ›   جاڭالىقتار   ›   شينجياڭ حابارلارى

ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى

  چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين ماجىلىسكە قاتىناسىپ قۇتتىقتادى

  نۇرلان ءابىلماجىن ۇلى ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى

ءماجىلىستى چىڭ جىنشان باسقاردى، ءجۇرات يمىن ۇسىنىس جوبا قىزمەتىنەن بايانداما جاسادى

  ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى 2018 - جىلى 21 - قاڭتاردا شينجياڭ حالىق سارايىندا اشىلدى. سۋرەتتە: ءماجىلىس زالى.

   21 - قاڭتار تۇستەن بۇرىن ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى شينجياڭ حالىق سارايىندا اشىلدى.

  ءماجىلىس زالى سالتاناتتى، دۋماندى بەينەگە شومىپ، ساياسي كەڭەس گەربى ءتوراعالار مىنبەسىنىڭ تورىنە ءىلىنىپ، ونىڭ ەكى جاعىنا بەستەن نارت قىزىل تۋ قويىلدى.

  ءماجىلىس ءتوراعالار القاسىنىڭ تۇراقتى ءتوراعالارى نۇرلان ءابىلماجىن ۇلى، چىڭ جىنشان، ءجۇرات يمىن، ماعاۋ سەيتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، ءيلھام سابىر، ما شيۇڭچىڭ، ابدۇراقۇپ تۇمىنياز ءتوراعالار مىنبەسىنىڭ الدىڭعى قاتارىنان ورىن الدى.

  چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين، ليۋ ۋانلۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.

  ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ماجىلىسىنە قاتىناسۋعا ءتيىستى مۇشە 530، ناق قاتىناسقانى 489، بۇل بەلگىلەمەدەگى ادام سانىنا ۇيلەسەدى.

  ساعات 10نان 30 مينۋت وتكەندە، چىڭ جىنشان ءماجىلىستىڭ اشىلعاندىعىن جاريالادى، زالداعى بارلىق ادام ورىندارىنان تۇرىپ، مەملەكەت گيمنىن اسقاقتاتا شىرقادى.

  نۇرلان ءابىلماجىن ۇلى ساياسي كەڭەس اۆتونوميالى رايوندىق 11 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.

  نۇرلان ءابىلماجىن ۇلى وتكەن 5 جىلداعى قىزمەتتى 6 جاقتان قورىتىندىلادى. ول بىلاي دەدى: 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك كەڭەستىك دەموكراتيا مەن حالىق ساياسي كەڭەسىنىڭ قىزمەتىن كۇشەيتۋ تۋرالى ءبىر قىدىرۋ ماڭىزدى ستراتەگيالىق ورنالاستىرۋ جاساپ، حالىق ساياسي كەڭەس ىستەرىنىڭ جاڭا كەزەڭگە ءوتۋىن جەبەدى. اۆتونوميالى رايوندىق پارتكومنىڭ دۇرىس باسشىلىعىندا، بۇكىل رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، وتانشىلدىق، سوتسياليزم تۋىن بيىك ۇستاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، نازاردى باس نىساناعا باتىل شوعىرلاندىرىپ، ىرىقتىلىقپەن جاۋاپكەرلىك ارقالاپ، ءىس تىندىرىپ، تۇرلىشە قىزمەتتە تىڭ ىلگەرىلەۋشىلىكتەرگە، سونى تابىستارعا قول جەتكىزىپ، شينجياڭنىڭ ورنىقتىلىعى مەن دامۋى ءۇشىن تىلەك توعىستىرىپ، بىلەك بىرىكتىرىپ، قوعام ورنىقتىلىعى مەن باياندى تىنىشتىقتى جەبەۋ ءۇشىن ماڭىزدى رول اتقارىپ، كەلەلى ۇلەس قوستى. 5 جىلدان بەرى، ءبىز مىنانى تەرەڭ سەزىندىك: حالىق ساياسي كەڭەس قىزمەتىن ويداعىداي ىستەۋ ءۇشىن، ءسوز جوق، جۇڭگو كوممۋنيستىك پارتياسىنىڭ جالپى بەتتىك باسشىلىعىنا باستان - اياق تاباندى بولىپ، «4 تانىمدى» كۇشەيتۋ؛ ءسوز جوق، قاشاندا ساياسي كەڭەستىڭ سيپاتى مەن ورنىن مىقتى يگەرىپ، ساياسي كەڭەستىڭ فۋنكتسياسى مەن رولىن ونان ارى جاقسى ساۋلەلەندىرۋ؛ ءسوز جوق، قاشاندا باس نىسانانى ارقاۋ ەتە وتىرىپ ساياسي كەڭەس قىزمەتىن ىلگەرىلەتىپ، جاڭا داۋىردەگى ساياسي كەڭەستىڭ بورىشىن ارقالاۋ؛ ءسوز جوق، قاشاندا حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن مىندەت اتقارۋ نىساناسى ەتۋ؛ ءسوز جوق، قاشاندا نازاردى باس نىساناعا شوعىرلاندىرا وتىرىپ ىنتىماق، دوستىق قيمىلدارىن ورىستەتىپ، ىنتىماقتاسۋدىڭ، جىگەرلەنە العا باسۋدىڭ وڭ ەنەرگياسىن كەڭ كولەمدە توپتاۋ كەرەك.

