ءتاڭىرتاۋ تورابى   ›   جاڭالىقتار   ›   شينجياڭ حابارلارى

ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى جەڭىسپەن جابىلدى

چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين ماجىلىسكە قاتىناستى

نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى

  ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى 25 - قاڭتار كۇنى ءتۇستىڭ الدىندا حالىق سارايىندا جابىلدى. سۋرەتتە: ءماجىلىس ءساتى.

  ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى ءتۇرلى كەڭەستىك تارتىپتەرىن تولىق ورىنداپ بولعان سوڭ، 25 - قاڭتار كۇنى ءتۇستىڭ الدىندا حالىق سارايىندا جەڭىسپەن جابىلدى.

  چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين، ليۋ ۋانلۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي قاتارلى باسشى جولداستار جانە اۆتونوميالى رايوننىڭ پارتيا، ۇكىمەت، ارميا ورىندارىنىڭ، سونداي - اق بيڭتۋاننىڭ باسشىلارى ماجىلىسكە قاتىناسىپ، ساياسي كەڭەس اۆتونوميالى رايوندىق 12 - كەزەكتى كوميتەتى 1 - ءماجىلىسىنىڭ جابىلعانىن قىزۋ قۇتتىقتادى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى. اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ماعاۋ سەيتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، ءيلھام سابىر، ما شيۇڭچىڭ، ابدۇرىقىپ ءتومۇرنياز ءتوراعالار مىنبەسىنىڭ الدىڭعى قاتارىنان ورىن الدى.

  جابىلۋ جيىنىنا قاتىناسۋعا ءتيىستى مۇشە سانى 530، ناقتى قاتىناسقان مۇشە سانى 512، بۇل زاڭدا بەلگىلەنگەن سانعا ۇيلەسەدى.

  ساعات 12دەن 30 مينۋت وتكەندە، نۇرلان ءابىلماجىن ۇلى جابىلۋ جينالىسىنىڭ باستالعاندىعىن جاريالادى.

  ءماجىلىس ساياسي كەڭەس اۆتونوميالى رايوندىق 12 - كەزەكتى كوميتەتى 1 - ءماجىلىسىنىڭ تۇراقتى كوميتەتتىڭ قىزمەتىنەن بايانداماسى جونىندەگى قاۋلىسىن ماقۇلدادى؛ ساياسي كەڭەس اۆتونوميالى رايوندىق 12 - كەزەكتى كوميتەتى 1 - ءماجىلىسىنىڭ ۇسىنىس جوبالاردى تەكسەرۋ كوميسسياسىنىڭ ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسىن ماقۇلدادى؛ ساياسي كەڭەس اۆتونوميالى رايوندىق 12 - كەزەكتى كوميتەتى 1 - ءماجىلىسىنىڭ ساياسي قاۋلىسىن ماقۇلدادى.
 ونان سوڭ نۇرلان ءابىلماجىن ۇلى جاڭا كەزەكتى اۆتونوميالى رايوندىق ساياسي كەڭەس تۇراقتى كوميتەتى اتىنان پارتيا مەن حالىقتىڭ ماڭىزدى تاپسىرماسىن ورىنداپ، مۇشەلەردىڭ ءۇمىتىن اقتاپ، اۆتونوميالى رايوندىق پارتكومنىڭ دۇرىس باسشىلىعىندا تاباندى دا باتىل تۇردە مىندەتتەرىن مۇقيات وتەپ، ىنتىماقتاسا كۇرەس جۇرگىزىپ، ساياسي كەڭەس ىستەرىن ۇزدىكسىز العا ىلگەرىلەتەتىندىگىن ءبىلدىردى.

