قارتتار قاڭتار كوجەسىنىڭ ءدامىن تاتۋدا
21-قاڭتار تۇستەن بۇرىن، شينجياڭ ءۇرىمجى قالاسى ميدۇڭ رايونى ازىق - تۇلىك ءدارى - دارمەك باقىلاۋ - باسقارۋ مەكەمەسى، ميدۇڭ رايونى جۇڭگوشا شيپاحاناسىنىڭ ءسانداۋبا قالاشىعى شى-ارحۋ باتىس قىستاعىندا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تۇراتىن قىزمەت اترەتى قىستاق كوميتەتىندە «قاڭتار كوجەسىن ءىشىپ، كوكتەم مەرەكەسىن قارسى الۋ» قيمىلىن ورىستەتتى، قىزمەت اترەتى مەن جۇپ قۇراپ تۋىس بولعان تۋىستارى، جەسىر قارتتار باس قوسىپ، الدىن الا قاڭتار كوجەسىن ءىشىپ، سۇيىسپەنشىلىكتى تەرەڭدەتتى.
تاڭەرتەڭ ەرتە، قىزمەت اترەتى قاربالاستىققا ءتۇستى، ءار ءتۇرلى شيكىزاتتاردان جاسالعان كوجەنىڭ بۋى بۇرقىراپ، كوپتەگەن قىستاق تۇرعىندارىن قىزىقتىردى، قىستاق كوميتەتىنىڭ اۋلاسىنان شاتتىق لەبى ەسىپ تۇردى.
كوپشىلىك قورالانا وتىرىپ، قاڭتار كوجەسىن ءىشتى. قىزمەت اترەتىنىڭ مۇشەلەرى تۋىستارىمەن پارتيانىڭ مەيىر-شاپاعاتى تۋرالى اڭىمەلەسىپ، باقىتتى تۇرمىستىڭ ءلاززاتىن بىرگە كوردى. قيمىل ناق مايدانىندا، قىزمەت اترەتى مۇشەلەرى كوپشىلىككە قاڭتار كوجەسىنىڭ كەلىپ شىعۋ تاريحىن ءتۇسىندىردى.
بۇدان سىرت، قىزمەت اترەتى شينجياڭدىق جاس سۋرەتشى ۋاڭ شياۋيۇيدى وسى قىستاقتا ورىستەتىلگەن «بوساعالىق جازىپ، تىلەك ءبىلدىرۋ» قيمىلىنا قاتىناسۋعا ۇسىنىس ەتتى، كوپشىلىكپەن بىرگە تىلەك ايتىپ، جاڭا جىلدى قارسى الدى.
شينجياڭدىق جاس سۋرەتشى ۋاڭ شياۋيۇي (سولدان ءبىرىنشى) بوساعالىق جازۋدا
قىزمەت اترەتىنىڭ باستىعى جاڭ ليمەي : «بيىلعى قاڭتار مەرەكەسى ءماندى دە ماعىنالى ءوتتى، جۇڭحۋانىڭ ءداستۇرلى مەرەكەسى قاڭتار مەرەكەسى مەن ‹ۇلتتار ىنتىماعىنىڭ بەرەكەلى شاڭىراعى› قيمىلى توعىسىپ، ءار ۇلت حالقىنىڭ بەرەكەسىن ونان ارى نىعايتتى»،-دەپ تانىستىردى.
«قىزمەت اترەتى جاساعان قاڭتار كوجەسىن ءىشىپ، جىلۋلىقتى سەزىندىك»،-دەدى 86 جاستاعى ما گوفۋ تەبىرەنە، «قاقاعان قىستام ءبىر شىنى قاڭتار كوجەسىن ءىشىپ الساڭ، تالەيىڭ جانادى، قىزمەت اترەتىنە راقىمەت، قارتتاردىڭ قامىن ويلاعانىنا»،-دەدى ول تاعى دا.
ۇعىسۋعا قاراعاندا، قاڭتار مەرەكەسى كۇنى، قىزمەت اترەتى جالعىز تۇراتىن، ءجۇرىپ - تۇرۋى قولايسىز قارتتاردىڭ ۇيىنە قاڭتار كوجەسى مەن حال سۇراۋ بۇيىمدارىن ارناۋلى جەتكىزىپ بەرىپ، حال سۇراپتى.
