ءتاڭىرتاۋ تورابى   ›   جاڭالىقتار   ›   وقۋ-اعارتۋ

جۇرت وقۋ - اعارتۋداعى تيىمدىلىكتىڭ ناقتى ونىمدىلىگىن كوردى

  تىلشىلەرىمىز جاۋ شييا، چاۋ جين

  باس شۋجي شي جينپيڭ پارتيا 19 - قۇرىلتايىنىڭ بايانداماسىندا: قالا مەن اۋىلداردا مىندەتتى وقۋ - اعارتۋدىڭ ءبىر تۇلعالانا دامۋىن ىلگەرىلەتىپ، اۋىل - قىستاقتارداعى مىندەتتى وقۋ - اعارتۋعا وسكەلەڭ ءمان بەرىپ، مەكتەپكە دەيىنگى تاربيەنى، ەرەكشە وقىتۋدى جانە تورمەن وقىتۋدى ويداعىداي باسقارىپ، تولىق ورتا مەكتەپ ساتىسىنداعى وقىتۋدى جالپىلاستىرىپ، ءاربىر بالانى ءادىل دە ساپالى ءبىلىم الۋ مۇمكىندىگىنە يە ەتۋگە قۇلشىنۋ كەرەكتىگىن اتاپ كورسەتتى.

  شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا وقۋ - اعارتۋ − نەگىز، كەپىل. تاياۋ جىلداردان بەرى، مەملەكەت پەن اۆتونوميالى رايوننىڭ وقۋ - اعارتۋدا حالىققا تيىمدىلىك جاساۋ ينجەنەرياسىن اتقارۋ تەبىنىن كۇشەيتۋىنىڭ ارقاسىندا، تۇتاس رايونىمىزدىڭ وقۋ - اعارتۋ ىستەرى تاريحي ىلگەرىلەۋشىلىككە قول جەتكىزدى، ءار ۇلت بۇقاراسى ناقتى تابىستان يگىلىكتەندى، ءتىپتى دە كوپ ادام وقۋ - اعارتۋدى دامىتۋدىڭ پايداسىن كوردى.

  وقۋ - اعارتۋدىڭ جاڭا وزگەرىستەرىن اڭگىمەلەپ، پارتيانىڭ ابزال ساياساتىنا العىس ايتتى. تاياۋدا ءتىلشى شينجياڭ قولدانىلمالى كاسىپتىك تەحنيكا ينستيتۋتىنىڭ باستىعى جالەل نۇرپەيىس ۇلىمەن، كۇشار اۋدانى چىمان قالاشىعى دابوز قىستاعى پارتيا ياچەيكاسىنىڭ شۋجيى تۇرسۇن ومارمەن، اراتۇرىك اۋدانى سەنترلى باستاۋىش مەكتەبىنىڭ باستىعى ۋىن باۋسۇنمەن وقۋ - اعارتۋدا حالىققا تيىمدىلىك جاساۋ توڭىرەگىندە سۇحباتتا بولعاندا، ولاردىڭ ءبارى القاۋ ايتتى.

  مەكتەپ وقۋشىلارىنىڭ سانى ەسەلەپ ارتتى

  «مەكتەپ وقۋشىلارىنىڭ سانى 3000نان 7000عا جەتىپ، ءبىر ەسەنىڭ ۇستىندە ارتتى، كاسىپتىك وقۋ - اعارتۋدىڭ باۋرامدىلىعى بارعان سايىن كۇشەيۋدە!»، شينجياڭ قولدانىلمالى كاسىپتىك تەحنيكا ينستيتۋتىن اۋىزعا العاندا جالەل نۇرپەيىس ۇلى وسىلاي دەپ ريزاشىلىعىن ءبىلدىردى. ول: مەكتەبىمىز تەگىندە ىلە پەداگوگيكا ينستيتۋتىنا قاراستى 2 - دارەجەلى ينستيتۋت بولاتىن. 2012 - جىلى سولتۇستىك شينجياڭ ءوڭىرىنىڭ كاسىپتىك وقۋ - اعارتۋ دارىندىلارىنا بولعان قاجەتىن قاناعاتتاندىرۋ ءۇشىن، مەملەكەت پەن اۆتونوميالى رايون 100 ميلليون يۋان قارجى قوسىپ، شينجياڭ قولدانىلمالى كاسىپتىك تەحنيكا ينستيتۋتىن قۇردى، - دەدى.

  «ءبىز پراكتيكالىق جاتتىعۋ عيماراتىن، وقىتۋ عيماراتىن، اسحانا جانە كەمەلدى سپورت الاڭىن جاڭادان سالىپ، وقۋ - اعارتۋ نەگىزدىك قۇرىلعىسىن بارىنشا جاقسارتتىق»، - دەپ ءسوزىن ساباقتاعان جالەل نۇرپەيىس ۇلى: ينستيتۋتىمىز كەزەكتە ماشينا - ەلەكتر، قالا قۇرىلىسى سياقتى 60 نەشە ماماندىق ءتۇرىن اشتى. مەملەكەت پەن اۆتونوميالى رايوننىڭ ساياساتتىق سۇيەمەلدەۋىندە، ينستيتۋتىمىز وقۋ - وقىتۋ قابىلەتى مەن قىزمەت تاجىريبەسىن قاتار ازىرلەگەن وقىتۋشىلار قوسىنى قۇرىلىسىن ۇزدىكسىز كۇشەيتتى، كەزەكتە وقۋ - وقىتۋ قابىلەتى مەن قىزمەت تاجىريبەسىن قاتار ازىرلەگەن وقىتۋشىلار %60تى ۇستايدى، وقۋشىلاردىڭ جۇمىستانۋ سالىستىرماسى ءۇرتىس 3 جىلدا %95تىڭ ۇستىندە بولدى. «وقۋشىلاردىڭ دەنى ەگىنشى - مالشى وتباسىلارىنىڭ بالالارى، ولار ۇيرەنۋ ارقىلى ونەر يگەرىپ، ءوزىنىڭ جانە وتباسىنىڭ تاعدىرىن وزگەرتتى»، - دەدى.

  بالاباقشاداعى بالالار وقۋدان قايتقىسى كەلمەيدى

  نەگىزگى ساتىداعى اۋىل - قىستاق كادرى تۇرسۇن ءومار قىستاقتا جاڭادان سالىنعان بالاباقشالاردىڭ كۋاگەرى. «قىستاقتاعى بالاباقشا اۋدان قالاشىعىنداعىدان دا ادەمى!»، - دەيدى تۇرسۇن ءومار. ول تۇرعان كۇشار اۋدانى چىمان قالاشىعىندا جاڭادان 8 بالاباقشا سالىنعان. بالاباقشادا كوپ رولدى كلاس، قيمىل بولمەسى، كىتاپ ءۇيى، دەنساۋلىق ساقتاۋ ءۇيى بارلىعى توتەنشە كەمەلدى. بالالاردىڭ وقۋى، تاماعى تۇگەلدەي تەگىن.

  «بالاباقشانىڭ ورتاسى كوڭىلدى دە جانعا جايلى، قالالاردان وقۋ - اعارتۋعا كومەككە كەلگەن كادرلار بالالارعا ءان، ءبي ۇيرەتىپ، ءبىلىم بەرەدى. بالالار وقۋدان قايتقىسى كەلمەيدى. بۇرىن قىستاق كادرلارى مەن وقىتۋشىلار وتباسىلارىن ارالاپ، اتا - انالارعا بالالارىن بالاباقشاعا بەرۋ جونىندە قىزمەت ىستەيتىن. ال قازىر جاڭا وقۋ ماۋسىمى باستالماي تۇرىپ - اق اتا - انالار بالالارىن بالاباقشاعا ىرىقتىلىقپەن تىزىمدەتەدى»، - دەيدى تۇرسۇن ءومار.

  ابزال ساياسات وقىتۋشىلاردى نەگىزگى ساتىعا كەلۋگە باۋرادى

  «جاڭا وقۋ ماۋسىمىندا بالالاردىڭ بىرەۋىنىڭ دە قالماي تىزىمدەلۋى مەن جونىنەن ەڭ كوڭىلدى ءىس. بۇرىنعى جىلدارى كەيبىر وقۋشىلار وقۋدان قول ءۇزىپ كەتەتىن. الايدا سوڭعى 2 جىلدا بۇل جاعداي كورنەكتى جاقساردى. بۇل ارادا قالعىسى كەلەتىن نەگىزگى ساتى وقىتۋشىلارىنىڭ قاتارىنىڭ كۇن سايىن مولايۋى مەكتەپتىڭ وقۋشىلاردى تارتۋىنداعى ماڭىزدى سەبەپ بولدى»، - دەيدى اراتۇرىك اۋدانى سەنترلى باستاۋىش مەكتەبىنىڭ باستىعى ۋىن باۋسۇن.

  «بۇرىن باستاۋىش مەكتەپ وقىتۋشىلارىنىڭ ەڭبەكاقىسى تومەن، مەكتەپتىڭ نەگىزدىك شارت - جاعدايى دا ناشار بولعاندىقتان، ءىشىنارا وقىتۋشىلار كوپ ۇزاماي بۇل ارادان كەتىپ قالاتىن. وقىتۋشىلاردىڭ تاپشى بولۋىنا بايلانىستى ءبىر ءبولىم وقۋشىلار دا مەكتەپكە كەلمەيتىن نەمەسە باسقا مەكتەپتەرگە بارىپ وقيتىن»، - دەيدى ۋىن باۋسۇن.

  ۋىن باۋسۇن: رايونىمىزدىڭ وقۋ - اعارتۋ جاعىنان حالىققا تيىمدىلىك جاساۋ سەرپىنىنىڭ ارتۋىنا بايلانىستى قازىر وقىتۋشىلاردىڭ ەڭبەكاقىسى ەسەلەپ ارتۋمەن بىرگە، قاتىناس، تاماق قوسىمشا قاراجاتتارى دا بەرىلەتىن بولدى. وقىتۋشىلار رەتتى دە تازا جاتاقحانالاردا تەگىن تۇرادى. مەكتەپتىڭ قاتتى بولشەك شارت - جاعدايى دا ۇزبەي كەمەلدەنىپ، وقىتۋشىلاردى باۋراي تۇسۋدە، - دەيدى. اراتۇرىك اۋدانى اداق اۋىلىنداعى بالاباقشانىڭ جاۋاپتىسى ءاديلام حالىق ۋىن باۋسۇنعا تەرەڭ اسەر قالدىردى. ول شينجياڭ بالاباقشا تاربيەشىلەرى مەكتەبىنەن وقۋ تاۋىسقاننان كەيىن اۋىلىنا قايتىپ، تاربيەشى بولادى. ول: اۋىلىمىزدىڭ وقۋ - اعارتۋ شارت - جاعدايى كۇن سايىن جاقسارۋدا. بۇل اراداعى بالالار دا ماعان ءزارۋ. جاستىق ورالىمدى وسى اراعا ارناۋعا پەيىلمىن، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اپات مەيىرىمسىز بولسا دا ادام مەيىرىمدى
  • جارالى تاۋ ەشكىنىڭ لاعى حاۋىپسىز ورىنعا جوتكەلدى
  • كادر ساقشىلار كورىكتى جاڭاشا اۋىل - قىستاق قۇرۋ سەنىمدەرىن ايگىلەي ءتۇستى
  • جالپىلىق مەملەكەت حاۋىپسىزدىگى كۇنىن اتاپ ءوتتى
  • مال ىندەتىنىڭ الدىن الۋ قىزمەتىن مۇقيات ورىستەتتى
بىزبەن بايلانىس جارناما قىزمەتى لەبىز قالدىرۋ ءبىز تۋرالى