  نۇرلان ءابىلماجىن ۇلى مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا باس نىسانانى مىقتاپ ارقاۋ ەتىپ، ءداۋىردىڭ ماڭىزدى تاپسىرماسىن ۇستىمىزگە الۋىمىز كەرەك. ءبىرىنشى، جاڭا داۋىردە جاڭا دەڭگەيدى ءوسىرىپ، ساياسي قۇرىلىستى بۇلجىماستان ءبىرىنشى ورىنعا قويۋ كەرەك. باس شۋجي شي جينپيڭنىڭ پارتيا ورتالىق كوميتەتىنىڭ جانە بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، «4 تانىمدى»، «4 سەنىمدى» باتىل كۇشەيتىپ، شينجياڭ استانا بەيجيڭنەن شالعاي بولسا دا، جۇرەگىمىزدىڭ قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز ەتەنە جالعاسۋىنا، بىتە قايناسۋىنا شىنايى كەپىلدىك ەتۋىمىز كەرەك. ەكىنشى، جاڭا داۋىردە جاڭا تەبىن بايقاتىپ، نازاردى بۇلجىماي باس نىساناعا شوعىرلاندىرىپ، جاۋاپكەرشىلىكتى باتىلدىقپەن ارقالاۋىمىز كەرەك. قوعامنىڭ جاراسىمدى ورنىقتىلىعىن قورعاۋدا جاۋاپكەرشىلىكتى باتىل ارقالاۋعا، جاڭا دامۋ ۇستانىمىن شىن مانىندە دايەكتىلەندىرۋدە جاۋاپكەرشىلىكتى ويداعىداي وتەۋگە، حالىق تۇرمىسىن كۇش سالا قامتاماسىز ەتۋ مەن جاقسارتۋدا ءىس تىندىرۋعا، ۇلتتار ىنتىماعىن ۇزدىكسىز بەكەمدەۋدە ۇلگى بولۋعا باسا دەن قويىپ، اۆتونوميالى رايوندىق پارتكومنىڭ شەشىم - ورنالاستىرۋلارىنىڭ تياناقتاندىرىلۋىن بۇلجىماستان ساياسي كەڭەس قىزمەت تاسىلىمەن ىلگەرىلەتۋىمىز كەرەك. ءۇشىنشى، جاڭا داۋىردە جاڭا بەينە تانىتىپ، بۇلجىماستان ناقتى ىستەۋ بارىسىندا ستيلگە بۇرىلىس جاساۋ، ناقتى ونىمدىلىككە تالپىنۋىمىز كەرەك. باس نىسانانى تياناقتاندىرۋعا، ساياسي كەڭەس فۋنكتسياسىن اتقارۋعا قىزمەت كورسەتۋدە باتىلدىقپەن اۆانگارد بولىپ، شوگەلدىلىكپەن، شىنايى ىستەپ، كوز بوياۋشىلىق ىستەمەي، پارتيا مەن حالىقتىڭ سەنىمىنە جانە ماڭىزدى تاپسىرماسىنا مىندەتتى اتقارۋداعى بىرەگەي ناتيجەلەرمەن جاۋاپ قايتارىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، قوعام ورنىقتىلىعى مەن باياندى تىنىشتىق باس نىساناسىن تىڭعىلىقتى ىلگەرىلەتۋگە جاڭا ءارى ءتىپتى زور ۇلەس قوسۋىمىز كەرەك.

  ساعات 13تەن 10 مينۋت وتكەندە، ءماجىلىس ايبىندى مەملەكەت گيمنى ىشىندە جابىلدى.

 اۆتونوميالى رايوندىق حالىق قۇرىلتايىنىڭ، ۇكىمەتتىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القالارىنىڭ قۇرامىنداعىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى، اۋە ارمياسىنىڭ ءۇرىمجى بازاسىنداعى نەگىزگى باسشى جولداستار؛ اۆتونوميالى رايوندىق ساياسي كەڭەستىڭ بۇرىنعى كەزەكتەگى ءتوراعاسى، ورىنباسار ءتوراعاسى مىندەتىن وتەگەن ساقا جولداستار؛ اۆتونوميالى رايوندىق ساياسي كەڭەسكە قاتىسۋشى ورىنداردىڭ جاۋاپتىلارى دا ءتوراعالار مىنبەسىنەن ورىن الدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى