ءتىلشىمىز سۋ لۋپيڭ
20 - قاڭتار ءبىر اپتاعا تاياۋ ۇيىنە قايتپاعان پاتىگۇل مامەت ۇيىنە كىرىسىمەن بولمەلەردى تازالاي باستادى، تەلەۆيزوردىڭ ۇستىنە قويىلعان وتباسىلىق سۋرەتتى تاپتەشتەي ءسۇرتىپ، ماعان تۋىستارىن − ءۇرىمجى قالالىق تاس جول باسقارۋ مەكەمەسىنىڭ سايباق رايونى لۋيۋان ءمالىسى اۋماعىن باسقارۋ كوميتەتى حىيۋە الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسىنىڭ مۇشەلەرىن ءبىر - بىرلەپ تانىستىرا باستادى. «پارتيا ماعان وسىنداي جاقسى تۋىس بەرمەسە، قازىر ءتىرى وتىرماس ەدىم»، - دەدى پاتىگۇل اسەرلەنە.
پاتىگۇل − حىيۋە الەۋمەتتىك اۋماعىندا تۇراتىن جالعىز باستى قارت، جاسى 70تىڭ ۇستىندە، جوعارى قان قىسىمى، جۇرەك اۋرۋى، دەمىكپە سياقتى سوزىلمالى ناۋقاسقا شالدىققان، ازىراق جايسىزدانسا بولدى، ەسىنەن تانىپ قالادى. سول ءۇشىن «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا الەۋمەتتىك اۋماقتا تۇراتىن قىزمەت اترەتىنىڭ مۇشەلەرى مەن الەۋمەتتىك اۋماق كادرلارى قولدارى بوساي قالسا پاتىگۇلدىڭ ۇيىنە بارىپ تۇرادى. بىردە پاتىگۇلدىڭ ناۋقاسى قوزعالا قالعان كەزدە بارا قالعان قىزمەت اترەتىنىڭ مۇشەسى ونى عيماراتتان ارقالاپ ءتۇسىپ، جاقىن ماڭايداعى اۋرۋحاناعا جەتكىزەدى. دەر كەزىندە قۇتقارىلعاندىقتان، امان قالادى. وسىدان باستاپ، وزىنە امانداسا كەلگەن قىزمەت اترەتىنىڭ مۇشەلەرىن كورگەن سايىن پاتىگۇل ءوزىنىڭ جان اشىر جاقىنىن كورگەندەي بولادى.
«بىلتىر اقپان ايىنىڭ ءبىر كۇنى، الەۋمەتتىك اۋماقتا تۇراتىن قىزمەت اترەتىنىڭ الدىڭعى كەزەكتەگى باستىعى ءبىزدى باستاپ وتباسىلاردى ارالاپ، قىزمەتتەردى وتكىزىپ بەردى، پاتىگۇل اپايدىڭ ۇيىنە بارعانىمىزدا، قىزمەت اترەتى مەن الەۋمەتتىك اۋماقتىڭ كورسەتكەن كومەكتەرىن ايتىپ اپاي كوزىنە جاس الدى»، - دەيدى قىزمەت اترەتىنىڭ مۇشەسى ۋاڭ سىۋي. سول كۇنى پاتىگۇلمەن اڭگىمەلەسپەسە دە، ۋاڭ سىۋي وسى اپايدىڭ جاعدايىن حالىق سۇيىسپەنشىلىگى كۇندەلىگىنە مۇقيات جازىپ قويادى. «اپايدىڭ ءۇيى 4 - قاباتتا، شىعىپ - ءتۇسۋى قولايسىز، الدا - جالدا سىرقاتتانا قالسا، جانىن دا ەشكىم جوق». ارى ويلاپ - بەرى ويلاپ، ەرتەسى ۋاڭ سىۋي تاعى دا پاتىگۇلدىڭ ۇيىنە كەلىپ، ونىڭ تەلەفونىنا ءوزىنىڭ تەلەفون ءنومىرىن كىرگىزىپ قويادى ءارى ءبىر تۇيمەشىكپەن تەرۋگە بولاتىن ەتىپ ىڭعايلاپ بەرەدى. «ۇلتتار ىنتىماعىنىڭ بەرەكەلى شاڭىراعى» قيمىلىندا ۋاڭ سىۋي پاتىگۇلمەن تۋىس بولۋدى ىرىقتى تۇردە تالاپ ەتەدى.
«قاراشى، وڭ جاق جوعارىداعى تۇيمەشىكتى باسسام بولعانى، بالامنىڭ تەلەفون ءنومىرى شىعادى، ونان سوڭ سويلەسۋتۇيمەشىگىن باسسام بولعانى، بالامنىڭ تەلەفونىنا جالعانادى». پاتىگۇل تەلەفونىن اشىپ جالعاپ كورسەتتى.
كوز جانارىندا ماقتانىش سەزىمى ءبىلىنىپ تۇر. «ءبىرىنشى رەت سول بالا تۋىسىم بولىپ ۇيگە كەلگەن كەزدە كوپ ۇندەمەي، ءۇيدىڭ ءىشىن ارى - بەرى كورىپ شىعىپ كەتكەن. تاعى ءبىر كەلگەنىندە كۇرىش، ۇن، ماي، نان، كوكونىس سياقتى دۇنيەلەردى الا كەلىپتى». سول ساتتە پاتىگۇل ۋاڭ سىۋيدىڭ وزىنە اناسى رەتىندە قاراعانىن سەزىنەدى.
«بۇل، بالامنىڭ مەنى ەكىنشى رەت اۋرۋحاناعا اكەلۋى، الدىڭعى جولى بىلتىر جازدا سىرقاتىم قوزعالعان ەدى، سول كەزدە كىمدى ىزدەرىمدى بىلمەدىم، ابىرجىپ قايتەرىمدى بىلمەگەن ساتتە ءبىر تۇيمەشىك ارقىلى تەلەفون ءنومىرىن تەرۋ ويىما كەلدى»، - دەيدى پاتىگۇل. تەلەفوندى الا سالىپ كوپ وتپەي، ۋاڭ سىۋي مەن كاسىپتەستەرى پاتىگۇلدىڭ ۇيىنە جەتىپ، ونى اۋرۋحاناعا جەتكىزەدى، اۋرۋحاناعا جاتۋ قاراجاتىن تاپسىرادى ءارى پاتىگۇلدىڭ جانىنان كەتپەي ءبىر ءتۇن قارايدى. ەرتەسى تاڭەرتەڭگى اسىن بەرىپ، شيپاگەردەن پاتىگۇلدىڭ اۋرۋ جاعدايىن تاپتەشتەي سۇراعاننان كەيىن، ۋاڭ سىۋي كوڭىلى جاي تاۋىپ جۇمىسىنا بارادى.
«قار جاۋىپ تۇر، دەمىكپەسى بار ادامعا سۋىق تيسە بولمايدى، ءسىز كوكونىس ساتىپ الۋعا شىقپاي - اق قويىڭىز، ءبىرازدان كەيىن مەن اكەلىپ بەرەمىن». ۋاڭ سىۋي پاتىگۇلگە ىلعي دا قول ۇشىن بەرىپ كومەكتەسىپ تۇرادى. «پارتيا ماعان جاقسى ۇل بەرىپ، مەنىڭ سوڭعى ومىرىمدە ۇرپاقتىڭ قامقورلىعىن سەزىندىردى، ۇكىمەت ماعان ەڭ تومەنگى تۇرمىستى قامتاماسىزداندىرۋ اقىسىن بەرىپ، تۇرمىسىمدى قامتاماسىز ەتتى. قىزمەت اترەتى، الەۋمەتتىك اۋماقتىڭ كادرلارى مەنى ەستەرىنەن شىعارماي، مەنىڭ جاعدايىمدى ۇنەمى ۇعىسىپ تۇرادى، وسىنداي كۇنگە جەتكەنىمە رازىمىن»، - دەيدى پاتىگۇل.
ءبىر جىلعا تاياۋ ۋاقىتتا پاتىگۇل ۋاڭ سىۋيدى بالاسىنداي كورىپ كەتتى. بۇرىن ونىڭ ۇيىندە سۋرەت وتە از بولاتىن، قازىر ونىڭ ۋاڭ سىۋيمەن، قىزمەت اترەتىنىڭ مۇشەلەرىمەن تۇسكەن سۋرەتتەرى تولىپ تۇر. بىرگە تاماق ىستەگەن، تۋعان كۇندى تويلاعان، الەۋمەتتىك اۋماقتىڭ ءىرىلى - ۇساقتى ىستەرىنە قاتىناسقان ساتتەر ەستەلىككە الىنعان سۋرەتتەر باقىتتى شاقتاردىڭ كۋاسى ىسپەتتى. بۇگىندە ۋاڭ سىۋيدى ءبىر - ەكى كۇن كورمەسە، پاتىگۇل تەلەفوندا سويلەسىپ «بالام، بۇگىن كوڭىل كۇيىڭ قانداي؟» دەپ اماندىق سۇرايدى. «الەۋمەتتىك اۋماقتا شارۋا شاش ەتەكتەن، سوندىقتان كەيدە كوڭىلى جابىرقايتىن كەزدەرى بولادى، تەلەفون سوعىپ سۇراپ قويسام، كوڭىلى كوتەرىلىپ قالادى عوي»، - دەپ تۇسىندىرەدى پاتىگۇل.
بۇل − پاتىگۇلدىڭ ۋاڭ سىۋيدىڭ قىزمەتىن تۇسىنگەندىگىنىڭ جانە قولداعاندىعىنىڭ ەڭ تىكە بەينەسى. ءدال وسىنداي بولعانى ءۇشىن دە، ۋاڭ سىۋي جۇرەكتەن شىققان ءبىر ءتۇرلى مەيىردى سەزىنەدى.
«<ۇلتتار ىنتىماعىنىڭ بەرەكەلى شاڭىراعى> قيمىلىنىڭ سەن ءۇشىن ەڭ ۇلكەن ماڭىزى نە؟»، - دەپ سۇراعانىمدا، ۋاڭ سىۋي: ماعان تۋىسىڭا قانشا جاقىن بولساڭ، تۋىسىڭنىڭ دا ساعان سونشا جاقىن بولاتىندىعىن ءتۇسىندىردى، - دەدى ۋاڭ سىۋي.