  نۇرلان ءابىلماجىن ۇلى مىنالاردى باسا دارىپتەدى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ۇيرەنۋدى، دايەكتىلەندىرۋدى مىندەت اتقارۋدىڭ العى شارتى، جۇڭگوشا سوتسياليزمگە تاباندى بولۋ جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ ارقاۋى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، جاڭا داۋىردە جۇڭگوشا سوتسياليزمنىڭ ۇلى جەڭىسىنە جەتۋ ءۇشىن اقىل قوسىپ، كۇش ۇستەۋدى قىزمەتتىڭ نەگىزگى جەلىسى ەتۋدە تاباندى بولىپ، پارتيا ورتالىق كوميتەتى اشقان ءبىر قىدىرۋ ماڭىزدى ماجىلىستەردىڭ رۋحىن مۇقيات دايەكتىلەندىرۋىمىز، تياناقتاندىرۋىمىز، ىنتىماق پەن دەموكراتيا سىندى 2 ۇلكەن تاقىرىپتى ارقاۋ ەتىپ، كەڭەستىك دەموكراتيانى ساياسي كەڭەسۋدىڭ، دەموكراتيالىق باقىلاۋدىڭ، ۇكىمەت ىسىنە ارالاسۋدىڭ، ۇكىمەت ءىسىن كەڭەسۋدىڭ جالپى بارىسىنا ءسىڭىرىپ، ۇكىمەت ىسىنە كەڭەس بەرۋدىڭ مازمۇنى مەن فورماسىن كەمەلدەندىرۋىمىز، ورتاق تانىمدى كۇش سالا كۇشەيتىپ، ىنتىماقتى جەبەپ، ساياسي كەڭەستىڭ دەموكراتيالىق باقىلاۋىن كۇشەيتىپ، قوعام ورنىقتىلىعى مەن باياندى تىنىشتىق باس نىساناسى ءۇشىن اناعۇرلىم زور ۇلەس قوسۋىمىز، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەسۋىمىز كەرەك.

  ءجۇرات يمىن ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ تاپسىرۋىمەن ماجىلىسكە ساياسي كەڭەس 11 - كەزەكتى كوميتەتىنىڭ ۇسىنىس جوبا قىزمەتى جاعدايىنان بايانداما جاسادى. 5 جىلدان بەرى قالىڭ ساياسي كەڭەس مۇشەلەرى، ساياسي كەڭەسكە قاتىسۋشى ورىندار مەن ءارقايسى ارناۋلى كوميتەتتەر 4921 ۇسىنىس جوبا تاپسىرعان. تەكسەرۋ ارقىلى ونىڭ 4295ى ارحيۆكە الىنىپ، ۇسىنىس جوبالاردىڭ ءبىر جايلى ەتىلىپ، جاۋاپ قايتارىلۋ مولشەرى %100كە جەتكەن.

  اۆتونوميالى رايوندىق حالىق قۇرىلتايى، ۇكىمەت، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ، اۋە ارمياسىنىڭ ۇرىمجىدەگى بازاسىنىڭ نەگىزگى باسشىلارى؛ كەزىندە اۆتونوميالى رايوندىق ساياسي كەڭەستىڭ ءتوراعاسى، ورىنباسار ءتوراعاسى بولعان قارت باسشىلار، ت.ب ءتوراعالار مىنبەسىنەن ورىن الدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.