(شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايى 1 - ماجىلىسىندە 2018 - جىلى 26 - قاڭتاردا ماقۇلداندى)
شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايىنىڭ 1 - ءماجىلىسى ۋاقىتتىق مەكەمە باستىعى باھارگۇل سامەت جاساعان اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن باياندامانى تىڭدادى جانە قاراپ شىقتى. ءماجىلىس اۆتونوميالى رايوندىق حالىق سوتى مەكەمەسىنىڭ وتكەن 5 جىلداعى قىزمەتىنە رازىلىق ءبىلدىرىپ، 2018 - جىلعى قىزمەتتەر جونىندە باياندامادا العا قويىلعان ورنالاستىرۋعا قوسىلىپ، وسى باياندامانى بەكىتۋدى ۇيعاردى.
ءماجىلىس اۆتونوميالى رايوندىق جوعارى حالىق سوتى مەكەمەسىنەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ دۇرىس باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، لاڭكەستىككە قارسى تۇرۋ، قاتاڭ سوققى بەرۋ سوت قىزمەتىن تەرەڭدەتىپ، ءادىليا ءتۇزىلىسى رەفورماسىن تىڭعىلىقتى ىلگەرىلەتىپ، سوت مەكەمەسى قوسىنىنىڭ قۇرىلىسىن كۇشەيتىپ، دەلو ىستەۋدىڭ ساپاسى مەن تيىمدىلىگىن ۇزدىكسىز جوعارىلاتىپ، حالىق جۇرتشىلىعىنا ءاربىر ءادىليالىق دەلودان ادىلدىك پەن ادىلەتتىلىكتى سەزىندىرۋگە قۇلشىنىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا پارمەندى ءادىليالىق كەپىلدىك ازىرلەۋدى تالاپ ەتتى.
