تيانشان تورابى   ›   جاڭالىقتار   ›   شينجياڭ حابارلارى

«كەدەيلىكتىڭ تامىرىنا» دالمە - ءدال بالتا شاۋىپ، كەدەيلىكتەن قۇتىلۋ سەنىمىن بەكەمدەدى

  تىلشىلەرىمىز ما ينيڭ، چاۋ جين، چىن چياڭۋي

   باس شۋجي شي جينپيڭ پارتيا 19 - قۇرىلتايىندا: «كەدەيلەردى جاپپاي سۇيەمەلدەۋ جۇيەسىنە تاباندى بولۋدا كەدەيلەردى سۇيەمەلدەۋدى كەدەيلەردى جىگەر - قايرات جاعىنان سۇيەمەلدەۋمەن، اقىل - قابىلەت جاعىنان سۇيەمەلدەۋمەن ۇشتاستىرۋعا باسا ءمان بەرىپ، باتىس، شىعىس بولىكتەردىڭ كەدەيلەردى سۇيەمەلدەۋدەگى سەلبەستىگىن ىشكەرىلەي اتقارىپ، ەرەكشە كەدەي وڭىرلەردى كەدەيلىكتەن ارىلتۋ مىندەتىن ورىنداۋدان ءتۇيىندى تۇردە قامال الىپ، 2020 - جىلعا بارعاندا ەلىمىزدىڭ قازىرگى ولشەمى بويىنشا اۋىل - قىستاقتىڭ كەدەي حالقىن كەدەيلىكتەن ارىلتىپ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋعا كەپىلدىك ەتىپ، وڭىرلىك ءبىرىڭعاي كەدەيلىك ماسەلەسىن شەشىپ، ناق كەدەيلىكتەن ارىلتۋدى، كەدەيلىكتەن شىنايى ارىلتۋدى جۇزەگە اسىرۋ كەرەك»، - دەپ اتاپ كورسەتتى.
 2017 - جىلى رايونىمىزدىڭ كەدەيلىكتەن قۇتىلدىرۋدان قامال الۋ سەرپىنى ۇزبەي ارتىپ، 317 مىڭ 400 كەدەي كەدەيلىكتەن ورنىقتى قۇتىلدى. تيانشاننىڭ تۇستىگى مەن تەرىستىگىنەن كەلگەن حالىق قۇرىلتايى ۋاكىلدەرى مەن ساياسي كەڭەس مۇشەلەرى بۇدان ايرىقشا شابىت الدى. كوپشىلىك ماڭايىندا بولعان وزگەرىستەر مەن كەدەيلىكتەن قۇتىلدىرۋعا قاتىستى اڭگىمەلەردى تىلگە تيەك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنا دەگەن العىس سەزىمدەرىن، كەدەيلىكتەن دالمە - ءدال قۇتىلدىرۋدان قامال الۋ شايقاسىن باتىل ويداعىداي جۇرگىزىپ، جاپپاي دوڭگەلەك داۋلەتتى قوعام ورناتۋعا كەپىلدىك ەتۋدەگى سەنىمدەرى مەن بەكىمدەرىن ءبىلدىردى.

  جوۋ شينزۋ:

  «قىستاق تۇرعىندارى پارتيا ورتالىق كوميتەتىنە دەگەن العىس سەزىمدەرىن جەتكىزىپ قويۋىمدى تاپسىردى»

  «2017 - جىلى اۋىلىمىزدىڭ كەدەيلىكتەن قۇتىلدىرۋدان قامال الۋ سەرپىنى توتەنشە زور بولدى، 2050 ادام كەدەيلىكتەن قۇتىلدى». مۇشە جوۋ شينزۋعا تەرەڭ اسەر قالدىرعانى اۋىلدىق ۇكىمەتتەن ەڭ شالعايداعى اۋىر كەدەي قىستاقتىڭ تۇرعىنى ازامات ازەزدىڭ وتباسى ەدى. بۇل وتباسىنداعى ادامداردىڭ كەدەيلىكتەن قۇتىلىپ، اۋقاتتانۋداعى بەلسەندىلىگى دەگەندەي جوعارى بولماي كەلگەن. 2016 - جىلى اۋىل كونە جەمىس باعىن جاڭالاۋ ارقىلى 4 مۋ جەردى اداقتاپ، ۇكىمەت قوسىمشا قاراجات بەرۋ تاسىلىمەن 5 جىلىجاي، ءبىر قورا سالىپ بەرىپ، ازاماتقا كوكونىس ەكتىرگەن. 2017 - جىلى ازاماتتىڭ وتباسى كىرىسى 80 مىڭ يۋانعا جەتكەن، يدەياسىندا دا ۇلكەن وزگەرىس تۋىلعان ول پارتيا ۇيىمىنا ىرىقتى تۇردە جاقىنداپ، پارتياعا كىرۋ بەلسەندىسىنە اينالعان. «ازامات باستاعان كەدەيلىكتەن قۇتىلعان قىستاق تۇرعىندارى ماجىلىسكە قاتىناساتىنىمدى بىلگەننەن كەيىن، ماعان وزدەرىنىڭ پارتيا ورتالىق كوميتەتىنە دەگەن العىسىن جەتكىزىپ قويۋىمدى تاپسىردى» دەدى مۇشە جوۋ شينزۋ.

(سۇحبات قابىلداۋشى اۆتونوميالى رايوندىق ساياسي كەڭەستىڭ مۇشەسى، قاعىلىق اۋدانى جەتىملىقۇم اۋىلدىق پارتكومنىڭ ورىنباسار شۋجيى).

  ىلىمگۇل ابدۇزايىر:

  «سالاماتتىق ارقىلى كەدەيلەردى سۇيەمەلدەۋدىڭ <ەڭ سوڭعى ءبىر شاقىرىمىن> ۇلاستىردى»

  «جۋىق جىلداردان بەرى، رايونىمىزداعى سالاماتتىق ارقىلى كەدەيلەردى سۇيەمەلدەۋ ساياساتىنىڭ اتقارىلۋىنا ىلەسە، ەگىنشى - مالشىلاردىڭ ناۋقاس كورسەتۋ، شيپاحانادا جاتۋ اقىسى ەسەپتەن كوتەرىلەتىن، سوزىلمالى ناۋقاستار كەلىسىم بويىنشا باسقارىلاتىن، اۋىر ناۋقاسقا شالدىقسا، ەڭ تومەنگى شەگى قامتاماسىزداندىرىلاتىن بولدى، بۇل پارتيا مەن ۇكىمەتتىڭ اۋىل - قىستاقتارداعى كەدەيلەرگە جاساعان سالاماتتىق جونىندەگى قامتاماسىزداندىرۋى»، - دەدى مۇشە ىلىمگۇل ابدۇزايىر. ىلىمگۇل قىزمەت ىستەيتىن شيپاحانا اۆتونوميالى رايوندىق حالىق شيپاحاناسىنىڭ «ەمدەۋ بىرىككەن تۇلعاسىنا» قاتىناسقاننان كەيىن، ءار ۇلت حالقى ۇزاپ شىقپاي - اق 3A دارەجەلى شيپاحانانىڭ ساپالى ەمدەۋ قىزمەت كورسەتۋىنەن يگىلىكتەنە الاتىن بولدى، سونىمەن قوسا، نەگىزگى ساتى شيپاحانالارىنىڭ ءبىرشاما جوعارى ەمدەۋ قامسىزداندىرۋى بويىنشا ەسەپتەن كوتەرۋ سالىستىرماسىنان يگىلىكتەندى. «كەلىپ - كەتەتىن كىرە اقىسى، تۇرمىس اقىسى، جاتىن ورىن اقىسى قاتارلىلارعا كەتەتىن قارجىنى ۇنەمدەپ قالاتىن بولدى، بۇل سالاماتتىق ارقىلى كەدەيلەردى سۇيەمەلدەۋدىڭ <ەڭ سوڭعى ءبىر شاقىرىمىن> ۇلاستىردى»، - دەدى مۇشە ىلىمگۇل.

(سۇحبات قابىلداۋشى اۆتونوميالى رايوندىق ساياسي كەڭەستىڭ مۇشەسى، جاڭاشار اۋدانى حالىق شيپاحاناسى جۇڭگوشا شيپاگەرلىك ساۋىقتىرۋ ءبولىمىنىڭ مەڭگەرۋشىسى)

  ءوريات وشۇر:

  «بۇكىل ەل حالقىمەن بىرگە دوڭگەلەك داۋلەتكە جەتۋگە سەنىمىمىز كامىل»

     ۋاكىل ءوريات وشۇر بىلاي دەدى: بىرنەشە جىلدىڭ الدىندا مەن كەلپىن اۋدانى يۇرچى اۋىلى يۇرچى قىستاعىندا تەكسەرۋ - زەرتتەۋ جۇرگىزگەندە ءبىر كەدەي وتباسىمەن تانىستىم، 2 مۋ جەرى عانا بار ولاردىڭ تۇرمىستارى توتەنشە ناشار ەكەن. كەيىن كەدەيلەردى سۇيەمەلدەۋگە كەلگەن كادرلاردىڭ كومەگىندە وسى وتباسىنىڭ ۇلكەن ۇلى شەبەرلىككە باۋلۋ كۋرسىن تەگىن وقىپ، اسپازدىق ونەرىن ۇيرەندى ءارى ءوسىمسىز قارىز اقشا الىپ، 2017 - جىلى اۋدان قالاشىعىنان شاعىن اسحانا اشىپ، ايلىق كىرىسىن 4000 يۋاننان اسىردى. ولار ماعان: پارتيانىڭ ابزال ساياساتىنىڭ ارقاسىندا وتباسىمىز كەدەيلىكتەن قۇتىلدى، - دەدى. ولاردىڭ بۇل ءسوزىن ەستىپ، قىزمەتىمىزدىڭ بوسقا ىستەلمەگەنىن سەزىندىم. اۋىر كەدەي اۋدان بولعان كەلپىن باسقا سالالارعا ويىستىرىپ جۇمىسقا ورنالاستىرۋ، كاسىپ سالاسىن دامىتۋ، كەدەيلەردى قونىس جاڭالاپ سۇيەمەلدەۋ سياقتى تاسىلدەر ارقىلى كەدەيلەر سانىن 2014 - جىلعى 15مىڭ 819 ادامنان 2017 - جىلى 5896 ادامعا ازايتتى. ءبىزدىڭ بۇكىل ەل حالقىمەن بىرگە دوڭگەلەك داۋلەتكە جەتۋگە سەنىمىمىز كامىل.

(سۇحبات قابىلداۋشى اۆتونوميالى رايوندىق حالىق قۇرىلتايىنىڭ ۋاكىلى، كەلپىن اۋداندىق پارتكومنىڭ ورىنباسار شۋجيى، اۋدان اكىمى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى